Urvashi Rautela: ఆ మొసలి నెక్లెస్‌ ధర 276 కోట్లు?.. ఊర్వశిపై మళ్లీ ట్రోలింగ్..

Urvashi Rautela: ఊర్వశి రౌతేలా. ‘వాల్తేరు వీరయ్య’లో చిరంజీవితో కలిసి ఆడిపాడింది. ‘ఏజెంట్‌’లోనూ అలరించింది. ఇటీవల కేన్స్ ఫిల్మ్ ఫెస్టివల్‌లో తళుక్కున మెరిసింది. పింక్ కలర్ గౌన్‌లో బార్బీ బొమ్మలా తయారైంది. అంతా బానే ఉందికానీ.. ఆ మెడలోనే ఏదో తేడాగా ఉంది. చెవులకూ అంతే. మొసలి ఆకారంలో ఉన్న నెక్లెస్ (crocodile necklace)తో కేన్స్‌లో కనిపించడం.. చెవులకు మొసలి రింగులు పెట్టుకోవడం.. సోషల్ మీడియాలో ఫుల్ రచ్చ అవడం తెలిసిందే. లేటెస్ట్‌గా ఈ నెక్లెస్ గురించి మరో అప్‌డేట్ మరింత వైరల్ అవుతోంది.

ఊర్వశి రౌతేలా ఫేక్ నెక్లెస్ పెట్టుకున్నారంటూ నెటిజన్లు కామెంట్లతో కుమ్మేశారు. కేన్స్‌లో ఇలా చీప్ ఆర్నమెంట్స్ వేసుకుంటారా? అంటూ కుళ్లబొడిచారు. ఆ విమర్శలపై స్పందిస్తూ.. తాజాగా ఇన్‌స్టాలో ఓ పోస్ట్ పెట్టింది ఊర్వశి టీమ్. ఆ మొసలి నెక్లెస్ ఫేక్ ఆర్నమెంట్ కాదట. దాని ధర 276 కోట్ల వరకూ ఉంటుందట. మహిళలు ఎదుర్కొనే సవాళ్లు, విజయాలకు అది చిహ్నం.. అంటూ పోస్ట్‌ చేయడంతో అంతా అవాక్కవుతున్నారు.

అవునా? నిజమా? ఆ మొసలి నెక్లెస్, మొసలి చెవి రింగుల ధర అంత ఉంటుందా 276 కోట్లు అంటే మాటలా? ఇది కూడా ఫేకే అంటూ మళ్లీ రివర్స్ అటాక్ చేస్తున్నారు నెటిజన్స్. అయితే, ఆ నెక్లెస్ ధర అంత ఉండొచ్చని.. మీకు తెలీనంత మాత్రాన అది ఫేక్ గొలుసు కాదంటూ మరికొందరు రౌతేలాకు సపోర్ట్‌గా నిలుస్తున్నారు.

ఇక, కేన్స్‌లో ఊర్వశి ఫ్యాషన్ లుక్స్ మామూలుగా లేవు. మొసలి నెక్లెస్ తర్వాత డార్క్ బ్లూ అండ్ గ్రీన్ మిక్స్డ్ లిప్‌స్టిక్‌తో మరోసారి హంగామా చేసింది. ఆ తర్వాత గ్రీన్ కలర్ వెరైటీ డ్రెస్‌తో పక్షి ఆకారంలో హొయలు పోయింది.