తెలంగాణలో బీజేపీ పరిస్థితిపై ప్రధాని నరేంద్ర మోడీ తీవ్ర అసంతృప్తి వ్యక్తం చేశారు. తెలుగు ఎంపీలతో బ్రేక్ఫాస్ట్ మీటింగ్ సందర్భంగా ఆయన నేతలకు క్లాస్ తీసుకున్నారు. ఎనిమిది మంది ఎంపీలు ఉన్నా, రాష్ట్రంలో పార్టీ ప్రధాన ప్రతిపక్షంగా కూడా ఎదగకపోవడంపై ఆయన సీరియస్ అయ్యారు.
రాజకీయ చరిత్రలోనే సంచలనాత్మక రికార్డు సృష్టిస్తూ, నల్గొండ జిల్లాలో 95 ఏళ్ల వయస్సులో గుంటకండ్ల రామచంద్రారెడ్డి సర్పంచ్గా గెలుపొందారు. నాగారం గ్రామ ప్రజలు ఊరుమ్మడిగా ‘బాపూ’ అని పిలుచుకునే రామచంద్రారెడ్డిని సర్పంచ్గా నిలిపి భారీ మెజారిటీతో గెలిపించారు. వందేళ్లకు చేరువలోనూ పోటీలో నిలబడటం, గెలవడం రాష్ట్ర రాజకీయాల్లోనే ఒక రికార్డుగా నిలిచింది.
జూబ్లీహిల్స్ పోలీస్స్టేషన్లో ఇంటిలిజెన్స్ మాజీ చీఫ్ ప్రభాకర్ రావు లొంగిపోయారు. సుప్రీంకోర్టు ఆదేశాల మేరకు సిట్ ఎదుట ఆయన సరెండర్ అయ్యారు. వారం రోజుల పాటు కస్టోడియల్ విచారణకు సుప్రీం అనుమతించడంతో సిట్ ఆయన్ను కస్టడీలోకి తీసుకుంది. సుప్రీంకోర్టు ముందస్తు బెయిల్ను సడలిస్తూ విచారణకు అనుమతించింది.
విశాఖపట్నంలోని మధురవాడలో ఐటీ సెర్చ్ హిల్ 2లో కాగ్నిజెంట్ తాత్కాలిక భవనాన్ని మంత్రి నారా లోకేష్ ప్రారంభించారు. అలాగే నాన్ రెల్ టెక్నాలజీస్, టెక్ తమ్మిన టెక్నాలజీస్, ఏసియన్ టెక్నాలజీస్, ఇమాజిన్నోవేట్ టెక్ సొల్యూషన్స్, ఫ్లూయెంట్ గ్రిడ్ లిమిటెడ్ ఐటీ కంపెనీలకు లోకేష్ శంకుస్థాపన చేశారు.
మహబూబాబాద్ జిల్లా గూడూరు మండలం దామరవంచ శివారులో విషాదం జరిగింది. ఓటు వేసేందుకు వచ్చిన తండ్రీకొడుకుల మధ్య మద్యం మత్తులో ఘర్షణ జరిగింది. దీంతో కొడుకు కృష్ణ, తండ్రి నందిరాం నాయక్ను రోకలి బండతో మోది చంపేశాడు. పోలీసులు కేసు నమోదు చేసి దర్యాప్తు చేస్తున్నారు.
జనగామ జిల్లా ఎల్లారెడ్డిగూడెం సర్పంచ్ ఎన్నికల ఫలితం టై అయ్యింది. కాంగ్రెస్ అభ్యర్థి గంపల నర్సయ్య, స్వతంత్ర అభ్యర్థి గడ్డం జోజికి సమానంగా 210 ఓట్లు వచ్చాయి. దీంతో అధికారులు టాస్ వేయగా, స్వతంత్ర అభ్యర్థి గడ్డం జోజిని విజయం వరించింది.
వరంగల్ జిల్లా వర్ధన్నపేట మండలం కట్య్రాల గ్రామ పంచాయతీ ఎన్నికల్లో ఆసక్తికర పోరు జరిగింది. అమ్మమ్మ సుల్తాన్ పోషమ్మపై మనవరాలు రాయపురం రమ్య పోటీ చేసి 72 ఓట్ల మెజారిటీతో ఘన విజయం సాధించింది. గతంలో సర్పంచ్గా పనిచేసిన అమ్మమ్మను మనవరాలు ఓడించడం చర్చనీయాంశమైంది.
కుమురం భీమ్ జిల్లా కెరమెరి మండలం పరందోలి గ్రామంలో సర్పంచ్ ఎన్నికల ఫలితం ఉత్కంఠ రేపింది. సర్పంచ్ అభ్యర్థి రాథోడ్ పుష్పలత తన ప్రత్యర్థి దిలీప్ కాటేపై కేవలం ఒక్క ఓటు తేడాతో విజయం సాధించారు. దీంతో ఆమె మద్దతుదారులు సంబరాలు చేసుకున్నారు.
రాజన్న సిరిసిల్ల జిల్లా వేములవాడ రూరల్ మండలం నాగయ్యపల్లిలో మార్కెట్ కమిటీ చైర్మన్ రాజుపై కత్తులతో దాడి జరిగింది. ఎన్నికల్లో ఓడిపోయిన అభ్యర్థులుగా భావిస్తున్న శివ, బన్నీ ఈ దాడికి పాల్పడ్డారు. తీవ్రంగా గాయపడిన రాజును ఆసుపత్రికి తరలించారు.
