Unstoppable with NBKS 2:మెగా, నంద‌మూరి అభిమానులు ఎంత‌గానో ఎదురు చూసిన అన్‌స్టాప‌బుల్ క్రేజీయెస్ట్ ఎపిసోడ్ మంగ‌ళ‌వారం (డిసెంబ‌ర్ 27) రోజున హైద‌రాబాద్ అన్న‌పూర్ణ స్టూడియోలో ప్రారంభ‌మైంది. నంద‌మూరి బాల‌కృష్ణ హోస్ట్ చేస్తున్న ఈ ఎపిసోడ్‌కు ప‌వ‌ర్ స్టార్, జ‌న‌సేనాని పవన్ క‌ళ్యాణ్ ముఖ్య అతిథిగా రావ‌టం ఈ ప్రోగ్రామ్‌కే హైలైట్ అని చెప్పాలి. మ‌రే ఎపిసోడ్‌కు లేనంత హైప్‌, ఎక్స్‌పెక్టేష‌న్స్ ఈ ఎపిసోడ్‌కు క్రియేట్ అయ్యింది. నంద‌మూరి, మెగా ఫ్యాన్స్ స్టూడియో ద‌గ్గ‌ర సంద‌డి చేశారు. అస‌లు బాల‌కృష్ణ.. పవన్ క‌ళ్యాణ్‌ను ఎలాంటి ప్ర‌శ్న‌లు వేస్తార‌నే దానిపై అంద‌రిలో తెలియ‌ని ఎగ్జ‌యిట్‌మెంట్ నెల‌కొంది.
సాధార‌ణంగా సినిమాల‌తో పాటు రాజ‌కీయాల్లో ఉంటున్న పవన్ క‌ళ్యాణ్‌పై ఆయ‌న ప్ర‌త్య‌ర్థులు వేసే బాణం.. ఆయ‌న మూడు పెళ్లిళ్లు గురించి. దీనిపై బాల‌కృష్ణ ప్ర‌శ్నిస్తారా! లేదా! అడ‌గ‌క‌పోవ‌చ్చు అని అంద‌రూ భావించారు. కానీ ఇన్‌సైడ్ సోర్సెస్ ప్ర‌కారం పవన్ క‌ళ్యాణ్ మూడు పెళ్లిళ్లపై బాలయ్య ప్ర‌శ్నించారు. జ‌న‌సేనాని కూడా అందుకు వివ‌ర‌ణ ఇచ్చార‌ట. ఈ ప్ర‌శ్న ఎండింగ్‌లో పవన్ క‌ళ్యాణ్ మూడు పెళ్లిళ్లపై కామెంట్ చేసే వారిని హెచ్చ‌రిస్తూ బాలయ్య వార్నింగ్ కూడా ఇచ్చార‌ని అంటున్నారు. మ‌రి ప్రోమో, ప్రోగ్రామ్ వ‌స్తే కానీ అస‌లు విషయం తెలియ‌దు. వ‌చ్చే ఏడాది జ‌న‌వ‌రిలో ఈ ఎపిసోడ్‌ను ఆహాలో ప్ర‌సారం చేస్తార‌ని అంటున్నాయి మీడియా వ‌ర్గాలు.
Share
Sabarimala Temple :శబరిమల అయ్యప్పస్వామి ఆలయం మూసివేత.. మళ్లీ తిరిగి తెరిచేది ఎప్పుడంటే..?
Nara Lokesh : యువగళం పేరుతో లోకేష్ పాదయాత్ర.. టార్గెట్ ఎన్ని మైళ్లు అంటే..?..
