Bike Taxi: బైక్ ట్యాక్సీల నిర్వచనాన్ని స్పష్టం చేస్తూ కేంద్రం రాష్ట్ర ప్రభుత్వాలకు అడ్వైజరీ నోటిఫికేషన్ జారీ చేసింది. ‘మోటార్ వెహికల్స్ (MV) చట్టం, 1988లోని సెక్షన్ 2(7) ప్రకారం కాంట్రాక్ట్ క్యారేజ్ నిర్వచనం పరిధిలోకి మోటార్ సైకిళ్లు వస్తాయి’ అనే శీర్షికతో జనవరి 22న రోడ్డు రవాణా రహదారుల మంత్రిత్వ శాఖ (MoRTH) నోటిఫికేషన్ జారీ చేసింది.
ఈ చర్య ఇప్పుడు భారతదేశంలో కాంట్రాక్ట్ క్యారేజీలుగా చట్టబద్ధంగా పనిచేయడానికి మోటార్‌సైకిళ్లను అనుమతిస్తుంది, కొత్త రవాణా ఆప్షన్స్ ఆదాయ అవకాశాలను పెంపొందిస్తుంది.
MV చట్టం ప్రకారం.. కాంట్రాక్ట్ క్యారేజ్ అంటే ఒక నిర్దిష్ట ఒప్పందం ప్రకారం కిరాయికి ప్రయాణీకులను తీసుకెళ్లే వాహనం. ఈ ఒప్పందంలో నిర్దిష్ట మార్గంతో లేదా దూరం లేదా సమయం ఆధారంగా మొత్తం వాహనాన్ని నిర్ణీత ధరకు అద్దెకు తీసుకుంటుంది. పబ్లిక్ బస్సుల మాదిరిగా కాకుండా, ఇది ప్రయాణ సమయంలో అదనపు ప్రయాణీకులను ఎక్కించదు లేదా దింపదు.
Read More: ‘ఎన్నికల బాండ్లు’ రాజ్యాంగ విరుద్ధం.. సుప్రీం తీర్పుపై కాంగ్రెస్ హర్షం
“MV చట్టంలోని సెక్షన్ 2(28) ప్రకారం, 25cc కంటే ఎక్కువ ఇంజిన్ సామర్థ్యంతో అమర్చబడిన నాలుగు చక్రాల కంటే తక్కువ వాహనాలు కూడా మోటారు వాహనాల నిర్వచనంలో చేర్చబడిందని స్పష్టంగా ఉంది కాబట్టి, ‘మోటార్ సైకిళ్లు’ చట్టంలోని సెక్షన్ 2(7) పరిధిలోకి వస్తాయి” అని అడ్వైజరీ నోటిఫికేషన్‌లో పేర్కొంది.
బైక్ ట్యాక్సీల చట్టబద్ధతను కేంద్ర నోటిఫికేషన్ స్పష్టం చేసినప్పటికీ, రాష్ట్రాలు, కేంద్ర పాలిత ప్రాంతాలు మోటార్‌సైకిల్ పర్మిట్‌లకు అనుగుణంగా తమ విధానాలు, మార్గదర్శకాలను అప్‌డేట్ చేయాల్సి ఉంటుందని న్యాయ నిపుణులు సూచిస్తున్నారు.
అనేక బైక్ టాక్సీ డ్రైవర్లు, అగ్రిగేటర్ కంపెనీల ఆందోళనలను పరిష్కరించే దిశగా ప్రభుత్వం తీసుకున్న ఈ చర్య సానుకూల చర్యగా నిపుణులు అభిప్రాయపడ్డారు. అయినప్పటికీ, రహదారి రవాణా రాష్ట్ర పరిధిలోకి వస్తుంది కాబట్టి ఆపరేట్ చేయడానికి అనుమతి పొందడం సవాలుగా మిగిలిపోతుందని వారు హెచ్చరిస్తున్నారు.
ఈ సలహా ప్రోత్సాహకరంగా ఉన్నప్పటికీ, ఇది MV చట్టం, 1988కి సవరణను కలిగి ఉండదని నిపుణులు హైలైట్ చేస్తున్నారు. అయితే, అన్ని రాష్ట్రాలు/యూటీలు MV చట్టం, దానిలోని నిబంధనల ప్రకారం మోటార్‌సైకిళ్ల కాంట్రాక్ట్ క్యారేజ్ పర్మిట్‌ల కోసం దరఖాస్తులను అంగీకరించి, వాటిని ప్రాసెస్ చేయాలని కేంద్రం సూచించింది.
Share
Congress Selected Anil Kumar Yadav : పెద్దల సభల్లోకి యువరక్తం 
Rathasaptami 2024 : తిరుమలలో వైభవంగా రథసప్తమి వేడుకలు.. శ్రీవారి దర్శనానికి 24 గంటలు
