Stunts: బైకులంటే యువతకు మహా క్రేజ్ ఉంటుంది. చేతిలో బైక్ ఉంటే టాప్ స్పీడ్లో దూసుకెళ్తుంటారు. ఇక స్పోర్ట్స్ బైక్ అయితే మాటల్లో చెప్పలేము. వారిని ఆపడం కష్టమే. అయితే కొందరు చేతిలో బైక్ ఉంది కదా.. అని వికృత చేష్టలకు పాల్పడుతున్నారు. రోడ్లపై స్టంట్లు చేస్తూ ప్రమాదాలను కొని తెచ్చుకుంటున్నారు. తోటి ప్రయాణికులను ఇబ్బందులకు గురి చేస్తున్నారు.
ముంబైలో ఓ యువకుడు అర్థరాత్రి బైకుపై స్టంట్లు చేశాడు. అది కూడా ముందు ఒక అమ్మాయి, వెనుక ఒక అమ్మాయిని కూర్చొబెట్టుకొని. ఒక్కరికి కూడా హెల్మెట్ లేదు. బైక్ ఫ్రంట్ టైర్ను లేపుతూ ఒళ్లు గగుర్పొడిచేలా విన్యాసాలు చేశాడు ఆ యువకుడు. చూస్తున్నవాళ్లంతా షాక్ అయ్యారు.
ప్రస్తుతం ఇందుకు సంబంధించిన వీడియో సోషల్ మీడియాలో వైరలవుతోంది. ముంబై పోలీసులు వారిపై కేసు నమోదు చేశారు. వారి కోసం గాలిస్తున్నామని.. త్వరలోనే పట్టుకుంటామని పోలీసులు చెప్పారు. ఫైన్ వేసి వదిలేయకుండా కఠిన చర్యలు తీసుకుంటామని వెల్లడించారు.
Share
Diabetes : షుగర్ ఉన్నవాళ్లు దీన్ని అస్సలు తినకూడదు.. ఎందుకంటే?
Feet Facing : డోర్ వైపు కాళ్లు పెట్టి నిద్రించకూడదా…?