పెద్దపల్లి జిల్లా మంథని మండలం ఉప్పట్ల గ్రామ సర్పంచ్గా 82 ఏళ్ల వృద్ధురాలు కాశిపేట వెంకటమ్మ ఘన విజయం సాధించారు. ప్రత్యర్థి అభ్యర్థిపై ఆమె 500కు పైగా ఓట్ల మెజారిటీతో గెలిచి వయసు అడ్డంకి కాదని నిరూపించారు.
విజయవాడ ఇంద్రకీలాద్రిపై భవానీ ఇరుముడిని ఛైర్మన్ బొర్రా రాధాకృష్ణ, ఈవో శీనా నాయక్ తాకడం వివాదాస్పదమైంది. గురు భవానీలు మాత్రమే తాకాల్సిన ఇరుముడిని అధికారులు తాకి, వస్తువులను బయటకు తీసి ఫొటోలకు ఫోజులివ్వడంపై భక్తులు ఆగ్రహం వ్యక్తం చేస్తున్నారు.
అనంతపురం జిల్లా గుంతకల్లులో తాగునీటి కోసం జరిగిన గొడవ హత్యకు దారితీసింది. పాత గుంతకల్లులో కుళాయి వద్ద జరిగిన ఘర్షణలో శివ అనే వ్యక్తి వేట కొడవలితో చంద్ర అనే వ్యక్తిని నరికి చంపాడు. పోలీసులు కేసు నమోదు చేశారు.
అంబేద్కర్ కోనసీమ జిల్లా రాజోలు పరిధిలోని గోదావరి తీర ప్రాంతాల్లో అక్రమ ఇసుక రవాణా జోరుగా సాగుతోంది. అధికారులకు తెలిసినా పట్టించుకోవడం లేదని, రాజకీయ నాయకుల అండ ఉందని ఆరోపణలు వస్తున్నాయి. ఇప్పటివరకు నాలుగు ట్రాక్టర్లు సీజ్ చేశామని ఎమ్మార్వో తెలిపారు.
విజయవాడ ఇంద్రకీలాద్రిపై భవానీ దీక్షా విరమణలు రెండో రోజుకు చేరుకున్నాయి. రద్దీ ఎక్కువగా ఉండటంతో వీఐపీలు రావొద్దని అధికారులు కోరుతున్నారు. వీఐపీల రాకతో సాధారణ భక్తులకు ఇబ్బంది కలుగుతోందని, ఇకపై వారికి ప్రోటోకాల్ కల్పించలేమని దుర్గగుడి అధికారులు తెలిపారు.
తిరుమల శ్రీవారిని పలువురు ప్రముఖులు దర్శించుకున్నారు. నిర్మాత అశ్వినీదత్, రచయిత విజయేంద్ర ప్రసాద్, నటి పావని రెడ్డి, యాంకర్ ప్రియాంక తదితరులు వేర్వేరుగా స్వామివారి సేవలో పాల్గొని మొక్కులు చెల్లించుకున్నారు.
రష్యాలోని కీలక చమురు క్షేత్రంపై ఉక్రెయిన్ డ్రోన్ దాడులు చేసింది. ఉక్రెయిన్ అధ్యక్షుడు జెలెన్స్కీ మాట్లాడుతూ, రష్యా దాడులు ఆగనందున ఐరోపా దేశాలు తమకు మరింత మద్దతు ఇవ్వాలని కోరారు. రెండు దేశాల మధ్య ఉద్రిక్తతలు తీవ్రమవుతున్నాయి.
రష్యా-ఉక్రెయిన్ యుద్ధంపై అమెరికా అధ్యక్షుడు డొనాల్డ్ ట్రంప్ ఆందోళన వ్యక్తం చేశారు. ఇది మూడో ప్రపంచ యుద్ధానికి దారితీస్తుందని హెచ్చరించారు. గత నెల రోజుల్లోనే 25 వేల మంది చనిపోయారని ఆయన వైట్హౌస్లో వెల్లడించారు.
ఇండిగో విమానాల రద్దు సంక్షోభంపై డీజీసీఏ దర్యాప్తు ముమ్మరం చేసింది. భద్రత, పర్యవేక్షణ లోపాల కారణంగా నలుగురు ఫ్లైట్ ఆపరేషన్స్ ఇన్స్పెక్టర్లపై వేటు వేసినట్లు సమాచారం. సంస్థ లోపాల వల్లే సమస్య తలెత్తిందని డీజీసీఏ భావిస్తోంది.
చైనాలో జరగనున్న ఆసియా బ్యాడ్మింటన్ టీమ్ ఛాంపియన్షిప్లో భారత జట్లకు పీవీ సింధు (మహిళల జట్టు), లక్ష్యసేన్ (పురుషుల జట్టు) నాయకత్వం వహించనున్నారు. సాత్విక్-చిరాగ్ జోడి డబుల్స్లో బరిలోకి దిగనుంది.
రణ్వీర్ సింగ్ నటించిన ‘ధురంధర్’ చిత్రంపై హృతిక్ రోషన్ చేసిన వ్యాఖ్యలు వివాదాస్పదమయ్యాయి. సినిమాలోని రాజకీయ అంశాలను అంగీకరించలేకపోతున్నానని ఆయన అనడంతో, పాకిస్తాన్ ఉగ్రవాదాన్ని చూపితే తప్పేముందని నెటిజన్లు ఆయనను ట్రోల్ చేస్తున్నారు.
Share
Onion Flavours: ఒకే ఉల్లిపాయ.. ఐదు రుచులు! కట్ చేసే విధానాన్ని బట్టి ఫ్లేవర్ ఎలా మారుతుందో తెలుసా?
Ekadashi: మోక్ష సాధనలో అన్నం అడ్డుపడుతుందా? ఏకాదశి నియమాలు..
