Sreeleela: పెళ్లి సందD సినిమాతో టాలీవుడ్ కు పరిచయమైన బ్యూటీ శ్రీలీల. మొదటి సినిమాతోనే తెలుగు అభిమానులను తన అందంతో, అభినయంతో బుట్టలో వేసేసుకుంది. ఇక ఈ సినిమా రిలీజ్ కూడా కాకముందే స్టార్ హీరోల సినిమాలను లైన్లో పెట్టింది. మొదటి సినిమా హిట్ అవ్వకపోయినా.. ఆ తరువాత ధమాకా, భగవంత్ కేసరి లాంటి సినిమాలతో మంచి విజయాలను అందుకుంది. అయితే వరుస సినిమాలను అందుకుంది కానీ, విజయాలను మాత్రం అందుకోలేకపోయింది.
ఒకప్పుడు చేతిలో అరడజను సినిమాలతో బిజీగా ఉన్న శ్రీలీల ఇప్పుడు ఒక్కో భాషలో ఒక సినిమా చేస్తూ వస్తుంది. తెలుగులో పవన్ సరసన ఉస్తాద్ భగత్ సింగ్ లో నటిస్తున్న శ్రీలీల.. తమిళ్ లో అజిత్ సరసన గుడ్ బ్యాడ్ అగ్లీ సినిమాలో నటిస్తోంది. సాధారణంగా స్టార్ హీరోయిన్లు.. ఒక్క సినిమా హిట్ అవ్వగానే బాలీవుడ్ కు చెక్కేస్తారు. కానీ, శ్రీలీల వరుస సినిమాలు చేసి.. ఇప్పుడు బాలీవుడ్ ఎంట్రీ ఇవ్వడానికి రెడీ అవుతోంది.
అవును.. అందుతున్న సమాచారం ప్రకారం.. శ్రీలీల బాలీవుడ్ ఎంట్రీ ఈ ఏడాది ఉండనుందని తెలుస్తోంది.బాలీవుడ్ స్టార్ హీరో సైఫ్ అలీఖాన్ ప్రస్తుతం తెలుగులో దేవర సినిమాతో బిజీగా ఉన్నాడు. ఆయన కొడుకు ఇబ్రహీం ఆలీఖాన్ దిలర్ అనే సినిమా చేస్తున్నాడు. కునాల్ దేశ్ ముఖ్ దర్శకత్వం వహిస్తున్న ఈ చిత్రాన్ని మాడాక్ ఫిల్మ్స్ నిర్మిస్తుంది. ఇక ఈ సినిమాలో ఇబ్రహీం కు జోడీగా శ్రీలీలను అనుకుంటున్నారట.
ఇప్పటికే అమ్మడితో సంప్రదింపులు కూడా జరిగాయని, ఆమె కూడా ఓకే చెప్పిందని సమాచారం. ఒకవేళ ఇదే కనుక నిజమైతే శ్రీలీల దశ తిరిగినట్టే. టాలీవుడ్ లో చక్రం తిప్పినట్టే..బాలీవుడ్ లో కూడా కుర్ర హీరోలు అందరూ ఈ ముద్దగుమ్మ చుట్టూనే తిరగడం మొదలుపెడతారు. మరి త్వరలోనే అధికారిక ప్రకటన వస్తుందేమో చూడాలి.
Share
Upcoming SUV Cars in India: ఈ క్రేజ్ ఏంట్రా బాబు.. ఒకేసారి 5 SUV's లాంచ్.. ఫీచర్లు, డిజైన్ పీక్స్ అంతే..!
Samsung Blockbuster Offer: బ్లాక్ బస్టర్ డీల్.. సామ్‌సంగ్ 5G ఫోన్‌పై ఊహించని డిస్కౌంట్!
