Vijay Devarakonda’s Family Star Movie 2nd Song Promo: టాలీవుడ్ యంగ్ హీరో విజయ్ దేవరకొండ లైగర్ సినిమాతో కోలుకోలేని దెబ్బ తిన్నాడు. ఎన్నో అంచనాల నడుమ విడుదలైన ఈ సినిమా అందరి అంచనాలను తలకిందులు చేసింది. బాక్సాఫీసు వద్ద ఊహించినంత విజయాన్ని అందుకోలేక పోయింది.
దీంతో విజయ్ దేవరకొండ తన తదుపరి సినిమాపై ఫుల్ ఫోకస్ పెట్టాడు. ఇందులో భాగంగా తనకు గీతా గోవిందంతో రూ.100 కోట్ల హిట్ మూవీ ఇచ్చిన దర్శకుడు పరశురామ్తో ఇప్పుడు మరొక సినిమా చేస్తున్నాడు.
విజయ్ దేవరకొండ – పరశురామ్ కాంబోలో తెరకెక్కుతోన్న తాజా చిత్రం ‘ఫ్యామిలీ స్టార్’. ప్రముఖ నిర్మాత దిల్ రాజు ఈ చిత్రాన్ని నిర్మిస్తున్నాడు. ఈమూవీలో విజయ్ దేవరకొండకు జోడీగా మృణాల్ ఠాకూర్ హీరోయిన్గా నటిస్తోంది.
Also Read: ఆస్కార్స్ సాధించిన సినిమాలు.. ఏ ఓటీటీల్లో స్ట్రీమింగ్ అవుతున్నాయో తెలుసా?
ఇక ఇప్పటికే ఈ మూవీ నుంచి విడుదలైన పోస్టర్స్, గ్లింప్స్, టీజర్, ఒక సాంగ్ మంచి రెస్పాన్స్ అందుకున్నాయి. వీటితో సినిమాపై అంచనాలు మరింత పెరిగాయి. ముఖ్యంగా ఈ సినిమాలో విజయ్ దేవరకొండ ఓ వైపు మాస్ మెయింటైన్ చేస్తూనే.. మరోవైపు ఒక మిడిల్ క్లాస్ వ్యక్తిలా కనిపిస్తున్నాడు.
ఇదిలా ఉంటే ఈ మూవీ నుంచి మేకర్స్ మరో అప్డేట్ను ప్రేక్షకులకు అందించారు. ఈ మూవీ నుంచి సెకండ్ సాంగ్ ప్రోమోను విడుదల చేశారు. ‘కళ్యాణి వచ్చా వచ్చా’ అంటూ సాగే ఈ సాంగ్ ప్రోమోను వెడ్డింగ్ సాంగ్లా చిత్రీకరించారు.
ప్రస్తుతం ఈ సాంగ్ ప్రోమో అందరినీ ఆకట్టుకుంటోంది. కాగా ఫుల్ లిరికల్ సాంగ్ ఈ రోజు సాయంత్రం 6.30 గంటలకు రిలీజ్ చేయనున్నట్లు మేకర్స్ వెల్లడించారు. ఈ మూవీ అన్ని కార్యక్రమాలు పూర్తి చేసుకుని ఈ ఏడాది సమ్మర్లో అంటే ఏప్రిల్ 5న ప్రేక్షకుల ముందుకు రానుంది.
Share
Citizenship Amendment Act 2019: దేశంలో ముస్లిం పౌరులపై CAA ప్రభావం ఉంటుందా..? ముస్లింలకు మాత్రమే ఇది ఎందుకు వర్తించదు..?
Haryana CM Manohar Lal Khattar: హర్యానాలో రాజకీయ సంక్షోభం.. సీఎం పదవికి ఖట్టర్ రాజీనామా!
