Actress Sridevi Home on Rent: అందాల అతిలోక సుందరి శ్రీదేవి నివసించిన ఇల్లు అద్దెకు దొరుకుంతుందా..? అంటే అవును అనే అంటున్నారు బోనీ కపూర్. చెన్నైలో శ్రీదేవి, బోనీ కలిసి నివసించిన ఇంటిని అద్దెకు ఇవ్వాలని నిర్ణయించుకున్నారు. అప్పట్లో ఇండస్ట్రీ మొత్తం మద్రాస్ లో ఉండేదన్న విషయం తెల్సిందే. స్టార్ హీరోయిన్ గా కొనసాగుతున్న సమయంలోనే శ్రీదేవి.. చెన్నైలో ఒక సొంత ఇల్లు కొనుగోలు చేసి.. తన టేస్ట్ కు తగ్గట్టు తయారుచేయించుకుంది.
ఇక బోనీ కపూర్ తో పెళ్లి అయ్యాక ఆమె ముంబైకు షిఫ్ట్ అయ్యింది. కానీ, ఈ ఇంటిని మాత్రం ఎంతో పదిలంగా కాపాడుకుంటూ వచ్చింది. చెన్నై వచ్చిన ప్రతిసారి ఆమె .. ఈ ఇంట్లోనే ఉండేది. అందాల భామ జాన్వీ కపూర్ చిన్నతనం మొత్తం ఇక్కడే గడిచింది. ఇక్కడ కూడా శ్రీదేవి వచ్చిందంటే చాలు.. ఆ ఇంటిచుట్టూ అభిమానులు క్యూ కట్టేవారు. ఇక శ్రీదేవి మరణం తరువాత ఈ ఇంటి కళ మారిపోయింది. చెన్నై వచ్చి ఇంటి బాగోగులు చూసుకొనే పరిస్థితిలో బోనీ లేడు. ఈ మధ్యనే బోనీ ఈ ఇంటిని శుభ్రం చేయించాడు.
శ్రీదేవి ఉన్న ఈ ఇంటిని అమ్మడానికి మనసు ఒప్పక.. కొంత భాగాన్ని తన ఆఫీస్ గా ఉపయోగిస్తూ.. ఇంకొంతభాగాన్ని అద్దెకు ఇవ్వడానికి రెడీ అయ్యాడు. ఈ ఇంటి హోమ్ టూర్ చేస్తూ జాన్వీ మీరు కూడా ఈ ఇంట్లో ఉండాలనుకుంటున్నారా.. అయితే రండి అంటూ చెప్పుకొచ్చింది.
ప్రస్తుతం శ్రీదేవి ఇల్లు రెంట్ కు ఇవ్వబడును అని తెలియడంతో ఆమె అభిమానులు ఇక్కడ క్యూ కట్టారు. ఆమె నడియాడిన ఆ ఇంట్లో తాము కూడా ఉండాలని, రెంట్ ఎంతైనా పర్లేదని చెప్పుకొస్తున్నారట. మరి శ్రీదేవి ఇంటికి అద్దెకు వెళ్లేవారు ఎవరో తెలియాలంటే కొన్నిరోజులు ఆగాల్సిందే. ఇకపోతే బోనీ.. నిర్మాతగా కోలీవుడ్ లో కూడా బిజీగా మారుతున్నాడు. ప్రస్తుతం అజిత్ తో కలిసి ఒక సినిమా చేస్తున్నాడు.
Share
Google Mass Layoffs: గూగుల్ షాకింగ్ నిర్ణయం.. మరోసారి ఉద్యోగుల తొలగింపు.. ఈ సారి ఏకంగా 200 మంది!
Heart Disease with Noise Pollution: ధ్వని కాలుష్యంతో పెరుగుతున్న గుండె జబ్బులు.. ఎలానో తెలుసా..?
