Saripodhaa Sanivaaram: న్యాచురల్ స్టార్ నాని ప్రస్తుతం వరుస సినిమాలతో బిజీగా మారాడు. అందులో ఒకటి సరిపోదా శనివారం. వివేక్ ఆత్రేయ దర్శకత్వంలో తెరకెక్కుతున్న ఈ చిత్రాన్ని డివీవీ ఎంటర్ టైన్మెంట్స్ బ్యానర్ పై డివీవీ దానయ్య నిర్మిస్తున్నాడు. ఇక ఈ చిత్రంలో నాని సరసన ప్రియాంక మోహన్ నటిస్తుండగా.. ఎస్ జె సూర్య విలన్ గా కనిపిస్తున్నాడు.
ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి. టీజర్ లో నాని.. ఊర మాస్ లుక్ లో కనిపించాడు. సూర్య అనే పాత్రలో నాని కనిపించనున్నాడు. ఆదివారం నుంచి శుక్రవారం వరకు కూల్ గా ఉండే.. సూర్య, శనివారం వస్తే మాత్రం శివాలెత్తిపోతాడు. అందుకే శనివారం మాత్రం అతడి చేతికి దొరక్కూడదు అని టీజర్ లో చూపించారు. దీంతో అసలు శనివారం మాత్రమే సూర్య ఎందుకు అలా అయిపోతాడు అనేది సినిమా చూసి తెలుసుకోవాల్సిందే అని డైరెక్టర్ చెప్పుకొచ్చాడు.
ప్రస్తుతం శరవేగంగా షూటింగ్ జరుపుకుంటున్న ఈ సినిమ ఆగస్టు 29 న అన్ని భాషల్లో రిలీజ్ కు రెడీ అవుతుంది. ఇక రిలీజ్ డేట్ దగ్గరపడుతుండటంతో ప్రమోషన్స్ మొదలుపెట్టిన మేకర్స్.. ఇప్పటికే గరం గరం అనే సాంగ్ ను రిలీజ్ చేశారు. ఇక ఇప్పుడు సూర్య కూల్ లుక్ ను రిలీజ్ చేశారు. ఈ పోస్టర్ లో నాని.. మిడిల్ క్లాస్ కుర్రాడిలా కనిపిస్తున్నాడు.
బైక్ మీద నవ్వుతూ ఆఫీస్ కు వెళ్తున్నట్లు కనిపించాడు. ఇక ఈ పోస్టర్ కు క్యాప్షన్ గా నాని.. ఆదివారం నుండి శుక్రవారం వరకు హింసకు భీమా ఉంది అని రాసుకొచ్చాడు. అంటే సూర్యకు సరిపోదా శనివారం అని ఇన్ డైరెక్ట్ గా చెప్పుకొచ్చాడు. ప్రస్తుతం ఈ పోస్టర్ నెట్టింట వైరల్ గా మారింది. మరి ఈ సినిమాతో నాని ఎలాంటి విజయాన్ని అందుకుంటాడో చూడాలి.
Sunday to Friday
Violence ki insurance 🙂
‘Surya’#SaripodhaaSanivaaram pic.twitter.com/bijJo9RkwL— Nani (@NameisNani) July 4, 2024
Share
Leo Horoscope: సింహ రాశి వారి జీవితంలో 15 రోజులు ఊహించని సంఘటనలు !
PM Modi To Visit Russia: ప్రధాని మోదీ రష్యా పర్యటన.. అయిదేళ్ల తరువాత తొలిసారి
