Indian Airforce Recruitment 2024 : ఇండియన్ ఆర్మీలో ఉద్యోగాల కోసం ఎదురు చూసేవారికి ఇదే మంచి ఛాన్స్. ఇండియన్ ఎయిర్ ఫోర్స్ కామన్ అడ్మిషన్ టెస్ట్ (AFCAT) 2024 ద్వారా అనేక పోస్టులను భర్తీ చేయనుంది. ఆసక్తి గల అభ్యర్థులు ఇండియన్ ఆర్మీ అధికారిక వెబ్ సైట్ afcat.cdac.in ను సందర్శించడం ద్వారా దరఖాస్తు చేసుకోవచ్చు. దరఖాస్తు ప్రక్రియ మే 30, 2024 నుంచి ప్రారంభం కానుంది. జూన్ 28, 2024 వరకూ దరఖాస్తులకు సమయం ఉంటుంది. దరఖాస్తు చేసుకోవాలనుకున్న అభ్యర్థులకు ఉండాల్సిన విద్యార్హత, దరఖాస్తు ప్రక్రియ గురించి ఇక్కడ తెలుసుకోవచ్చు.
ఈ రిక్రూట్ మెంట్ ప్రక్రియ కింద.. ఫ్లయింగ్ బ్రాంచ్, గ్రౌండ్ డ్యూటీ బ్రాంచ్ లో మొత్తం 304 పోస్టులకు అర్హులైన అభ్యర్థులను ఎంపిక చేస్తారు. దరఖాస్తు చేసుకోవాలనుకున్న అభ్యర్థి.. గుర్తింపు పొందిన బోర్డు నుంచి కనీసం 50 శాతం మార్కులతో 12వ సైన్స్ స్ట్రీమ్ (PCM) ఉత్తీర్ణులై ఉండాలి. అలాగే 60 శాతం మార్కులతో బీఈ లేదా బీటెక్ డిగ్రీని పొంది ఉండాలి.
అభ్యర్థుల వయసు కనీసం 21 సంవత్సరాలు ఉండాలి. 21-24 మధ్య వయసు గలవారు అర్హులు. అంతకన్నా తక్కువ వయసున్నా, ఎక్కువ వయసున్నవారి దరఖాస్తులు రిజెక్ట్ అవుతాయి.
అర్హులైన అభ్యర్థుల రిక్రూట్ మెంట్ కోసం వ్రాత పరీక్ష నిర్వహిస్తారు. ఆపై ఇంటర్వ్యూ, మెడికల్ టెస్ట్ నిర్వహిస్తారు. మొత్తం 300 మార్కులకు రాత పరీక్ష ఉంటుంది. ఇందుకోసం మొత్తం 2 గంటల సమయం ఇస్తారు.
దరఖాస్తు చేయడానికి ముందుగా అధికారిక వెబ్‌సైట్ afcat.cdac.inకి వెళ్లండి.
హోమ్ పేజీలో ఉన్న రిక్రూట్‌మెంట్ లింక్‌పై క్లిక్ చేయండి.
అవసరమైన అన్ని సమాచారాన్ని అక్కడ పూర్తిచేయండి.
అవసరమైన పత్రాలను స్కాన్ చేసి.. కాపీలను అప్‌లోడ్ చేయండి.
దరఖాస్తు ప్రక్రియను పూర్తి చేయడానికి నిర్ణీత దరఖాస్తు రుసుమును ఆన్‌లైన్‌లో చెల్లించండి.
దరఖాస్తు ప్రక్రియ పూర్తయిన తర్వాత, దరఖాస్తు ఫారమ్‌ను మీ వద్ద ఉంచుకోండి.
Share
Nandamuri Chaitanya Krishna: తారక్ ఫ్యాన్స్ పై నందమూరి వారసుడు ఫైర్.. బొచ్చు కూడా పీకలేరు
Pinnelli Ramakrishna Arrest : పిన్నెల్లి రామకృష్ణారెడ్డి అరెస్ట్ ?
