VD12 new movie First Look Poster(Telugu film news): రౌడీ బాయ్ విజయ్ దేవరకొండ ప్రస్తుతం మంచి హిట్ కోసం గట్టిగా ప్రయత్నిస్తున్నాడు. ఇందులో భాగంగానే వరుస సినిమాలు చేస్తున్నాడు. అయితే గతంలో విజయ్ ఆశలన్నీ ‘లైగర్’పై పెట్టుకున్నాడు. ఎన్నో అంచనాలతో థియేటర్లలోకి వచ్చిన ఈ సినిమా అందరి అంచనాలను తలకిందులు చేసింది. బాక్సాఫీసు వద్ద ఫ్లాప్‌గా నిలిచింది. దీంతో విజయ్ లైగర్ పై పెట్టుకున్న ఆశలన్నీ అడియాశలయ్యాయి. అయినా పట్టువదలకుండా.. విజయపజయాలతో సంబంధం లేకుండా పలు సినిమాలు చేశాడు.
అందులో లైగర్ తర్వాత చేసిన సినిమా ఖుషి. ఈ మూవీ కూడా ఎన్నో అంచనాలతో రిలీజ్ అయింది. అయితే బాక్సాఫీసు వద్ద మాత్రం పర్వాలేదనిపించుకుంది. కలెక్షన్లు కూడా ఓ మోస్తారుగా వచ్చాయి. ఆ వెంటనే మరో సినిమా చేశాడు. తనకు ఇదివరకే ‘గీతా గోవిందం’ సినిమాతో ఒక కల్ట్ బ్లాక్ బస్టర్ హిట్ అందించిన దర్శకుడు పరశురామ్‌తో ‘ఫ్యామిలీ స్టార్’ సినిమా చేశాడు. ఈ సినిమా పోస్టర్స్, సాంగ్స్, టీజర్, ట్రైలర్ ఇలా ప్రతి ఒక్క అప్డేట్‌తో మంచి హైప్ క్రియేట్ చేసుకుంది.
ఇక అలాంటి అంచనాల నడుమ విడుదలైన ఈ సినిమా కూడా పర్వాలేదనిపించుకుంది. ఫ్యామిలీ ఆడియన్స్‌కు ఈ సినిమా బాగా కనెక్ట్ అయింది. కానీ యూత్‌ మాత్రం ఈ చిత్రాన్ని రిజెక్ట్ చేశారు. అయినా సినిమాకి మిక్స్డ్ టాక్ వచ్చింది. ఇలా తన కెరీర్‌లో చేసిన ఈ మూవీలు బాక్సాఫీసు వద్ద పర్వాలేదనిపించుకున్నాయి. కానీ విజయ్‌కు మాత్రం మంచి హిట్‌ను అందించలేకపోయాయి. అందువల్లనే ఈ సారి ఎలాగైన ఒక బిగ్గెస్ట్ హిట్ కొట్టాలని విజయ్ నిర్ణయించుకున్నాడు. ఇందులో భాగంగానే పలు సినిమాలను లైన్‌లో పెట్టాడు.
Also Read: VD12 లుక్ లీక్.. ఊర మాస్ అవతార్ లో రౌడీ హీరో..
అందులో ‘VD12’ మూవీ ఒకటి. విజయ్ దేవరకొండ హీరోగా, గౌతమ్ తిన్ననూరి దర్శకత్వంలో ఈ మూవీ వర్కింగ్ టైటిల్‌తో తెరకెక్కుతోంది. శ్రీకర స్టూడియోస్ సమర్పణలో తెరకెక్కుతోంది. సితార ఎంటర్‌టైన్‌మెంట్స్‌, ఫార్చూన్‌ఫోర్ సినిమాస్‌ పతాకంపై నాగవంశీ, సాయి సౌజన్య కలిసి ఈ చిత్రాన్ని అత్యంత భారీ స్థాయిలో నిర్మిస్తున్నారు. ఇందులో విజయ్ దేవరకొండను మునుపెన్నడూ చూడని విధంగా చూపించబోతున్నట్లు తెలుస్తోంది. దీనిపై మేకర్స్ ప్రత్యేక శ్రద్ధ తీసుకుంటున్నారు.
ప్రస్తుతం ఈ సినిమా షూటింగ్ శ్రీలంకలోని సుందరమైన ప్రదేశాల్లో పూర్తయింది. 60 శాతం షూటింగ్ పూర్తి అయినందున మేకర్స్ తాజాగా ఓ అద్బుతమైన అప్డేట్ అందించారు. ఈ సినిమా రిలీజ్ డేట్ అనౌన్స్ చేస్తూ విజయ్ దేవరకొండ‌కు సంబంధించిన ఫస్ట్‌లుక్‌ను రిలీజ్ చేశారు. ఈ చిత్రాన్ని వచ్చే ఏడాది 2025 మార్చి 28న రిలీజ్ చేయనున్నట్లు తెలిపారు. ఈ మేరకు విడుదల చేసిన పోస్టర్‌లో విజయ్ దేవరకొండ అగ్రసివ్‌గా బాడీ మొత్తం వాటర్‌తో చాలా పవర్‌ఫుల్‌గా కనిపిస్తున్నాడు. ఈ పోస్టర్ సినీ ప్రియుల్లో సరికొత్త క్యూరియాసిటీ క్రియేట్ చేసింది. ఇకపోతే ఈ మూవీ అఫీషియల్ టైటిల్‌ను ఈ నెలలో అంటే ఆగస్టులో రివీల్ చేయనున్నట్లు తెలిపారు. ఈ చిత్రానికి అనిరుధ్ రవిచందర్ సంగీతం అందిస్తున్నారు.
We've had the pleasure of working closely with @gowtam19 for the past 6-7 years. With the utmost confidence and belief in him, we promise you'll see the ROWDY @TheDeverakonda back on screen in red-hot form! 🤩🔥
Destiny calls,
Bloodshed awaits,
A new king shall rise 🔥#VD12… pic.twitter.com/njJ1piRTPY— Naga Vamsi (@vamsi84) August 2, 2024
Share
Paris Olympics 2024: నా ప్రయత్నం చేశా, అదృష్టం లేదంతే: సింధూ
Rahul Gandhi says ED raid: చక్రవ్యూహం స్పీచ్.. తన ఈడీ దాడులు జరిగే ఛాన్స్-రాహుల్
