TG LT Recruitment: తెలంగాణ మెడికల్ & హెల్త్ సర్వీస్ రిక్రూట్మెంట్ బోర్డు నిర్వహించిన ల్యాబ్ టెక్నీషియన్ గ్రేడ్-2 పరీక్ష ఫలితాలు విడుదలయ్యాయి. 1260 ల్యాబ్ టెక్నీషియన్ గ్రేడ్-2 పోస్టులకు ఎంపికైన అభ్యర్థుల జాబితాను ఎంహెచ్ఎస్ఆర్బీ సోమవారం విడుదల చేసింది. ఈ పోస్టులకు మొత్తం 24,045 మంది దరఖాస్తు చేసుకోగా, 23,323 మంది పరీక్ష రాశారు. తాజాగా ఈ పోస్టులకు ఎంపికైన వారి లిస్టును విడుదల చేశారు. స్పోర్ట్స్ కోటా సెలక్షన్ జాబితాను సెపరేట్ గా విడుదల చేస్తామని ఎంహెచ్ఎస్ఆర్బీ వెల్లడించింది. వికలాంగుల కోటాలో దరఖాస్తులు రాకపోవడంతో రెండు పోస్టులు ఖాళీగా ఉన్నాయని పేర్కొంది. అభ్యర్థులు https://mhsrb.telangana.gov.in/MHSRB/home.htm వెబ్ సైట్ లో ఫలితాలు చెక్ చేసుకోవచ్చు.
రాష్ట్రంలో ల్యాబ్ టెక్నీషియన్ గ్రేడ్-II 1284 పోస్టుల భర్తీకి మెడికల్ అండ్ హెల్త్ సర్వీసెస్ రిక్రూట్మెంట్ బోర్డు 2024లో నోటిఫికేషన్ జారీ చేసింది. కంప్యూటర్ ఆధారిత పరీక్షను 2024 నవంబర్ 10న నిర్వహించారు. ఈ పోస్టులకు 24,045 మంది అభ్యర్థులు దరఖాస్తు చేసుకోగా.. 23,323 మంది పరీక్షకు హాజరయ్యారు. రాత పరీక్షలో పొందిన మార్కులు, వెయిటేజ్ పాయింట్ల ఆధారంగా సర్టిఫికెట్ల వెరిఫికేషన్ నిర్వహించారు. అనంతరం 1260 మంది అభ్యర్థులను మూడు విభాగాలలో ల్యాబ్ టెక్నీషియన్ గ్రేడ్-II పోస్టులకు తాత్కాలికంగా ఎంపిక చేశారు. వికలాంగుల కేటగిరీలో రెండు పోస్టులు, హైకోర్టు ఆదేశాలతో 4 పోస్టులు ఖాళీగా ఉన్నాయి. స్పోర్ట్స్ కోటాలో 18 పోస్టులకు మెరిట్ జాబితా విడుదల చేయాల్సి ఉంది.
ఎంపిక జాబితాలోని పేరు కలిగిన వారు నియామకానికి అన్ని విధాలుగా తగినవారని సంతృప్తి చెందితే తప్ప తుది ఎంపికకు అర్హత లభించదు. నోటిఫికేషన్ ప్రకారం అభ్యర్థులు ఒరిజినల్ సర్టిఫికెట్లను సమర్పించాలి. అభ్యర్థి తప్పుడు సమాచారం సమర్పించినట్లు బోర్డు దృష్టికి వస్తే, ఏ దశలోనైనా ఎంపిక రద్దు చేస్తారు. ఇతర పోస్టులకు కోర్టు ఆదేశాల మేరకు ఫలితాలు విడుదల చేయనున్నారు.
Also Read: AIIMS DELHI: పదో తరగతి అర్హతతో 1383 ఉద్యోగాలు.. ఎగ్జామ్ పాసైతే చాలు, జాబ్ మీదే
Share
Sania Mirza: 210 కోట్ల దుబాయ్ విల్లా.. మాలిక్ పేరు తొలగింపు, కొడుకు కోసం సానియా సంచలన నిర్ణయం
Snake Plant: ఈ ఒక్క మొక్కతో ఇంటికి అందం.. ఒంటికి ఆరోగ్యం,ఇంకా ఎన్నో ప్రయోజనాలు
