Dhanush Emotional :కోలీవుడ్ ఇండస్ట్రీలో స్టార్ హీరోగా, దర్శకుడిగా, నిర్మాతగా సింగర్ గా మంచి సక్సెస్ అందుకున్నారు నటుడు ధనుష్ (Danush). మల్టీ టాలెంటెడ్ హీరోగా ఎప్పటికప్పుడు తనలో ఉన్న సరికొత్త టాలెంట్ తో ప్రేక్షకుల ముందుకు వస్తూ తనదైన శైలిలోనే ప్రేక్షకులను సందడి చేస్తున్నారు. ఇకపోతే ఇటీవల తెలుగులో సార్ అనే సినిమా ద్వారా ప్రేక్షకుల ముందుకు వచ్చి హిట్ కొట్టిన ధనుష్ తాజాగా కుబేర(Kuberaa) సినిమా ద్వారా ప్రేక్షకుల ముందుకు వచ్చి మరో హిట్ సినిమాని తన ఖాతాలో వేసుకున్నారు. నేడు ఎన్నో అంచనాల నడుమ విడుదలైన కుబేర సినిమా మంచి ఆదరణ సొంతం చేసుకుంది.
ఎమోషనల్ అయిన ధనుష్..
టాలీవుడ్ స్టార్ డైరెక్టర్ శేఖర్ కమ్ముల(Sekhar Kammula) దర్శకత్వంలో ధనుష్, రష్మిక హీరో హీరోయిన్లుగా నటించిన ఈ సినిమా ప్రేక్షకుల ముందుకు వచ్చి మంచి పాజిటివ్ టాక్ సొంతం చేసుకుంది. ఇక ఈ సినిమాలో అక్కినేని నాగార్జున కూడా కీలక పాత్రలో నటించిన విషయం తెలిసిందే. కుబేర సినిమా మొత్తం డబ్బు చుట్టూనే తిరుగుతుంది ఇక ఇందులో ధనుష్ ఒక బెగ్గర్ (Begger)పాత్రలో కనిపించారు. తన కెరియర్ లోనే ఫస్ట్ టైం ఇలాంటి పాత్రలో కనిపించినట్టు తెలుస్తుంది. ఇక ఈ సినిమాలో తన పాత్రకు ధనుష్ ప్రాణం పోసారనే చెప్పాలి. థియేటర్లో ఈయన నటనకు ప్రేక్షకుల నుంచి భారీ ఆదరణ లభిస్తోంది.
బెగ్గర్ పాత్రలోకి పరకాయ ప్రవేశం..
ఇక నేడు ప్రేక్షకుల ముందుకు ఈ చిత్రం రావడంతో చిత్ర బృందం థియేటర్లలో ప్రేక్షకుల సమక్షంలో ఈ సినిమాని వీక్షించారు. ఈ క్రమంలోనే ధనుష్ సైతం ఓ థియేటర్ లో ఈ సినిమా చూశారు. తన పాత్రకు ప్రేక్షకుల నుంచి వస్తున్న తీరు చూసి ఆయన ఒక్కసారిగా ఎమోషనల్ అవుతూ కన్నీళ్లు పెట్టుకున్నారు. ప్రస్తుతం ఇందుకు సంబంధించిన వీడియోలు కూడా వైరల్ అవుతున్నాయి. బెగ్గర్ పాత్రలోకి ధనుష్ పరకాయ ప్రవేశం చేసి మరి నటించారని చెప్పాలి. ఇలా ఈ సినిమాకు ప్రేక్షకుల నుంచి వస్తున్న ఆదరణతో చిత్ర బృందం ఎంతో సంతోషం వ్యక్తం చేస్తున్నారు.
తమిళ హీరోలకు హిట్లు ఇస్తున్న తెలుగు డైరెక్టర్లు
ఇకపోతే ధనుష్ గత కొంతకాలంగా తన సినిమాలను తెలుగులో విడుదల చేస్తూ ఇక్కడ కూడా ఎంతో మంచి అభిమానాన్ని సొంతం చేసుకున్నారు. అయితే ఇటీవల ఈయన నటించిన సార్ సినిమా కూడా తెలుగు డైరెక్టర్ వెంకీ అట్లూరి దర్శకత్వంలో చేశారు. ఇప్పుడు కూడా టాలీవుడ్ డైరెక్టర్ శేఖర్ కమ్ముల దర్శకత్వంలో నటించి హిట్ కొట్టారు. ఇలా రెండు హిట్ సినిమాలను అందించిన టాలీవుడ్ డైరెక్టర్లకు ఈయన ఎంతో రుణపడి ఉన్నారని చెప్పాలి. అయితే ఇటీవల కాలంలో తెలుగు డైరెక్టర్లు అందరూ కూడా తమిళ హీరోలతో సినిమాలు చేసి సూపర్ హిట్ సినిమాలను అందిస్తున్నారు. సార్, ఊపిరి, కుబేర, లక్కీ భాస్కర్, వారసుడు వంటి సినిమాలకు తెలుగు దర్శకులు పని చేస్తూ సూపర్ హిట్ సినిమాలను అందించారు. ఇకపోతే తమిళ డైరెక్టర్లతో తెలుగు హీరోలు నటించిన గేమ్ చేంజర్, స్పైడర్, కస్టడీ, వారియర్ వంటి చిత్రాలు డిజాస్టర్లుగా నిలిచిన సంగతి తెలిసిందే. ఇలా తెలుగు హీరోలకు ఫ్లాప్, తమిళ హీరోలకు హిట్లు ఇస్తున్న నేపథ్యంలో తెలుగు సినీ ప్రేక్షకులు కూడా కాస్త భిన్నాభిప్రాయాలు వ్యక్తం చేస్తూ కామెంట్లు చేస్తున్నారు.
Also Read: Nagarjuna: వేల కోట్లకు అధిపతి.. రూ.10 కోసం నాగ్ అన్ని ఇబ్బందులు పడ్డారా?
Share
Watch Video: బుర్కా లేడి భయంకర బ్యాటింగ్.. సర్పంచ్ సాబ్ కంటే దారుణంగా ఆడుతుందిగా
Vizag City: విశాఖలో ఓ ఐటీ కంపెనీ క్యాంపస్.. రూ.1582 కోట్లు పెట్టుబడి
