Lokesh Kanagaraj – Rajinikanth’s Movie Coolie Teaser Released: సూపర్ స్టార్ రజినీకాంత్ వరుస సినిమాలతో బిజీగా ఉన్న విషయం తెల్సిందే. ప్రస్తుతం రజినీ.. లోకేష్ కనగరాజ్ దర్శకత్వంలో ఒక సినిమా చేస్తున్నాడు. తలైవర్ 171 గా తెరకెక్కుతున్న ఈ చిత్రాన్ని సన్ పిక్చర్స్ నిర్మిస్తుంది. ఇక ఈ సినిమాకు మ్యూజిక్ సెన్సేషన్ అనిరుధ్ మ్యూజిక్ అందిస్తున్నాడు. ఈ సినిమా టైటిల్ కు సంబంధించిన అప్డేట్ మేకర్స్ నేడు రివీల్ చేస్తామని ముందు నుంచి చెప్పుకుంటూ వస్తున్నారు. ఈ నేపథ్యంలోనే తలైవర్ 171 టైటిల్ తంగం అని సోషల్ మీడియాలో పుకార్లు షికార్లు చేస్తూ వస్తున్నాయి. అయితే ఆ పుకార్లలో నిజం లేదని మేకర్స్ క్లారిటీ ఇచ్చేశారు.
కొద్దిసేపటి క్రితమే తలైవర్ 171 టైటిల్ టీజర్ ను మేకర్స్ రిలీజ్ చేశారు. కూలీ అనే టైటిల్ తో తలైవర్ 171 రాబోతుందని మేకర్స్ తెలిపారు. ఇక ఈ టీజర్ లో రజినీ ఊర మాస్ లుక్ లో కనిపించాడు. మూడు నిమిషాల పాటు సాగిన ఈ టీజర్ లో రజినీ తన స్టైల్ తో ఫ్యాన్స్ ను ఫిదా చేశాడు. బంగారం తయారుచేస్తున్న కొంతమంది రౌడీలను చితక్కొట్టి డైలాగ్ చెప్పిన విధానం అదిరిపోయింది. ఇక చివర్లో రజినీ నవ్వు.. ఆ షాట్ నెక్ట్ లెవెల్ అని చెప్పాలి. టీజర్ మొత్తాన్ని బ్లాక్ అండ్ వైట్ లో చూపించగా.. గోల్డ్ ను మాత్రం హైలైట్ చేశారు.
Also Read: Pawan Kalyan: ‘ఎక్స్’ ను షేక్ చేస్తున్న పవన్ కళ్యాణ్.. ఇదెక్కడి మాస్ రా మావా
టైటిల్ టీజర్ తోనే సినిమాపై హైప్ క్రియేట్ చేశారు. ఇక అనిరుధ్ మ్యూజిక్ అయితే అస్సలు చెప్పాల్సిన అవసరం లేదు. చేతికి కూలీ బిళ్ల కట్టుకొని.. గాగుల్స్ పెట్టుకొని రజినీ స్టైల్ గా కనిపించాడు. త్వరలోనే ఈ సినిమా షూటింగ్ ప్రారంభం కానుందని మేకర్స్ తెలిపారు. ప్రస్తుతం ఈ వీడియో నెట్టింట వైరల్ గా మారింది. మరి ఈ సినిమాతో రజినీ ఎలాంటి విజయాన్నీ అందుకుంటాడో చూడాలి.
Share
Woman Sitting on a Men in Delhi Metro: కలికాలం అంటే ఇదేనేమో.. ఢిల్లీ మెట్రోలో.. యువకుడి ఒళ్లో కూర్చున్న మహిళ.. వైరల్ వీడియో!
Aa Okkati Adakku Trailer: ఆ ఒక్కటి అడక్కు ట్రైలర్.. పెళ్లి కోసం అల్లరోడి ఆరాటం..!
