Mega 158: మెగాస్టార్ చిరంజీవి(Chiranjeevi) ప్రస్తుతం వరుస సినిమాలలో నటిస్తూ కెరియర్ పరంగా బిజీగా ఉన్నారు. ఈయన ప్రస్తుతం అనిల్ రావిపూడి దర్శకత్వంలో నటిస్తున్న మన శంకర వరప్రసాద్ గారు సినిమా త్వరలోనే షూటింగ్ పూర్తి చేసుకోనుంది. ఈ సినిమాని 2026 సంక్రాంతి పండుగ సందర్భంగా విడుదల చేయాలని ఆలోచనలో చిత్ర బృందం ఉన్నారు. అందుకు అనుగుణంగానే షూటింగ్ పనులను కూడా శరవేగంగా పూర్తి చేస్తున్నారు. ఈ సినిమా అనంతరం చిరంజీవి(Chiranjeevi) డైరెక్టర్ బాబి(Bobby) దర్శకత్వంలో బిజీ కాబోతున్నారు. ఇప్పటికే ఈ సినిమాకు సంబంధించిన వరుస అప్డేట్స్ విడుదల చేస్తూ సినిమా పట్ల మంచి అంచనాలను పెంచేశారు.
ఇక ఈ సినిమా నుంచి విడుదల చేసిన పోస్టర్స్ చూస్తుంటే ఇది ఒక యాక్షన్ మూవీగా ప్రేక్షకుల ముందుకు రాబోతుందని స్పష్టం అవుతుంది. అయితే తాజాగా ఈ సినిమాకు సంబంధించి మేకర్స్ మరొక అప్డేట్ వెల్లడించారు. ఈ సినిమాకు సంబంధించి ఫైనల్ స్టోరీ డ్రాఫ్ట్ పూర్తయిందని మేకర్స్ వెల్లడించారు. దీనితోపాటు కోల్ కత్తా భాషలో ఒక కోట్ జత చేయడంతో ఈ సినిమా కోల్ కత్తా బ్యాక్ డ్రాప్ లో సాగే గ్యాంగ్ స్టార్ సినిమాగా ప్రేక్షకుల ముందుకు రాబోతుందని స్పష్టం అవుతుంది. ఇక త్వరలోనే ఈ సినిమా రెగ్యులర్ షూటింగ్ పనులు కూడా ప్రారంభం కాబోతున్నాయని వెల్లడించారు. ప్రస్తుతం ప్రీ ప్రొడక్షన్ పనులలో చిత్ర బృందం బిజీగా ఉన్నారు.
ఈ సినిమాకు బాబి దర్శకత్వం వహించగా ఎస్ఎస్ తమన్ సంగీతం అందిస్తున్నారు. ఇక ఈ సినిమాలో చిరంజీవికి జోడిగా మాళవిక నాయర్ నటించబోతున్నారంటూ వార్తలు బయటకు వచ్చాయి కానీ ఈ వార్తలలో నిజం లేదని ఆమె స్పందించారు..ఒకవేళ నిజంగానే చిరంజీవి గారితో నటించే అవకాశం వస్తే తప్పకుండా ఆ అవకాశాన్ని వదులుకోనని వెల్లడించారు. ఇక ఈ సినిమాలో కార్తీక్ కూడా నటించబోతున్నారంటూ రకరకాల వార్తలు వచ్చిన నేపథ్యంలో ఈ వార్తలు అన్నీ కూడా అవాస్తవమేనని తెలియజేశారు.
గ్యాంగ్ స్టర్ సినిమాగా..
ఇక ఈ సినిమాలో ఇతర నటీనటులు ఎవరు ఏంటి అనే విషయాలు తెలియాలి అంటే చిత్రబృందం అధికారికంగా ప్రకటించాల్సి ఉంటుంది. ఇదివరకు బాబి చిరంజీవి కాంబినేషన్లో ప్రేక్షకుల ముందుకు వచ్చిన వాల్తేరు వీరయ్య సినిమా ఎంతో అద్భుతమైన విజయాన్ని అందుకుంది. ఈ సినిమా సక్సెస్ కావడంతోనే చిరు బాబికి మరొక అవకాశం ఇచ్చారు. ఈ సినిమా గ్యాంగ్ స్టర్ సినిమాగా రాబోతుందనే విషయం తెలిసిన అభిమానులు ఎంతో సంతోషం వ్యక్తం చేస్తున్నారు. ఇక చిరంజీవి ఇప్పటికే విశ్వంభర సినిమాలో నటించిన సంగతి తెలిసిందే. ఈ సినిమా కూడా విడుదలకు సిద్ధమవుతోంది. ఈ సినిమాలతో పాటు శ్రీకాంత్ ఓదెల దర్శకత్వంలో నాని నిర్మాణంలో మరో సినిమాకు కూడా చిరంజీవి కమిట్ అవుతూ కెరియర్ పరంగా ఎంతో బిజీగా ఉన్నారు.
Also Read: Varanasi Movie: ప్రమోషన్ల కోసమే రూ.200 కోట్లు.. అసలేం ప్లాన్ చేస్తున్నావ్ జక్కన్న?
Share
Free Domestic Flights: పర్యాటకులకు విమానాల్లో ప్రయాణం ఉచితం.. థాయ్లాండ్ అదిరిపోయే ఆఫర్!
Sobhita: స్టైలిష్ ఫోజులతో ఫిదా చేస్తున్న శోభిత.. అక్కినేని కోడలి కొత్త ఫోటోలు చూశారా?
