Iran Downs US F-35 Fighter Jet: మధ్యప్రాచ్యంలో యుద్ధ జ్వాలలు ఇప్పట్లో తగ్గేలా లేవు. రోజురోజుకి మరింత భీభత్సంగా ఎగసిపడుతున్నాయి. ఇరాన్ గగనతలంలో అమెరికాకు చెందిన అత్యంత శక్తివంతమైన రెండవ ఎఫ్-35 (F-35) ఫైటర్ జెట్ను కూల్చినట్లు ఇరాన్ మీడియా పేర్కొంది. తమ స్వదేశీ పరిజ్ఞానంతో తయారు చేసిన ఐఆర్జీసీ (IRGC) ఏరోస్పేస్ ఫోర్స్ రక్షణ వ్యవస్థ కూల్చివేసినట్లు మెహర్ వార్తా సంస్థ వెల్లడించింది. ఈ ప్రమాదంలో విమానం భారీ పేలుడుతో కూలిపోవడంతో పైలట్ ప్రాణాలతో బయటపడే అవకాశం లేదని ఖాతం అల్-అన్బియా ప్రధాన కార్యాలయ ప్రతినిధి పేర్కొన్నారు.
ముంబైలోని ఇరాన్ కాన్సులేట్ కూడా ఈ విమానం కూలిన వీడియోను ఎక్స్ వేదికగా పంచుకుంటూ, ఇరాన్ ఒక శక్తివంతమైన దేశమని రాసుకొచ్చింది. మార్చి 19న మొదటి ఎఫ్-35ను కూల్చివేసినట్లు ప్రకటించిన ఇరాన్, ఇప్పుడు రెండవ యుద్ధ విమానాన్ని కూడా ధ్వంసం చేయడం అమెరికాకు మింగుడు పడడం లేదు.
అమెరికా అధ్యక్షుడు డొనాల్డ్ ట్రంప్ ఈ పరిణామాలపై తీవ్రంగా స్పందించారు. రాబోయే రెండు మూడు వారాల్లో ఇరాన్పై మరింత కఠినంగా దాడులు చేస్తామని ఆయన హెచ్చరించారు. గురువారం అర్థరాత్రి తన Truth Social వేదికగా స్పందిస్తూ.. ఇరాన్లోని అతిపెద్ద వంతెన (బి1 వంతెన) ను అమెరికా దళాలు కూల్చివేశాయని, తమ శాంతి ఒప్పందానికి అంగీకరించకపోతే ఎదురయ్యే పరిణామాలకు ఇది ఒక హెచ్చరిక మాత్రమేనని పేర్కొన్నారు. దీనిపై ఇరాన్ స్పందిస్తూ, ట్రంప్ను ఒక ఓటమి పాలైన వ్యక్తిగా ఎద్దేవా చేసింది.
F-35 విమానం ధర సుమారు 80 మిలియన్ డాలర్ల నుండి 85 మిలియన్ డాలర్ల వరకు ఉంటుంది. భారత రూపాయిల్లో రూ. 931 కోట్ల విలువ ఉంటుంది. F-35కు ఎందుకు అంత ధర అంటే.. శత్రువుల రాడార్లకు చిక్కకుండా ప్రయాణించగల సామర్థ్యం దీనికి ఉంది. ఇది ప్రపంచంలోనే అత్యంత ఆధునికమైన సెన్సార్లు, ఇంటిగ్రేటెడ్ ఏవియానిక్స్ కలిగి ఉన్న ఐదవ తరం యుద్ధ విమానం. ఇది గగనతల పోరాటాలతో పాటు, భూమిపై ఉన్న లక్ష్యాలను ఛేదించడానికి, నిఘా కోసం కూడా ఉపయోగపడుతుంది. ఇది గంటకు సుమారు 1,900 కి.మీ (Mach 1.6) వేగంతో ప్రయాణించగలదు.
ఒకవైపు అమెరికా భూతల దాడులకు సిద్దమవుతుండగా, మరోవైపు ఇరాన్ తన క్షిపణి దాడులను ఇజ్రాయెల్, గల్ఫ్ దేశాలపై ముమ్మరం చేసింది. శుక్రవారం తెల్లవారుజామున టెహ్రాన్, ఇస్ఫహాన్ నగరాల్లో భారీ పేలుడు శబ్దాలు వినిపించాయి. అదే సమయంలో, కువైట్లోని Mina al-Ahmadi చమురు శుద్ధి కర్మాగారంపై ఇరాన్ డ్రోన్లు దాడి చేయడంతో అక్కడ భారీగా మంటలు చెలరేగాయి. కువైట్ పెట్రోలియం కార్పొరేషన్ కూడా ఈ దాడిని ధృవీకరించింది. అదృష్టవశాత్తూ ఈ ఘటనలో ఎవరికీ గాయాలు కాలేదని, అగ్నిమాపక సిబ్బంది మంటలను అదుపులోకి తెచ్చే ప్రయత్నం చేస్తున్నారని తెలిపింది.
Another enemy F-35 hit and downed by our #indigenous defence systems.
Iran is a force to be reckoned with.#Iran#F35#War pic.twitter.com/q1DhkTXrm3
— Consulate General of the I.R. Iran in Mumbai (@IRANinMumbai) April 3, 2026
Read Also: ఇరాన్ యుద్ధం వేళ అమెరికా సైన్యంలో లుకలుకలు.. ఆర్మీ చీఫ్పై వేటు, వేగంగా మారుతున్న సమీకరణాలు
Share
Viral News: సినిమా లెవల్ క్లైమాక్స్ సీన్.. తాళికట్టే టైంకి పెళ్లి కూతురు అలా చేసిందేంటి?
సౌత్ కొరియా స్ప్రింగ్ ట్రావెల్ స్పెషల్.. ఫ్లైట్స్, హోటల్స్ పై ఆఫర్లే ఆఫర్లు!
