Thandel: ప్రస్తుతం టాలీవుడ్ కుర్ర హీరోలు కొంతమంది హిట్ కోసం ఎదురుచూస్తుండగా.. ఇంకొందరు పాన్ ఇండియా గుర్తింపు కోసం కష్టపడుతున్నారు. ఇక ఇందులో చెప్పుకోవాల్సిన హీరోల్లో నాగ చైతన్య ఒకడు. లవ్ స్టోరీ సినిమా తరువాత చై కు హిట్ పడిందే లేదు. ఇక ఇవన్నీ పక్కన పెడితే ఇప్పటివరకు అక్కినేని కుటుంబంలో ఏ ఒక్క హీరో పాన్ ఇండియా లెవెల్లో సినిమా చేయలేదు. ఇక మొట్టమొదటి సారి చై.. తండేల్ సినిమాతో పాన్ ఇండియా లెవెల్లో రాబోతున్నాడు.
గీత ఆర్ట్స్ బ్యానర్ లో చందు మొండేటి దర్శకత్వంలో తెరకెక్కతున్న చిత్రం తండేల్. ఈ చిత్రంలో చై సరసన సాయిపల్లవి నటిస్తోంది. ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి. ఇక ఈ సినిమా ఎప్పటినుంచో డిసెంబర్ 20 న వార్తలు వినిపిస్తున్నాయి. త్వరలోనే అధికారిక ప్రకటన కూడా రానుందని టాక్. ఈ నేపథ్యంలోనే ఈ డేట్ ను నితిన్ కొట్టేశాడు. ప్రస్తుతం నితిన్ చేతిలో వరుస సినిమాలు ఉన్నాయి. అందులో ఒకటి రాబిన్ హుడ్. వెంకీ కుడుముల దర్శకత్వం వహిస్తున్న ఈ చిత్రాన్ని మైత్రీ మూవీ మేకర్స్ నిర్మిస్తుంది.
నేడు శ్రీరామనవమి పండగ సందర్భంగా రాబిన్ హుడ్ రిలీజ్ డేట్ ను మేకర్స్ రిలీజ్ చేశారు. డిసెంబర్ 20 న తమ సినిమా కానుందని మేకర్స్ తెలిపారు. అయితే అదే రోజు కనుక చై తండేల్ కూడా రిలీజ్ కానుందని తెలుస్తోంది. ఈ లెక్కన నితిన్ కు చై గట్టి పోటీ ఇస్తాడు అని చెప్పడంలో ఎటువంటి అతిశయోక్తి లేదు. మరి ఈ కుర్ర హీరోలు పోటీకి సై అని నిలబడతారా.. ? లేక గొడవ ఎందుకు అనుకోని తప్పుకుంటారా.. ? అనేది తెలియాల్సి ఉంది.
Share
Chandrababu: సీఎంపై రాయి దాడి..‘ బీ కేర్ ఫుల్ ఆఫీసర్స్’.. చంద్రబాబు మాస్ వార్నింగ్
Angry Rantman: ప్రముఖ యూట్యూబర్ మృతి.. ట్విట్టర్ లో ట్రెండింగ్
