చర్చిలో తీవ్ర విషాదం.. ప్రార్థన చేస్తుండగా పాస్టర్‌పై పడ్డ భారీ శిలువ.. వీడియో వైరల్!

Ecuador Priest: ఈక్వెడార్‌లో విషాదకర ఘటన చోటు చేసుకుంది. చర్చిలో ప్రార్థనలు (మాస్) నిర్వహిస్తున్న సమయంలో ఒక్కసారిగా భారీ శిలువ పాస్టర్ పై పడింది. దీంతో ఆయన అక్కడికక్కడే ప్రాణాలు కోల్పోయారు. ఈ ఘటనకు సంబంధించిన దృశ్యాలు సోషల్ మీడియాలో విపరీతంగా వైరల్ అవుతున్నాయి.

ఈక్వెడార్‌లోని గ్వాయాక్విల్ నగరంలో శనివారం (అక్టోబర్ 17) ఈ ఘటన జరిగింది. అక్కడి ‘న్యుస్ట్రా సెనోరా డెల్ పెర్పెటు సొకోర్రో’ (Nuestra Senora del Perpetuo Socorro) చర్చిలో ఫాదర్ పాట్రిసియో అల్ఫ్రెడో శాంచెజ్ మొలినారి (Father Patricio Alfredo Sanchez Molinari) భక్తులను ఉద్దేశించి ప్రసంగిస్తుండగా ఈ దుర్ఘటన చోటు చేసుకుంది. చర్చిలో ప్రార్థనలను లైవ్‌స్ట్రీమ్ చేస్తుండగా ఫాదర్ వెనుక గోడకు బిగించి ఉన్న పెద్ద శిలువ అకస్మాత్తుగా ఊడి కిందపడింది. శిలువ సరిగ్గా ఫాదర్ తల భాగంపై పడటంతో ఆయన అక్కడే కుప్పకూలిపోయారు. తీవ్ర గాయాలతో ఘటనా స్థలిలోనే ప్రాణాలు విడిచారు.

A priest was killed in Ecuador after a massive cross collapsed on him during services.

The incident happened in front of worshippers and was captured on a livestream. https://t.co/0ia3NKTsjG

— Open Source Intel (@Osint613) October 18, 2026

Also Read: విమానంలో బిడ్డ పుడితే ఏ దేశ పౌరసత్వం వస్తుంది? రూల్స్ ఏం చెప్తున్నాయంటే?

ఇదిలా ఉంటే ఫాదర్ శాంచెజ్ మొలినారి ఆ చర్చికి మాత్రమే కాకుండా ‘కాంగ్రిగేషన్ ఆఫ్ ది మోస్ట్ హోలీ రెడీమర్’ (Congregation of the Most Holy Redeemer) సంస్థలో కూడా సభ్యుడిగా కొనసాగుతున్నారు. ఆయన మృతి పట్ల స్థానిక క్రైస్తవులు, ప్రజలు తీవ్ర దిగ్భ్రాంతి వ్యక్తం చేస్తూ సోషల్ మీడియాలో నివాళులు అర్పిస్తున్నారు. ఆయన ఆత్మకు శాంతి చేకూరాలని ప్రార్థిస్తున్నారు.

Also Read: ఫ్లిప్‌కార్ట్‌లో iPhone 17పై ఊహించని భారీ తగ్గింపు.. ఇంత తక్కువ ధరకు ఎప్పుడూ చూడలేదు!