Virupaksha:-  విరూపాక్షకు తప్పిన ఏజెంట్ ముప్పు.. ఈ సమ్మర్‌కి మిగిలింది తేజ్ సినిమానే

Virupaksha:- హమ్మయ్య.. ఈ సమ్మర్ విన్నర్ విరూపాక్షనే. భారీ అంచనాల మధ్య వచ్చిన ఏజెంట్ సినిమా.. విరూపాక్ష కలెక్షన్స్‌ను తగ్గించేస్తుంది అనుకున్నారు. కొత్త సినిమా కావడంతో కొంత కలెక్షన్స్ ఏజెంట్ కు కూడా వెళ్తాయి. హిట్ టాక్ వస్తే.. ఇక విరూపాక్షను మరిచిపోవాల్సి వచ్చేది. కాని, అలా జరగలేదు. ఏజెంట్ మిక్స్డ్ టాక్ తెచ్చుకుని విరూపాక్షను మళ్లీ లైన్లో పెట్టింది.

విడుదలై వారం దాటుతున్నా సరే… విరూపాక్షకు అదిరిపోయే కలెక్షన్స్ వస్తున్నాయి. ఇప్పటికే 50 కోట్ల రూపాయలు వసూలు చేసింది. సాయిధరమ్ తేజ్ కెరీర్‌లోనే బిగ్గెస్ట్ బ్లాక్ బస్టర్ మూవీగా నిలించింది. నిజానికి వేరే ఏ సినిమాలు లేకపోయి ఉంటే… విరూపాక్షకు తిరుగులేదు. మొదటి వారాన్ని సెన్సేషనల్ కలెక్షన్స్ తో కంప్లీట్ చేసుకున్న ఈ సినిమా.. ఇప్పుడు 23 కోట్ల బ్రేక్ ఈవెన్ టార్గెట్ మీద ఏకంగా 8.66 కోట్ల రేంజ్ లో ప్రాఫిట్ సొంతం చేసుకుంది. ఇక రెండో వారంలో సినిమా ఎలాంటి కలెక్షన్స్ ని సాధిస్తుందో చూడాలి.

ఇప్పుడు విరూపాక్షను నడిపించబోయేది అఖిల్ ఏజెంట్ సినిమానే. ఫస్ట్ డేనే మిక్స్డ్ టాక్ తెచ్చుకుంది. ఏదో పబ్జీ గేమ్ చూసినట్టు ఉందంటున్నారు. సినిమాలో హీరో అఖిలా లేక మమ్ముట్టినా అనే డౌట్ కూడా వచ్చింది చాలా మందికి. అఖిల్ తనకు సరిపోయే కథను ఎంచుకోలేదన్నది మెయిన్ టాక్. పైగా స్పై సినిమాలకు ఉండాల్సిన గ్రిప్పింగ్ లేదనేది గట్టిగా వినిపిస్తోంది. ఎంతసేపూ, అఖిల్ బాడీని చూపించాలి, యాక్షన్ సీన్స్ చేయించాలనే తపనే కనిపించింది తప్ప అందులో స్టోరీనే లేదంటున్నారు. ఎమోషన్స్, లవ్ ట్రాక్స్, కామెడీ.. ఇవేవీ సెట్ కాలేదంటున్నారు. మొత్తానికి మరీ డిసాస్టర్ కాకుండా సోసోగా ఆడుతుంది.

మొత్తానికి, ఏజెంట్ టాక్ విరూపాక్షకు మళ్లీ లైఫ్ ఇచ్చినట్టైంది. ఈ వేసవిలో ఏ సినిమా చూద్దామనే ఆప్షన్స్ వెతుక్కున్నప్పుడు.. ఫస్ట్ కనిపించేది ప్రస్తుతానికి విరూపాక్షనే. 

Share

• 
• 
• 
• 
• 
•