ఆంధ్రప్రదేశ్ రాష్ట్రంలోని గుంటూరు జిల్లా మంగళగిరిలో ఉన్న ప్రతిష్టాత్మక ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ (AIIMS) భారీ నోటిఫికేషన్ విడుదల చేసింది. తాత్కాలిక ప్రాతిపదికన ఫిజియోథెరపిస్ట్ అలాగే సోషల్ వర్కర్ పోస్టులను భర్తీ చేసేందుకు సిద్ధమైంది. అర్హత కలిగిన అభ్యర్థులు 2026 ఫిబ్రవరి 19వ తేదీన నిర్వహించే వాక్-ఇన్ ఇంటర్వ్యూలకు హాజరుకావచ్చు.
ఈ నోటిఫికేషన్ ద్వారా మొత్తం రెండు ఖాళీలను భర్తీ చేస్తున్నారు. ఇందులో ఫిజియోథెరపిస్ట్ విభాగంలో ఒక పోస్టు ఉంది. సోషల్ వర్కర్ విభాగంలో మరో పోస్టు అందుబాటులో ఉంది. వైద్య సేవలను మరింత విస్తృతం చేసే ఉద్దేశంతో ఎయిమ్స్ యాజమాన్యం ఈ నియామక ప్రక్రియ చేపట్టింది.
అర్హతల విషయానికి వస్తే ఫిజియోథెరపిస్ట్ పోస్టుకు దరఖాస్తు చేసుకునే వారు గుర్తింపు పొందిన యూనివర్సిటీ నుంచి బీపీటీ (BPT) లేదా ఎంపీటీ (MPT) పూర్తి చేసి ఉండాలి. సోషల్ వర్కర్ పోస్టుకు బీఎస్డబ్ల్యూ (BSW) లేదా ఎంఎస్డబ్ల్యూ (MSW) ఉత్తీర్ణత సాధించిన వారు దరఖాస్తుకు అర్హులు. విద్యార్హతతో పాటు సంబంధిత విభాగాల్లో అనుభవం ఉన్న వారికి ప్రాధాన్యత లభిస్తుంది.
వయోపరిమితి అంశాన్ని పరిశీలిస్తే అభ్యర్థులు 35 ఏళ్ల నుంచి 40 ఏళ్ల మధ్య ఉండాలి. ప్రభుత్వ నిబంధనల ప్రకారం రిజర్వేషన్ వర్గాలకు వయో సడలింపు వర్తిస్తుంది. ఎంపికైన అభ్యర్థులకు ఆకర్షణీయమైన వేతనం అందించనున్నారు. ఫిజియోథెరపిస్ట్ పోస్టుకు నెలకు రూ.35,000 జీతం లభిస్తుంది. సోషల్ వర్కర్ పోస్టుకు నెలకు రూ.25,000 చొప్పున వేతనం చెల్లిస్తారు.
ఎంపిక ప్రక్రియ పూర్తిగా ఇంటర్వ్యూ ఆధారంగా సాగుతుంది. రాత పరీక్ష లేకుండా కేవలం ముఖాముఖి ద్వారానే ప్రతిభావంతులను ఎంపిక చేస్తారు. ఆసక్తి గల అభ్యర్థులు తమ బయోడేటా అలాగే ఒరిజినల్ సర్టిఫికెట్లతో పాటు ఒక సెట్ జిరాక్స్ కాపీలను వెంట తెచ్చుకోవాలి.
ఇంటర్వ్యూ తేదీ 19.02.2026 నాడు ఉదయం ప్రారంభమవుతుంది. వేదిక: గ్రౌండ్ ఫ్లోర్, అడ్మిన్ బ్లాక్, ఎయిమ్స్ మంగళగిరి. సమయపాలన పాటిస్తూ అభ్యర్థులు నిర్ణీత వేదికకు చేరుకోవాలని అధికారులు సూచించారు. సరైన అర్హత ఉన్న వారు ఈ అవకాశాన్ని సద్వినియోగం చేసుకోవాలని కోరారు
Share
AP Politics: మన్యంలో కలహాభోజనుడు.. జిల్లాపై పట్టుకోసం పావులు కదుపుతున్న ఘనుడు..?
Psycho killer OTT: డిటెక్టివ్ లకే ముప్పుతిప్పలు పెట్టే సైకో... ఒక్కో మర్డర్ చూస్తే మతిపోవడం ఖాయం
