EPFO Tagline Contest: ఈపీఎఫ్ఓ నుంచి రూ.21 వేల బహుమతి.. ఇలా చేస్తే చాలు?

EPFO Tagline Contest: ఉద్యోగుల భవిష్య నిధి సంస్థ (EPFO) నుంచి రూ. 21,000 గెలుచుకునే సదవకాశం వచ్చింది. ఈపీఎఫ్ఓ ట్యాగ్‌లైన్ పోటీని ప్రారంభించింది. ఈపీఎఫ్ఓ సేవల్లోని సామాజిక భద్రత, నమ్మకం, సాధికారత విలువలను ప్రతిధ్వనించే విధంగా ట్యాగ్‌లైన్‌ను సృష్టించాలని సూచించింది. ఈ ట్యాగ్ లైన్ పెన్షన్ ఫండ్ సంస్థ గుర్తింపునకు దోహదపడే విధంగా ఉండాలని కోరింది.

ఈ ట్యాగ్ లైన్ ను ​​MyGov వెబ్ సైట్ ద్వారా నమోదు చేయాలని ఈపీఎఫ్ఓ కోరింది. సామాజిక భద్రతను గుర్తుచేసేలా, శ్రామిక శక్తిని శక్తివంతం చేయడం, పీఎఫ్ సభ్యులందరికీ ఆర్థిక భద్రతను పెంపొందించడం అనే ఈపీఎఫ్ఓ ​​లక్ష్యం, స్ఫూర్తిని తెలియజేసేలా ఈ ట్యాగ్ లైన్ ఉండాలని ఈపీఎఫ్ఓ MyGov వెబ్‌సైట్‌లో పేర్కొంది.

టాప్-3 ట్యాగ్ లైన్స్ కు

ట్యాగ్ లైన్ పోటీలో టాప్ లోని ముగ్గురికి బహుమతులు ఇస్తారు.

• మొదటి బహుమతి: విన్నర్ కు రూ.21,000 క్యాష్ ప్రైజ్
• రెండో బహుమతి : రన్నరప్‌కు రూ.11,000 నగదు
• మూడో బహుమతి : మూడో బహుమతి కింద రూ.5,100 నగదు బహుమతి ఇస్తారు.

విజేతలకు ఈపీఎఫ్ఓ ​​నుండి ప్రశంసా పత్రం, ప్రధాన కార్యాలయంలో జరిగే వ్యవస్థాపక దినోత్సవానికి ఇన్విటేషన్ కూడా లభిస్తుంది. వారికి హోటల్ బసతో పాటు రైల్ ఛార్జీ (సెకండ్ AC) కూడా ఇస్తారు. పోటీలో పాల్గొనేవారు కొన్ని విషయాల పట్ల జాగ్రత్తలు తీసుకోవాలి.

పోటీదారులకు నియమాలు

1. ట్యాగ్‌లైన్ హిందీలోనే ఉండాలి. ఒక వ్యక్తి ఒక ట్యాగ్ లైన్ మాత్రమే సబ్మిట్ చేయాలి.
2. ఈ ట్యాగ్‌లైన్ EPFO సామాజిక భద్రత, ఆర్థిక సాధికారత, నమ్మకం అనే దార్శనికతను వివరించాలి.
3. ఎంట్రీలను mygov.in వెబ్ సైట్ లో సమర్పించాలి. ఏదైనా ఇతర మాధ్యమం ద్వారా సమర్పించిన ట్యాగ్ లైన్లు రద్దు చేస్తారు.
4. ChatGPT లేదా GROK ఉపయోగించి AI ఆధారిత కంటెంట్‌ను సమర్పిస్తే వాటిని అనుమతించరు.
5. ఈ ట్యాగ్ లైన్ చట్టవిరుద్ధంగా, అభ్యంతరకరంగా లేదా అనుచితంగా ఉండకూడదు.
6. ట్యాగ్ లైన్ పోటీకి విశిష్ట స్పందన లభిస్తుంది. ఇప్పటివరకు 7,502 సబ్మిట్ లు వచ్చాయి. వీటి సంఖ్య ఇంకా పెరిగే అవకాశం ఉంది.

Also Read: BSNL Offer: రూ.107 నుంచే BSNL బడ్జెట్ ప్లాన్.. డేటా, కాల్స్, SMS అన్ని ఫ్రీ

Share

• 
• 
• 
• 
• 
•