Vignesh Shivan: లేడీ సూపర్ స్టార్.. హీరోయిన్ నయనతార భర్త విఘ్నేష్ శివన్ ‘కాతు వాక్కుల రెండు కాదల్’ సినిమాతో భారీ విజయాన్ని అందుకున్నారు. ఇక కొంచెం గ్యాప్ తర్వాత ఇప్పుడు విఘ్నేష్ ఓ చిత్రాన్ని తెరకెక్కిస్తున్నారు. ‘లవ్ టుడే’ ఫేమ్ హీరో ప్రదీప్ రంగనాథన్ హీరోగా ఎల్ఐసి (లవ్ ఇన్సూరెన్స్ కార్పొరేషన్) టైటిల్‌తో ఓ మూవీని రూపొందిస్తున్నారు. పూర్తిగా లవ్ అండ్ రొమాంటిక్ జానర్‌లో తెరకెక్కుతున్న ఈ చిత్రంలో కృతి శెట్టి హీరోయిన్‌గా నటిస్తోంది.
ఇప్పటికే పూజా కార్యక్రమాలు పూర్తి చేసుకున్న ఈ సినిమా రెగ్యులర్ షూటింగ్ త్వరలోనే ప్రారంభం కాబోతోందని సమాచారం. ఈ నేపథ్యంలో ఈ చిత్రబృందానికి ఊహించని విధంగా షాక్ తగిలింది. ఎల్ఐసి ( లైఫ్ ఇన్సూరెన్స్ కార్పొరేషన్ ఆఫ్ ఇండియా) తాజాగా చిత్రబృందంకి నోటీసులు జారీ చేసింది. ప్రజల్లో మంచి పేరు ఉన్న తమ సంస్థను ఇలా సినిమాల కోసం ఉపయోగిస్తే తమ సంస్థ ప్రతిష్టకు భంగం కలుగుతుందని ఆరోపిస్తూ నోటీసులు ఇచ్చింది.
వారంలోపు సినిమా టైటిల్‌ని మార్చకపోతే క్రిమినల్ చర్యలు తప్పవంటూ హెచ్చరించింది. దీనిపై మూవీ యూనిట్ ఎలా స్పందిస్తుందో చూడాలి. మరి టైటిల్‌తోనే కాంట్రవర్సీలకు తెరలేపిన ఈ సినిమా మరెన్ని వివాదాలకు కారణమవుతుందో చూడాలి.
Share
Ramanthapur: రామంతాపూర్ లో దారుణం.. తల్లిని చంపి.. గుట్టుచప్పుడు కాకుండా ?
Salt : మూడొంతుల ఉప్పు గుజరాత్దే
