Karva chauth:హిందువుల ముఖ్యమైన పండుగలలో కర్వాచౌత్ ఒకటి. అయితే ఇది ఎక్కువగా దక్షిణాది హిందువులకు తెలియదు. ఉత్తర భారత దేశంలో ఉండే హిందువులే ఈ కర్వాచౌత్ ని ఎక్కువగా పాటిస్తూ ఉంటారు. అయితే కర్వాచౌత్ ముఖ్య ఉద్దేశం ఏంటంటే.. పెళ్లయిన మహిళలు తమ భర్తలు దీర్ఘాయుష్షుతో ఉండాలి అని వాళ్ళ శ్రేయస్సు, ఆరోగ్యం కోసం ఈ కర్వాచౌత్ ను చేసుకుంటారు. ఈ కర్వాచౌత్ ప్రతి ఏడాది కార్తీక మాసంలోని కృష్ణపక్ష చతుర్థి తిథినాడు వస్తుంది. అలా ఈ ఏడాది కర్వాచౌత్ అక్టోబర్ 10 న వచ్చింది. ఈ కర్వాచౌత్ పూజ చేసుకునే వివాహితలు ఆరోజు సూర్యోదయం నుండి నిర్జల వ్రతం పాటిస్తారు. ఈ వ్రతం స్టార్ట్ చేసే ముందు వాళ్ళ అత్తగారు ఇచ్చే సర్గీ తో వ్రతం మొదలుపెడతారు. ఆరోజు సాయంత్రం పూట సాంప్రదాయమైనటువంటి వస్త్రాలు ధరించి గౌరీ మాతని పూజించి కర్వాచౌత్ కథను వింటారు. అలాగే చంద్రుడిని జల్లెడలో చూసి ఆ తర్వాత అదే జల్లెడలో భర్త మొహాన్ని చూస్తారు. ఆ తర్వాత భర్త చేతుల మీదుగా ఆహారం తీసుకొని ఉపవాసాన్ని విరమిస్తారు. ఉత్తరాది ప్రజలు ఎంతో గ్రాండ్గా చేసుకునే ఈ కర్వాచౌత్ వేడుకలను చాలామంది సినీ సెలబ్రిటీలు కూడా చేసుకుంటారు. మరి ఈ ఏడాది కర్వాచౌత్ వేడుకలను ఎవరెవరు చేసుకున్నారో ఇప్పుడు చూద్దాం.
ఈ ఏడాది కర్వాచౌత్ వేడుకలు కేవలం ఉత్తర భారత దేశ సెలబ్రిటీలు మాత్రమే కాదు సౌత్ సెలెబ్రెటీలు కూడా కొంతమంది చేసుకున్నారు. అలాంటి వారిలో లావణ్య త్రిపాఠి కూడా ఒకరు. ఈ ఏడాది లావణ్య త్రిపాఠి తన భర్త వరుణ్ తేజ్ (Varun tej) తో కలిసి కర్వాచౌత్ వేడుకలను చేసుకుంది. జల్లెడలో వరుణ్ మొహం చూస్తున్న ఫోటోని షేర్ చేయడంతో పాటు..” నా చేతుల్లో ఆయన ప్రేమ.. మా చేతుల్లో బిడ్డ.. ఈ కర్వాచౌత్ ఎప్పటికీ నా హృదయానికి దగ్గరగా ఉంటుంది” అంటూ క్యాప్షన్ ఇచ్చింది.
సౌత్ నార్త్ ఇండస్ట్రీలో హీరోయిన్ గా రాణించిన రకుల్ ప్రీత్ సింగ్ కూడా ఈ ఏడాది తన భర్త జాకీ భగ్నానీ(Jockey bhagnani) తో కలిసి కర్వాచౌత్ వేడుకలను చేసుకుంది. సంప్రదాయమైనటువంటి ఆరెంజ్ కలర్ శారీ కట్టుకొని.. కర్వాచౌత్ వేడుకలను ఘనంగా జరుపుకుంది.
బాలీవుడ్ నటి శిల్పా శెట్టి కూడా కొంతమంది ఫ్యామిలీ ఫ్రెండ్స్ తో కలిసి ఘనంగా కర్వాచౌత్ వేడుకలను జరుపుకుంది.
హీరోయిన్ కాజల్ కూడా కర్వాచౌత్ వేడుకలను గ్రాండ్గా చేసుకుంది. ఈ కర్వాచౌత్ వేడుకలలో కాజల్ అగర్వాల్ రెడ్ కలర్ శారీలో మెరిసింది.
బాలీవుడ్ నటి పరిణితి చోప్రా కూడా భర్తతో కలిసి కర్వాచౌత్ వేడుకలను చేసుకుంది. ఈసారి వీరికి ఈ పండగ స్పెషల్ అని చెప్పుకోవచ్చు.ఎందుకంటే ప్రస్తుతం పరిణితి ప్రెగ్నెంట్.
బాలీవుడ్ నటి ప్రియాంక చోప్రా కూడా తన బిజీ షెడ్యూల్ మధ్య కర్వాచౌత్ వేడుకలను జరుపుకుంది. భర్తతో కలిసి కర్వాచౌత్ వేడుకలను జరుపుకున్న ప్రియాంక చోప్రా ఎన్నో పర్యటనల మధ్యలో ఈ ఏడాది కూడా కర్వాచౌత్ జరుపుకోవడానికి నాన్నగారు ఇంటికి వచ్చారు అంటూ తన కూతురికి చెబుతున్నట్లుగా భర్త గురించి క్యాప్షన్ ఇచ్చింది. అంతేకాదు నా నిజమైన చాంద్ గా ఉన్నందుకు ధన్యవాదాలు.. మిమ్మల్ని ఎప్పటికీ ప్రేమిస్తూనే ఉంటాను అంటూ తన భర్త పై ఉన్న ప్రేమని రాసుకువచ్చింది. ఇలా చాలామంది సెలబ్రిటీలు కర్వాచౌత్ వేడుకలను గ్రాండ్ గా జరుపుకున్నారు.
also read:Akhanda 2: కళ్ళుచెదిరే ధరకు అఖండ 2 థియేట్రికల్ హక్కులు.. బాలయ్యా.. మజాకా!
Share
Heart: గుండెకు విశ్రాంతి అవసరం అని తెలిపే.. సంకేతాలు !
OTT Movies : వీకెండ్ ఓటీటీలోకి కొత్త సినిమాలు.. ఇంట్రెస్టింగ్ గా రెండు తెలుగు మూవీస్..
