VK Naresh – Pavitra Lokesh : 2023 లో న‌రేష్ – ప‌విత్ర పెళ్లి .. లిప్ లాక్‌తో అనౌన్స్ చేసిన జంట‌

VK Naresh – Pavitra Lokesh : టాలీవుడ్ సీనియ‌ర్ న‌టుడు వి.కె.న‌రేష్‌, ప‌విత్రా లోకేష్ లివిన్ రిలేష‌న్‌లో ఉన్నారు. దీనిపై నెట్టింట వార్త‌లు వినిపిస్తూనే ఉన్నాయి. కాగా.. వీరిద్ద‌రూ కొత్త ఏడాదిలో పెళ్లి చేసుకోబోతున్న‌ట్లు అధికారికంగా ప్ర‌క‌టించారు. అది కూడా లిప్ లాక్ వీడియోతో. ఇదే అంద‌రినీ ఆశ్చ‌ర్య‌ప‌రుస్తుంది. ఈ వీడియో నెట్టింట వైర‌ల్ అవుతుంది. ‘‘కొత్త సంవత్సరం.. కొత్త ప్రారంభాలు, మా ఇద్ద‌రికీ ఆశీస్సులు కావాలి. నూత‌న సంవ‌త్స‌ర శుభాకాంక్ష‌లు.. మీ ప‌విత్ర‌, న‌రేష్’’ అంటూ వీడియో షేర్ చేశారు. విషెష్‌తో పాటు వీడియోలో కేక్ క‌ట్ చేశారు. లిప్ లాక్ కూడా చేసుకుంటూ వీడియో పోస్ట్ చేయటం అంద‌రికీ షాక్ ఇచ్చింది.

సీనియ‌ర్ న‌రేష్‌, ప‌విత్రా లోకేష్ పెళ్లి చేసుకోబోతున్న‌ట్లు ఈ ఏడాది నెట్టింట జోరుగా వార్త‌లు వినిపించాయి. దాంతో పాటు వారి రిలేష‌న్‌పై న‌రేష్ ర‌మ్యా ర‌ఘుప‌తి చాలా పెద్ద ర‌చ్చ చేసింది. న‌రేష్ – ప‌విత్రా లోకేష్‌ల‌పై ఆమె ఘాటుగానే స్పందించింది. దానికి వారు కూడా అదే రేంజ్‌లో రియాక్ట్ అయ్యారు. అంతే కాకుండా త‌మ రిలేష‌న్‌పై త‌ప్పుడు వార్త‌ల‌ను రాస్తున్నారంటూ కొన్ని యూ ట్యూబ్ ఛానెల్స్‌పై కూడా న‌రేష్‌, ప‌విత్రా లొకేష్ కోర్టు కెళ్ల‌గా కోర్టు సైబ‌ర్ పోలీసుల‌కు స‌ద‌రు యూ ట్యూబ్ ఛానెల్స్‌పై విచార‌ణ చేయాలంటూ ఆదేశాలు జారీ చేసిన సంగ‌తి తెలిసిందే.

Share

• 
• 
• 
• 
• 
•