Tap: ఈత చెట్టు ఎక్కలేవు.. ఈత కళ్లు తెంపలేవు.. అంటూ ‘తమ్ముడు’ సినిమాలో పవన్ కల్యాణ్ ఓ సాంగ్ పాడుతాడు. అయితే ఓ వ్యక్తి మాత్రం ఏకంగా ఈత చెట్టుకే కుళాయి పెట్టేశాడు. చూసినవాళ్లంతా చెట్టు మధ్యలో కుళాయిని ఎలా ఏర్పాటు చేశారని ఆశ్చర్యపోతున్నారు. ట్యాప్‌ తిప్పడంతో పాతాల గంగలా నీరు వస్తుండడంతో చెట్టు మధ్యలో నుంచి ఎలా వస్తోందని షాక్ అవుతున్నారు.
అయితే చూడడానికి అది ఈత చెట్టులా ఉన్నా.. నిజమైన చెట్టు కాదు. కాంక్రీటుతో చేసింది. దాని మధ్యలో పైపును అమర్చి కుళాయ్‌ని ఏర్పాటు చేశారు. దీనికి సంబంధించిన ఫొటోను డైరెక్టర్ వంశీ సోషల్ మీడియాలో పోస్ట్ చేశాడు. ‘‘పోతులూరి వీరబ్రహ్మంగారు ఈ సంగతి ఎక్కడా రాయలేదు మరి!!’’ అని క్యాప్షన్ ఇచ్చారు. ప్రస్తుతం ఈ ఫొటో సోషల్ మీడియాలో వైరలవుతోంది.
ఈ మధ్యకాలంలో వాహనదారులను ఆకట్టుకోవడానికి రోడ్డు పక్కన, కూడళ్ల వద్ద ఇలానే ఫౌంటేన్లను ఏర్పాటు చేస్తున్నారు. కొన్ని చోట్ల గాలిలో కప్పును వేలాడదీస్తూ అందులో నుంచి నీరు వచ్చేలా ఫౌంటేన్లను నిర్మిస్తున్నారు. వాటిని చూసి చాలా మంది ఆశ్చర్యపోతున్నారు.
Share
Indian pairs lead in Australian Open : ఆస్ట్రేలియన్ ఓపెన్‌లో భారత జోడీల ముందంజ
coconut trees in independent houses ? : ఇండిపెండెంట్ ఇళ్లల్లో కొబ్బరి చెట్టు పెంచుకోవచ్చా…
