Mechanic Rocky – Vishwak Sen: మెకానిక్ రాకీగా విశ్వక్ సేన్.. కొత్త మూవీ పోస్టర్ భలే ఉంది కదా

Mechanic Rocky – Vishwak Sen: సినీ అభిమానులెప్పుడూ.. తమ అభిమాన హీరో బర్త్ డే కోసం ఎంతో ఆసక్తిగా ఎదురుచూస్తుంటారు. ఎందుకంటే ఆ రోజునే కదా.. తమ హీరో చేయబోయే సినిమాలు అనౌన్స్ అవుతాయి. అయితే ఇటీవలే మార్చి 27న రామ్ చరణ్ బర్త్ డే రాగా.. ఆ రోజు పలు సినిమాలు అనౌన్స్ అయ్యాయి.

అయితే ఇప్పుడు ప్రముఖ టాలీవుడ్ యాక్టర్ విశ్వక్ సేన్ వంతు వచ్చింది. ఈ రోజు విశ్వక్ సేన్ బర్త్ డే. ఈ సందర్భంగా అతడు నటిస్తున్న.. నటించబోయే సినిమాలకు సంబంధించిన పలు అప్డేట్‌లు విడుదల కానున్నాయి. దీని కోసం అభిమానులు ఎదురుచూస్తున్నారు. ఈ క్రమంలో విశ్వక్ సేన్ తన కొత్త సినిమాను ప్రకటించాడు.

ఇటీవలే గామి సినిమాతో బ్లాక్ బస్టర్ హిట్ అందుకున్నాడు విశ్వక్. అదే జోష్‌లో ఇప్పుడు మరొక కొత్త చిత్రానికి గ్రీన్ సిగ్నల్ ఇచ్చేశాడు. నేడు అతడి బర్త్ డే కావడంతో ఈ కొత్త సినిమాకు సంబంధించిన అప్డేట్‌ను మేకర్స్ అందించారు. ఈ చిత్రానికి గానూ ‘మెకానిక్ రాకీ’ అనే టైటిల్‌ను ఖరారు చేశారు.

Also Read: విశ్వక్‌సేన్‌ బర్త్‌ డే స్పెషల్‌.. ఈ రోజు రాబోతున్న కొత్త సినిమా అప్డేట్లు ఇవే..

ఈ మేరకు ఫస్ట్ లుక్ టైటిల్ పోస్టర్ రిలీజ్ చేశారు. అందులో విశ్వక్ రెంచ్ పట్టుకొని ఊరమాస్ లుక్‌లో సిగరెట్ కాల్చుతూ కనబడుతున్నాడు. ఈ చిత్రానికి రవితేజ ముల్లపూడి దర్శకత్వం వహిస్తుండగా.. రామ్ తాళ్లూరి నిర్మాతగా వ్యవహరిస్తున్నారు. ఈ మూవీలో విశ్వక్ సేన్ సరసన మీనాక్షి చౌదరి హీరోయిన్‌గా నటిస్తోంది.

Time to fasten your seat belts. #MechanicRocky is here, to take you on a ride 💥🛠

Wishing our 'Mass ka Das' @VishwakSenActor a very Happy Birthday#HBDVishwaksen pic.twitter.com/RO3zM66MMp

— Filmy Bowl (@FilmyBowl) March 29, 2024

కామెడీ, యాక్షన్ అంశాలతో తెరకెక్కుతోన్న ఈ మూవీ విశ్వక్ సేన్ కెరీర్‌లో 10వ చిత్రంగా రూపొందుతోంది. ఇకపోతే జేక్స్ బిజోయ్ సంగీతం అందిస్తున్నాడు. అలాగే డిఓపీగా మనోజ్ కాటసాని, ఎడిటర్‌గా అన్వర్ అలీ, ప్రొడక్షన్ డిజైనర్‌గా క్రాంతి ప్రియం, ఎగ్జిక్యూటివ్ నిర్మాతలుగా సత్యం రాజేష్, విద్యా సాగర్‌లు ఉన్నారు.