OTT Releases this Week: ప్రతి వారం ఓటీటీలోకి పలు సినిమాలు, వెబ్ సిరీస్‌లు వస్తూ ఉంటాయి. కొన్ని కొత్త సినిమాలు కూడా వెంట వెంటనే రిలీజ్ అవుతూ ఉంటాయి. అయితే ఈ ఏప్రిల్ మొదటి వారంలో కూడా కొన్ని సినిమాలు, సిరీస్‌లు స్ట్రీమింగ్‌కి సిద్ధంగా ఉన్నాయి. మరి అవేంటో ఇప్పుడు తెలుసుకుందాం.
భీమా:
మ్యాచోస్టార్ గోపీచంద్ హీరోగా నటించిన భీమా మూవీ ఇటీవల థియేటర్లలో రిలజ్ అయింది. అయితే భారీ అంచనాల నడుమ ప్రేక్షకుల ముందుకు వచ్చిన ఈ సినిమా పెద్దగా ఆకట్టుకోలేకపోయింది. దీంతో ఈ సినిమా ఇప్పుడు ఓటీటీలోకి వచ్చేందుకు సిద్ధమైంది. ఏప్రిల్ 5 నుంచి ప్రముఖ ఓటీటీ స్ట్రీమింగ్ సంస్థ డిస్నీ ప్లస్ హాట్ స్టార్‌లో రిలీజ్ కాబోతుంది.
తంత్ర:
అనన్య నాగళ్ల లీడ్ రోల్‌లో నటించిన లేటెస్ట్ హార్రర్ మూవీ తంత్ర. ఇటీవల థియేటర్లలో రిలీజ్ అయిన ఈ సినిమా ప్రేక్షకులను ఆకట్టుకోవడంలో విఫలం అయింది. దీంతో ఈ మూవీ ఇప్పుడు ఓటీటీలోకి వచ్చేందుకు సిద్ధమైంది. ప్రముఖ ఓటీటీ సంస్థ ఆహాలో ఏప్రిల్ 5నుంచి స్ట్రీమింగ్ కానుంది. భారీ అంచనాలతో ఫుల్ హార్రర్ సీన్లు ఉంటాయని అంతా అనుకున్నారు. కానీ ఆడియన్స్ ఎక్స్‌పెర్టేషన్స్‌కు తగ్గట్టుగా ఈ మూవీలేకపోవడంతో బాక్సాఫీసు వద్ద తన హవా చూపించలేకపోయింది.
Also Read: ఆ హీరో వదిలేయడం వల్లే.. సిద్ధు జొన్నలగడ్డ స్టార్ అయ్యారా..?
హనుమాన్:
క్రియేటివ్ దర్శకుడు ప్రశాంత్ వర్మ – యంగ్ నటుడు తేజ సజ్జా కాంబోలో తెరకెక్కిన మూవీ ‘హనుమాన్’. సంక్రాంతి సందర్భంగా థియేటర్లలోకి వచ్చిన ఈ సినిమా ఇప్పుడు ఓటీటీలోకి వచ్చేందుకు సిద్ధంగా ఉంది. అయితే ఇప్పటికే ఈ మూవీ తెలుగు, హిందీ వెర్షన్‌లు స్ట్రీమింగ్ అవుతున్నాయి. ఇక ఇప్పుడు ఈ మూవీ కన్నడ, తమిళ, మలయాళ వెర్షన్‌లు ఓటీటీలో రిలీజ్ అయ్యేందుకు సిద్ధంగా ఉన్నాయి. హాట్ స్టార్‌లో ఏప్రిల్ 5 నుంచి స్ట్రీమింగ్ కానుంది.
లంబసింగి:
ప్రముఖ బిగ్ బాస్ బ్యూటీ దివి వాద్య హీరోయిన్‌గా నటించిన లేటెస్ట్ మూవీ ‘లంబసింగి’. ఇటీవలే రిలీజ్ అయిన ఈ చిత్రం ఇప్పుడు ఓటీటీలోకి వచ్చేసింది. ఆల్రెడీ ఈ మూవీ ఏప్రిల్ 2 నుంచి హాట్ స్టార్‌లో స్ట్రీమింగ్ అవుతోంది.
ఫారి:
Also Read: ఓటీటీలోకి ‘గామి’.. థియేటర్లలోనూ పోటీ.. ఇక్కడ కూడా పోటీనా..!
గతేడాది థియేటర్లలో రిలీజ్ అయిన హిందీ చిత్రం ఫారి. ఈ మూవీ ఇప్పుడు ఓటీటీలోకి వచ్చేందుకు రెడీ అయింది. ప్రముఖ ఓటీటీ సంస్థ జీ5లో ఏప్రిల్ 5 నుంచి స్ట్రీమింగ్ కాబోతుంది. ఇక ఈ సినిమాలతో పాటు ఫ్యామిలీ ఆజ్ కల్ (వెబ్ సిరీస్) ఏప్రిల్ 4 అంటే ఈ రోజు నుంచి సోనీలివ్‌లో స్ట్రీమింగ్ కానుంది. అలాగే పారాసైట్ ద గ్రే (వెబ్ సిరీస్) ఏప్రిల్ 5 నుంచి ఓటీటీ సంస్థ (నెట్‌ఫ్లిక్స్‌లో), స్కూప్ (నెట్‌ఫ్లిక్స్‌లో), క్రూక్స్ (నెట్‌ఫ్లిక్స్), హనీమూనిష్ (నెట్‌ఫ్లిక్స్)లో స్ట్రీమింగ్ కానున్నాయి.