Yashoda Movie: ‘యశోద’ స్పీడుకు బ్రేకులేసిన కోర్టు.. ఓటీటీ విడుదలపై నోటీసులు

Yashoda Movie : సమంత టైటిల్ పాత్రలో నటించిన లేటెస్ట్ పాన్ ఇండియా మూవీ ‘యశోద’. హరి, హరీష్ దర్శక ద్వయం తెరకెక్కించిన ఈ చిత్రాన్ని శ్రీదేవి మూవీస్ బ్యానర్‌పై శివలెంక కృష్ణ ప్రసాద్ నిర్మించారు. సినిమా హిట్ టాక్ తెచ్చుకోవటంతో థియేటర్స్‌లో మంచి వసూళ్లనే రాబట్టింది. దీంతో సినిమాను త్వరలోనే విడుదల చేయాలని మేకర్స్ భావించారు. డిసెంబర్ 19న ప్రముఖ ఓటీటీ అమెజాన్ ప్రైమ్‌లో రిలీజ్ కావటానికి సిద్ధమైంది. అయితే ఇప్పుడు ఓటీటీ రిలీజ్‌కి సిటీ సివిల్ కోర్టు అడ్డం పడింది. అందుకు కారణం. సినిమా కంటెంట్. యశోద మూవీ సరోగసీ అనే పాయింట్ మీద తెరకెక్కింది. అందులో ఈవా అనే అనే సరోగసీ సెంటర్‌ను చూపించారు.

ఆ పేరుతో నిజంగానే హాస్పిటల్స్ ఉండటం ఇప్పుడు యశోద ఇబ్బందిగా మారింది. సదరు హాస్పిటల్స్ కోర్టులో కేసు వేసింది. దాంతో సిటీ సివిల్ కోర్టు సినిమాను ఓటీటీ రిలీజ్ చేయకూడదంటూ నోటీసులు జారీ చేసింది. యశోద సినిమాలో తమ హాస్పిటల్ పేరు వాడటంతో ప్రతిష్ట దెబ్బతింది. ఈవా, ఐవీఎఫ్ యాజమాన్యం కోర్టులో పిటిషన్ వేసింది. దీనిపైనే సివిల్ కోర్టు చర్యలు యశోద మేకర్స్‌కి నోటీసులు జారీ చేసింది. మరి దీనిపై యశోద నిర్మాతలు ఎలా రియాక్ట్ అవుతారో చూడాలి మరి.

Share

• 
• 
• 
• 
• 
•