Chameleon : మనం చాలా రకాల జంతువుల్ని చూస్తూ ఉంటాం. అయితే కొన్ని జంతువులు చూడటానికి ఆశ్చర్యానికి గురి చేస్తాయి. అటువంటి జంతువుల్లో ఊసరవెల్లి ఒకటి. ఊసరవెల్లి ఎప్పటికప్పుడు దాని రంగును మారుస్తూ ఉంటుంది. అందుకే మనుషులు దాని స్వభావానికి అనుగుణంగా రకరకాల సామెతలు సృష్టించారు. అయితే ఊసరవెల్లి దాని రంగును ఎందుకు మారుస్తుందో మీకు తెలుసా..?
ఊసరవెల్లి శరీరానికి ఫోటోనిక్ క్రిస్టల్ అనే పొర ఉంటుంది. ఈ పొర పర్యావరణానికి అనుగుణంగా రంగును మార్చడానికి ఊసరవెల్లికి సహాయపడుతుంది. నిజానికి ఈ పొర కాంతి ప్రతిబింబాన్ని ప్రభావితం చేస్తుంది. చెప్పాలంటే ఊసరవెల్లి ఉత్సాహంతో ఉన్నప్పుడు ఫోటోనిక్ క్రిస్టల్ పొర వదులుగా మారుతుంది. ఇలా వదులుగా మారినప్పుడు ఊసరవెల్లి ఎరుపు లేదా పసుపు రంగులోకి మారుతుంది. ఊసరవెల్లికి అదనంగా స్పటికాలతో కూడిన మరొకపొర ఉంటుంది. ఈ పొర దానిని వేడి నుంచి రక్షిస్తుంది.
సహజంగా ఊసరవెల్లి తనపై అటాక్ చేయాలనుకున్న జీవుల దృష్టిని మరల్చడానికి రంగు మార్చుకుంటుంది. ఊసరవెల్లిలను వేటాడే సమయంలో గమనించినట్లయితే ఎక్కువ సార్లు మారుస్తుంది. దీని ద్వారా ఊసరవెల్లి వేటాడాలనుకున్న జీవిని మాయచేసి పట్టుకుంటాయి. ఊసరవెల్లి రంగు మార్చడానికి భద్రత, వేట విషయంలోనూ ఉపయోగిస్తాయి.
శాస్త్రవేత్తలు చెబుతున్న దాని ప్రకారం.. ఊసరవెల్లి తన భావాలకు అనుగుణంగా రంగును మారుస్తుంది. అది ఇతర జాతుల జంతువులతో మాట్లాడటానికి లేదా దాని మానసిక స్థితిని చెప్పడానికి రంగును మారుస్తుంది. ఊసరవెల్లి రంగును మార్చడంతోపాటు ప్రమాద సమయంలో వాటి ఆకారాన్ని కూడా మారుస్తాయి. అవసరమైతే వాటి పరిణామాన్ని పెంచుకోవడం, తగ్గించుకోవడం కూడా చేస్తాయని పరిశోధనలో తేలింది.
Share
Fake Visas : ఫేక్ పాస్‌పోర్టులు.. నకిలీ వీసాలు.. గల్ఫ్ ఏజెంట్ల దందా..!
Team India : 69 ఏళ్లలో తొలిసారి హైదరాబాద్ లో ఓటమి..!
