Suriya Bala: సెన్సేష‌న‌ల్ డైరెక్ట‌ర్‌కి సూర్య షాక్‌

Suriya Bala : కోలీవుడ్‌తో పాటు టాలీవుడ్ ప్రేక్ష‌కుల‌కు సుప‌రిచితుడైన హీరో సూర్య‌. ఓటీటీలోనూ ఆయ‌న సినిమాలు ఆకాశం నీ హ‌ద్దురా, జై భీమ్ చిత్రాలు నేరుగా విడుద‌లై అంద‌రినీ ఆక‌ట్టుకున్నాయి. ప్ర‌స్తుతం ఆయ‌న రెండు క్రేజీ ప్రాజెక్టుల‌కు ఓకే చెప్పారు. అందులో ఓ సినిమా సెన్సేష‌న‌ల్ కోలీవుడ్ డైరెక్ట‌ర్‌గా పేరు తెచ్చుకున్న బాలా. ఇంత‌కు ముందు వీరిద్ద‌రి కాంబినేష‌న్‌లో శివ పుత్రుడు, నంద సినిమాలు రూపొంది మంచి విజ‌యాల‌ను సాధించాయి. దీంతో ఇప్పుడు రూపొంద‌తున్న సూర్య – బాలా మూవీపై అంచ‌నాలు పీక్స్‌కి చేరుకున్నాయి.

సూర్య 41వ సినిమాగా బాలా ద‌ర్శ‌క‌త్వంలో రామేశ్వ‌రం ప్రాంతంలో షూటింగ్ ప్రారంభ‌మైంది. సినిమాకు సంబంధించిన రెండు,మూడు షెడ్యూల్స్ కూడా పూర్త‌య్యాయి. ఇటీల ఈ సినిమాకు వ‌నంగాన్ (తెలుగులో అచ‌లుడు) అనే టైటిల్ పెట్టి పోస్ట‌ర్ రిలీజ్ చేశారు. రామేశ్వ‌రంలో అయితే ఓ ఇళ్లున్న సెట్ వేసి అక్కడున్న వారికి అలాగే ఇచ్చేసి వ‌చ్చేశారు టీమ్ స‌భ్యులు. అలాంటి ఈ సినిమా ఇప్పుడు ఆగిపోయిందంటూ టాక్ వినిపిస్తోంది. బ‌డ్జెట్ పెరిగిపోవ‌టం, సినిమా షూటింగ్స్ వాయిదాల మీద వాయిదాలు ప‌డుతుండ‌టంతో బాలా సినిమాను సూర్య ఆపేశార‌ట‌. త్వ‌ర‌లోనే సూర్య‌.. శివ ద‌ర్శ‌క‌త్వంలో భారీ పీరియాడిక్ మూవీని సెట్స్ పైకి తీసుకెళ్ల‌బోతున్నార‌ట‌.

Share

• 
• 
• 
• 
• 
•