Banana: అరటి పండ్లు అతిగా తింటున్నారా? మీ జీర్ణ క్రియ ప్రమాదంలో పడ్డట్లే!

Banana: అరటిపండు ప్రకృతి ప్రసాదించిన అద్భుతమైన ఫలం. పొటాషియం, మెగ్నీషియం, పీచు పదార్థాలు పుష్కలంగా ఉండే ఈ పండు తక్షణ శక్తిని ఇస్తుంది. అయితే.. ఏ ఆహారమైనా పరిమితి మించితే ఆరోగ్యానికి హాని కలిగిస్తుంది. అరటి పండ్ల విషయంలో కూడా ఇది అక్షరాల నిజం. ముఖ్యంగా జీర్ణ వ్యవస్థపై ఇవి చూపే ప్రభావం చాలా తీవ్రంగా ఉంటుంది. అధికంగా అరటి పండ్లు తీసుకోవడం వల్ల మలబద్ధకం నుంచి కడుపు ఉబ్బరం వరకు అనేక సమస్యలు తలెత్తుతాయి. అరటి పండ్లను అతిగా.. తినడం వల్ల జీర్ణ క్రియపై కలిగే 7 సైడ్ ఎఫెక్ట్స్ గురించి వివరంగా తెలుసుకుందాం.

అతిగా అరటిపండ్లు తినడం వల్ల కలిగే 7 జీర్ణ సమస్యలు:
1. మలబద్ధకం: సాధారణంగా పండిన అరటి పండ్లు మలబద్ధకాన్ని తగ్గిస్తాయి. కానీ పచ్చిగా లేదా సగం పండిన అరటిపండ్లను ఎక్కువగా తింటే వాటిలో ఉండే.. ‘రెసిస్టెంట్ స్టార్చ్’ జీర్ణం కావడం కష్టమవుతుంది. ఇది జీర్ణ క్రియను నెమ్మదింపజేసి మలబద్ధకానికి దారితీస్తుంది. అలాగే.. అరటిపండులో ఉండే పెక్టిన్ అనే ఫైబర్ పేగులలోని నీటిని పీల్చుకోవడం వల్ల మలం గట్టిగా మారుతుంది.

2. కడుపు ఉబ్బరం: అరటిపండ్లలో ఉండే కరిగే పీచు పదార్థం, ఫ్రక్టోజ్ (సహజ చక్కెర) అధికంగా ఉన్నప్పుడు, అవి పేగులలోని బ్యాక్టీరియాతో విచ్ఛిన్నం అవుతాయి. ఈ ప్రక్రియలో గ్యాస్ ఎక్కువగా విడుదలై కడుపు ఉబ్బరంగా అనిపించేలా చేస్తుంది.

3. గ్యాస్, అజీర్తి: అరటిపండ్లలో ఉండే ‘సార్బిటాల్’ అనే పదార్థం సహజమైన చక్కెర ఆల్కహాల్‌గా పని చేస్తుంది. దీనిని అతిగా తీసుకోవడం వల్ల పొట్టలో గ్యాస్ ఉత్పత్తి అవుతుంది. ఒకేసారి ఎక్కువ పండ్లు తినడం వల్ల జీర్ణ ఎంజైమ్‌లపై భారం పడి అజీర్తి సమస్యలు తలెత్తుతాయి.

4. పొట్టలో నొప్పి లేదా తిమ్మిర్లు : అరటిపండ్లలో పీచు పదార్థం ఎక్కువ. ఒక్కసారిగా శరీరానికి ఎక్కువ ఫైబర్ అందినప్పుడు, పేగులు దానిని తట్టుకోలేక నొప్పి లేదా తిమ్మిర్లకు గురవుతాయి. ముఖ్యంగా ఖాళీ కడుపుతో ఎక్కువ అరటిపండ్లు తిన్నప్పుడు ఈ సమస్య ఎక్కువగా కనిపిస్తుంది.

5. వికారం: అరటి పండ్లలో ఉండే అధిక మెగ్నీషియం, పొటాషియం రక్తంపై ప్రభావం చూపడమే కాకుండా.. జీర్ణ కోశంలో అసౌకర్యాన్ని కలిగిస్తాయి. ఇది కొంత మందిలో వికారం లేదా వాంతులు అయ్యే భావనను కలిగిస్తుంది.

6. డయేరియా లేదా విరేచనాలు: మలబద్ధకానికి వ్యతిరేకంగా.. కొందరిలో అతిగా పండిన అరటి పండ్లు తీసుకోవడం వల్ల విరేచనాలు అవ్వవచ్చు. అరటి పండులోని పీచు పదార్థం పేగుల కదలికను వేగవంతం చేయడం వల్ల, మోతాదు మించినప్పుడు అతిసారానికి దారి తీస్తుంది.

Also Read: తీపి తినకపోయినా షుగర్ పెరుగుతోందా? అయితే ఇవే కారణం కావచ్చు

7. పోషకాల అసమతుల్యత: జీర్ణ క్రియ కేవలం ఆహారం అరగడమే కాదు.. ఇతర పోషకాలను గ్రహించడం కూడా.. మీరు కేవలం అరటి పండ్లనే ఎక్కువగా తింటే.. అవి మీ పొట్టను నింపేస్తాయి. దీని వల్ల ప్రోటీన్లు, ఆరోగ్యకరమైన కొవ్వులు ఉండే ఇతర ఆహారాలను తీసుకోలేరు. ఇది పరోక్షంగా మీ జీర్ణ వ్యవస్థ పని తీరును దెబ్బతీస్తుంది.

అరటి పండ్లు ఒక పోషక విలువల గని అనడంలో సందేహం లేదు. అయితే.. ఆరోగ్యకరమైన వ్యక్తి రోజుకు ఒకటి లేదా రెండు అరటి పండ్లు తీసుకోవడం ఉత్తమం. అంతకంటే ఎక్కువ తీసుకోవడం.. వల్ల పైన పేర్కొన్న జీర్ణ సమస్యలు వచ్చే అవకాశం ఉంది. ముఖ్యంగా.. కిడ్నీ సమస్యలు ఉన్నవారు లేదా డయాబెటిస్ ఉన్నవారు డాక్టర్ సలహా మేరకు మాత్రమే వీటిని తీసుకోవాలి.