ఆంధ్రప్రదేశ్ రాజధాని అమరావతి నిర్మాణ పనులను వేగవంతం చేసే దిశగా ప్రభుత్వం కీలక అడుగులు వేస్తోంది. ఈ క్రమంలో అమరావతి కేంద్రంగా పని చేయడానికి ఆంధ్రప్రదేశ్ రాజధాని ప్రాంత అభివృద్ధి ప్రాధికార సంస్థ (APCRDA) అర్హులైన అభ్యర్థుల నుంచి దరఖాస్తులను ఆహ్వానిస్తోంది. వివిధ విభాగాల్లో వెకెన్సీలను భర్తీ చేసేందుకు ఈ నోటిఫికేషన్ విడుదల చేసింది. అర్హత కలిగిన అభ్యర్థులకు ఇది గోల్డెన్ ఛాన్స్ అని చెప్పవచ్చు.
ఈ నియామకాలు పూర్తిగా ఒప్పంద ప్రాతిపదికన ఒక ఏడాది కాలపరిమితికి ఉంటాయి. ప్రాజెక్టు అవసరాలు అభ్యర్థుల పనితీరును బట్టి ఈ గడువు పొడిగించే అవకాశం ఉంటుంది.
పోస్టుల వివరాలు..
మొత్తం నాలుగు కీలక పోస్టుల భర్తీకి ఈ ప్రకటన వెలువడింది. ఇందులో డైరెక్టర్ (ఎన్విరాన్మెంట్ ఈఎస్ఎం యూనిట్) ఒక పోస్టు ఉంది. గ్రూప్ ఛీఫ్ ఫైనాన్షియల్ ఆఫీసర్ విభాగంలో ఒక ఖాళీ ఉంది. డీఈఈ ఎలక్ట్రికల్-ఎంఈపీ సర్వీస్లో ఒక పోస్టు భర్తీ చేయనున్నారు. ఎంఐఎస్ ఆపరేటర్ విభాగంలో ఒక ఖాళీ అందుబాటులో ఉంది. మొత్తం నాలుగు పోస్టులకు వేర్వేరు విద్యార్హతలు నిర్ణయించారు.
మొత్తం వెకెన్సీల సంఖ్య: 4
విద్యార్హత:
పోస్టులను అనుసరించి అభ్యర్థులు సంబంధిత విభాగంలో పీజీ (Post Graduation) లేదా బీటెక్ (B.Tech) పూర్తి చేసి ఉండాలి. ఫైనాన్స్ విభాగంలోని పోస్టుకు సీఏఐఐబీ (CAIIB) ఉత్తీర్ణతతో పాటు బ్యాంకింగ్ లేదా ఆర్థిక రంగంలో తగినంత పని అనుభవం ఉండాలి. సాంకేతిక పోస్టులకు సంబంధిత రంగాల్లో ప్రాజెక్టు నిర్వహణ నైపుణ్యం తప్పనిసరి. విద్యార్హతలతో పాటుగా ఆయా రంగాల్లో ఉన్న సీనియారిటీకి ఎంపిక సమయంలో ఎక్కువ ప్రాధాన్యత ఉంటుంది.
మంచి వేతనం..
ఎంపికైన అభ్యర్థులకు ప్రభుత్వ నిబంధనల ప్రకారం మంచి వేతనం ఉంటుంది. అభ్యర్థి విద్యార్హతలు గతంలో చేసిన పనుల అనుభవం ఆధారంగా వేతన నిర్ణయం జరుగుతుంది. రాజధాని ప్రాంత అభివృద్ధిలో పాలుపంచుకోవాలనుకునే నిపుణులకు ఇది మంచి అవకాశంగా చెప్పవచ్చు.
దరఖాస్తు విధానం..
అభ్యర్థులు తమ దరఖాస్తులను కేవలం ఆన్లైన్ ద్వారానే సమర్పించాల్సి ఉంటుంది. ఇతర మార్గాల్లో పంపిన దరఖాస్తులను సంస్థ తిరస్కరిస్తుంది. ఏపీసీఆర్డీఏ అధికారిక వెబ్సైట్ ను సందర్శించి అందులోని కెరీర్స్(Careers) ట్యాబ్ ద్వారా అప్లై చేసుకోవాలి. దరఖాస్తు సమయంలో అభ్యర్థులు తమ సర్టిఫికెట్లు అనుభవ ధ్రువీకరణ పత్రాలను సిద్ధంగా ఉంచుకోవాలి.
అఫీషియల్ వెబ్ సైట్: https://crda.ap.gov.in
ముఖ్యమైన తేదీలు:
దరఖాస్తుకు ప్రారంభ తేది: 2026 ఫిబ్రవరి 24
దరఖాస్తుకు చివరి తేది: 2026 మార్చి 2
గడువు ముగిసిన తర్వాత వచ్చే దరఖాస్తులను పరిగణనలోకి తీసుకోరు. పూర్తి వివరాల కోసం అభ్యర్థులు ఎప్పటికప్పుడు అధికారిక వెబ్సైట్ను గమనిస్తూ ఉండాలని అధికారులు సూచించారు.
Share
DGCA Refund Rules: ఫ్లైట్ ఛేంజ్, టికెట్ క్యాన్సలేషన్పై DGCA కీలక నిర్ణయం.. 48 గంటలు లోపు ఫ్రీ!
Sree Vishnu: రెండు సినిమాలు ఏకకాలంలో.. ఓటీటీ సమస్యతో పాటు ఇంకో సమస్య కూడా ఉంది!
