Deewana Review : ‘దీవానా’ రివ్యూ: ప్రేమాయణం బానే ఉంది కానీ.. కొంచెం ఓపిక చేసుకొని చూడాలి భయ్యో!

చిత్రం : దీవానా

నటీనటులు : హర్షిత్ రెడ్డి, స్మేహ మణిమేఘలై, తదితరులు

డైరెక్టర్ : శ్రీకాంత్ సంఘిశెట్టి

నిర్మాణ సంస్థ : అర్హ మీడియా

నిర్మాతలు : వాసుదేవ్ కొప్పినేని మరియు శ్రీదేవీ కార్యంపూడి..

Deewana Review : టాలీవుడ్ ఇండస్ట్రీలో ఈమధ్య చిన్న సినిమాలు భారీ విజయాన్ని అందుకుంటున్నాయన్న విషయం తెలిసిందే.. ఎటువంటి అంచనాలు లేకుండా థియేటర్లలోకి వచ్చిన సినిమాలు బాక్స్ ఆఫీస్ వద్ద భారీ విజయాన్ని సొంతం చేసుకోవడంతో పాటుగా కలెక్షన్ల వర్షం కూడా కురిపిస్తున్నాయి.. గత ఏడాది వచ్చిన శుభం మూవీ ప్రేక్షకులను ఎంతగానో ఆకట్టుకుంది.. అందులో హీరోగా నటించిన హర్షిత్ రెడ్డి మరో సినిమాతో ప్రేక్షకుల ముందుకు వచ్చాడు.. ఆ మూవీనే ‘ దీవానా ‘.. స్మేహ మణిమేఘలై హీరోయిన్ గా నటించిన ఈ చిత్రం తాజాగా ప్రేక్షకుల ముందుకు వచ్చింది.. ఈ మూవీ ఎలా ఉందో ఒకసారి రివ్యూలో చూద్దాం..

అరేయ్ గ్యాంగ్.. బయట ఎండలకు గిన్నెలు మాడిపోతున్నాయి సరే, థియేటర్లలో ఏమన్నా మంచి ఫీల్ గుడ్ లవ్ స్టోరీ ఉందా అని మనోళ్లు ‘దీవానా’ సినిమాకి క్యూ కట్టిండ్రు. పోస్టర్లు, పాటలు చూసి మస్త్ లవ్ స్టోరీ లాగా ఉందని థియేటర్‌లోకి దూకితే.. సినిమా మరీ అట్టర్ ప్లాప్ కాదు, అట్లని మైండ్ బ్లోయింగ్ క్లాసిక్ కాదు.. మిక్స్‌డ్ పాజిటివ్ టాక్‌తో పర్లేదు అనిపించింది! ఎమోషన్స్ దట్టించడంలో డైరెక్టర్ గారు కొంచెం సక్సెస్ అయ్యిండ్రు కానీ, స్క్రీన్‌ప్లే ల్యాగ్‌తో అక్కడక్కడా మన ఓపికకు పరీక్ష పెట్టిండ్రు. అసలు గీ ప్రేమికుల ముచ్చట ఎట్లుందో ఇక్కడ చూసేయ్యండి..

కథ ఏందంటే?:

పెద్దగా ట్విస్టులు వెతకకండి భయ్యా.. మనం చిన్నప్పటి నుంచి చూసి చూసి అరిగిపోయిన అచ్చమైన లవ్ స్టోరీనే ఇది. హీరో హీరోయిన్లు ఇద్దరూ ప్రాణంగా ప్రేమించుకుంటారు.. కానీ వాళ్ల ప్రేమకు పెద్దలు, అంతస్తులు, సమాజం రూపంలో కొన్ని పెద్ద పంచాయితీలే ఎదురవుతాయి. మరి ఈ అడ్డంకులను దాటి, మన లవ్ బర్డ్స్ ఎట్లా ఒకటయ్యిండ్రు? ఆ ప్రయాణంలో వీళ్లు పడ్డ కష్టాలేంది? అనేదే ఈ ‘దీవానా’ సినిమా ముచ్చట.

