Akhanda 2: దుబాయ్‌ లో అఖండ 2 సినిమాకి అడ్డు, ఆ తప్పు చేయకుండా ఉండాల్సింది

Akhanda 2: ప్రస్తుతం తెలుగు ఫిల్మ్ ఇండస్ట్రీలో రాబోతున్న సినిమాలలో అఖండ 2 సినిమా మీద మంచి అంచనాలు ఉన్నాయి. ముఖ్యంగా ఈ సినిమా మీద అంచనాలు క్రియేట్ అవ్వడానికి కారణం బోయపాటి శ్రీను మరియు బాలకృష్ణ కాంబినేషన్. ఇప్పటివరకు వీళ్ళ కాంబినేషన్లో వచ్చిన మూడు సినిమాలు కూడా విపరీతమైన సక్సెస్ సాధించాయి. అఖండ 2 సినిమా పాన్ ఇండియా స్థాయిలో విడుదల కానుంది. ఈ సినిమా డిసెంబర్ 5న ప్రేక్షకులు ముందుకు వస్తున్న తరుణంలో చిత్ర యూనిట్ ప్రమోషన్స్ కూడా విపరీతంగా చేస్తున్నారు.

ఇప్పటివరకు సినిమా నుంచి విడుదలైన ప్రతి కంటెంట్ కూడా అంచనాలను పెంచుతుంది. ఈ సినిమాకి సంబంధించి రెండు టీజర్లు విడుదల చేశారు. అలానే ఒక ట్రైలర్ విడుదల చేశారు. ఇవన్నీ కూడా ఫ్యాన్స్ కి మంచి ఉత్సాహాన్ని ఇచ్చాయి. అలానే పాటలు కూడా మంచి హిట్ అయ్యాయి. ఎస్ఎస్ తమన్ ఈ సినిమాకి సంగీతం అందిస్తున్న విషయం తెలిసిందే. ప్రస్తుతం ఈ సినిమాకి దుబాయిలో అడ్డంకులు ఎదురవుతున్నాయి.

దుబాయ్ లో అడ్డంకులు

ఈ సినిమాకి తెలుగులో యు అండ్ ఏ సర్టిఫికెట్ వచ్చింది. మొత్తానికి ఈ సినిమాలో సనాతన ధర్మం గురించి చెప్పబోతున్నట్లు వీడియో కంటెంట్ చూస్తే అర్థమవుతుంది. అలానే పలు రకాల స్పీచెస్ లో కూడా ఇదే విషయాన్ని బోయపాటి శ్రీను మరియు బాలకృష్ణ బయటికి చెప్పారు.

ఇక ప్రస్తుతం దుబాయ్ లో ఈ సినిమాకి సెన్సార్ అడ్డంకులు వస్తున్నట్లు తెలుస్తోంది. చైనా వాళ్లను విలన్స్ గా చూపించడంపై అభ్యంతరం వ్యక్తం చేస్తున్నారు. దేశాన్ని కాపాడేది సైన్యం కాదు., సాధువులు అనే దానిపై కూడా అక్కడి సెన్సార్ అభ్యంతరం చేస్తున్నట్లు తెలుస్తోంది.

ఆ తప్పు చేయకుండా ఉండాల్సిందే

ఈరోజుల్లో మనోభావాలనేవి చాలా ఈజీగా దెబ్బతింటున్నాయి. కొన్ని డైలాగులు రాస్తున్న తరుణంలో కూడా ఒకటికి వందసార్లు ఆలోచించాల్సిన పరిస్థితి వచ్చింది. ఒకప్పుడైతే సినిమాలు అనిపించింది అనిపించినట్లు తీయడానికి కూడా విపరీతమైన స్వేచ్ఛ ఉండేది. ఈ రోజుల్లో అది పోయింది. ఒక చిన్న పదానికి కూడా మనోభావాలు దెబ్బతిన్నాయి అంటూ ముందుకు వచ్చే అనేక వర్గాలు ఉన్నాయి.

అయితే సాధువులని బాగా చూపించే క్రమంలో సైనికులను తక్కువ చేయటం అనేది ఈ సినిమాకి అడ్డంకుగా మారింది. అలాంటి చిన్న చిన్న తప్పులు చేయకుండా ఉండుంటే ఈ సినిమాకి కూడా సేఫ్ గా దుబాయిలో సెన్సార్ జరిగిపోయేది.

Also Read : Drishyam 3 : థియేటర్ హక్కులకు 350 కోట్లా? బాలీవుడ్ సినిమాకు ధీటుగా నిలబడుతుందా?