Vijay Devarakonda: బాడీగార్డ్ పెళ్ళిలో విజయ్ దేవరకొండ సందడి..

Vijay Devarakonda: రౌడీ హీరో విజయ్ దేవరకొండ గురించి ప్రత్యేకంగా చెప్పాల్సిన అవసరం లేదు. సెల్ఫ్ మేడ్ హీరోల్లో విజయ్ దేవరకొండ ఒకడు. చిన్నతనం నుంచి నటనపై ఆసక్తితో ఒక్కోమెట్టు ఎక్కుతూ వస్తున్నాడు. ఇక అభిమానుల కోసం, తనను అభిమానించేవారి కోసం విజయ్ ఏదైనా చేస్తాడు. తన ప్రతి పుట్టినరోజుకు అభిమానులకు ఏదో ఒక గిఫ్ట్ ఇస్తూ ఉంటాడు. అవసరమని అడిగినవారికి కాదనకుండా సహాయం చేస్తాడు.

ఇక తాజాగా విజయ్ దేవరకొండ తన బాడీగార్డ్ అయిన రవి పెళ్లిలో సందడి చేశాడు. సాధారణంగా సెలబ్రిటీలు.. తమ దగ్గర పనిచేసే వారి పెళ్లిళ్లకు వెళ్లరు. ఒకవేళ వెళ్లినా అలా వెళ్లి ఇలా వచ్చేస్తారు. కానీ, విజయ్ మాత్రం తన పర్సనల్ బాడీ గార్డ్ పెళ్లికి కుటుంబంతో సహా హాజరై నూతన వధూవరులను ఆశీర్వదించాడు. వెడ్డింగ్ కార్డు ఇవ్వడమే కానీ, వస్తారో రారో అనుకున్న రవికి.. సడెన్ గా విజయ్ ఫ్యామిలీని చూసి షాక్ అయ్యినట్లు కనిపిస్తున్నాడు. వెంటనే రవి.. తన బాస్ విజయ్ కు ఘనస్వాగతం పలికి శాలువా కప్పి సన్మానించాడు. అనంతరం తన భార్యను పరిచయం చేసి ఆశీర్వాదాలు అందుకున్నాడు.

ఇక రవితో కొద్దిసేపు ముచ్చటించిన విజయ్.. వారికి మంచి గిఫ్ట్ ను కూడా అందించినట్లు సమాచారం. ప్రస్తుతం ఇందుకు సంబంధించిన వీడియో నెట్టింట వైరల్ గా మారింది. ఇక విజయ్ కెరీర్ విషయానికొస్తే.. ప్రస్తుతం అతనికి ఒక భారీ హిట్ అవసరం. గౌతమ్ తిన్ననూరి దర్శకత్వంలో ఒక సినిమా చేస్తున్నాడు. ప్రస్తుతం శరవేగంగా షూటింగ్ జరుపుకుంటున్న ఈ సినిమా త్వరలోనే రిలీజ్ కానుంది.

The #VijayDeverakonda and his family attended the wedding of his personal guard, #Ravi, and blessed the couple pic.twitter.com/MFnu3ENqtN

— Vamsi Kaka (@vamsikaka) April 23, 2024

Share

• 
• 
• 
• 
• 
•