ప్లస్ పాయింట్ల :-

లీడ్ పెయిర్ కెమిస్ట్రీ తోపు:హీరో హీరోయిన్లు ఇద్దరూ చూడటానికి ముచ్చటగా ఉన్నారు భయ్యా. కొత్తవాళ్లయినా లవ్ సీన్లలో, ఎమోషనల్ సీన్లలో గట్టిగానే యాక్ట్ చేసిండ్రు. ఇద్దరి మధ్య కెమిస్ట్రీ మాత్రం స్క్రీన్ మీద మస్త్ వర్కవుట్ అయింది.

పాటలు & బ్యాక్‌గ్రౌండ్ మ్యూజిక్ కి జోహార్లు: సినిమాకి అసలైన ప్రాణం మ్యూజిక్కే భయ్యా! పాటలు వినడానికి, థియేటర్ లో చూడటానికి విజువల్ గా రిచ్ గా ఉన్నాయి. బ్యాక్‌గ్రౌండ్ మ్యూజిక్ (BGM) కొన్ని లవ్ సీన్లను, ఎమోషనల్ సీన్లను నెక్స్ట్ లెవెల్ కి లేపింది.

గుండెలకు హత్తుకునే సెకండాఫ్ ఎమోషన్స్: ఫస్టాఫ్‌తో పోలిస్తే సెకండాఫ్‌లో వచ్చే ఫ్యామిలి సెంటిమెంట్, క్లైమాక్స్ సీన్లు మాత్రం ఎమోషన్స్ లాగా గుండెలకు హత్తుకుంటాయి. థియేటర్ లో కొందరి కళ్లు చెమర్చడం ఖాయం!

మైనస్ పాయింట్లు & శాటిరిక్ పంచ్‌లు:-

పాత చింతకాయ కథే సామీ: డైరెక్టర్ గారు పట్టుకున్న పాయింట్ ముసలి కాలం నాటిది భయ్యా. ఇరవై ఏళ్ల కిందట వచ్చే ప్రేమకథలని మళ్లీ ఇప్పుడు మన నెత్తిన రుద్దితే ఎట్లా? కాన్సెప్ట్ లో ఇంకొంచెం కొత్తదనం ఉంటే బాగుండేది.

సాగతీత ఫస్టాఫ్ (ల్యాగ్ టార్చర్):ప్రథమార్ధంలో కొన్ని సీన్లు సాగదీసినట్టు, మళ్లీ మళ్లీ అవే సీన్లు వస్తున్నట్టు అనిపిస్తది. లవ్ ట్రాక్ ని ఇంకాస్త స్పీడ్‌గా నడిపి ఉంటే ఆడియన్స్ కి బోర్ కొట్టకపోయేది. సెకండాఫ్ వచ్చేదాకా థియేటర్‌లో ‘మేం ఎందుకు వచ్చాం భయ్యా’ అని వెతుక్కోవాల్సి వస్తుంది.

వీక్ విలనిజం:లవ్ స్టోరీలో విలన్ ఎంత స్ట్రాంగ్ ఉంటే హీరో క్యారెక్టర్ అంత ఎలివేట్ అవుతది. కానీ ఇందులో విలన్ల క్యారెక్టర్లు ఎంత వీక్ గా ఉన్నాయంటే.. వాళ్లను చూస్తే భయానికి బదులు నవ్వొస్తది

ఫైనల్ పంచ్:

బాటమ్ లైన్ ఏందంటే గ్యాంగ్.. ‘దీవానా’ సినిమా మరీ తోపు కాదు, అట్లా అని తీసిపారేసేలా లేదు. పాత కథే అయినా.. లీడ్ పెయిర్ యాక్టింగ్, సూపర్ హిట్ పాటలు, సెకండాఫ్ ఎమోషన్స్ కోసం లవర్స్ అండ్ ఫ్యామిలీ ఆడియన్స్ ఒకసారి హ్యాపీగా చూడొచ్చు. మాస్ ఆడియన్స్‌కి మాత్రం కాస్త ల్యాగ్ అనిపిస్తది. నాకి అయితే పర్లేదు అనిపించే దీవానా!

దీవానా పక్కా రివ్యూ: క్లైమాక్స్ అదిరింది.. సినిమా హిట్టా?యావరేజా? అన్నది ప్రస్తుతం కలెక్షన్స్ పై ఆధారపడింది..

చివరి మాట: పాత కథే అయినా.. యూత్‌కి కనెక్ట్ అయ్యే ఎమోషన్స్, మస్త్ మ్యూజిక్‌తో సేఫ్ జోన్‌లో పడ్డ ‘దీవానా’!