Blinkit: ప్రస్తుత కాలంలో మనం ఏది కావాలనుకున్నా చిటికెలో మన కళ్ల ముందుకు వస్తోంది. తినే ఆహారం నుండి వేసుకునే దుస్తుల వరకు ఆన్‌లైన్‌లో ఆర్డర్ పెడితే నిమిషాల వ్యవధిలోనే మన దగ్గరికి తీసుకొచ్చి ఇస్తున్నారు. చాలా మంది ఈకామర్స్ సంస్థలకు అలవాటు పడిపోయి షాపులకు, సూపర్ మార్కెట్లకు వెళ్లడం మానేశారు.
ఇదిలా ఉంటే.. బెంగళూరుకు చెందిన నితిన్ అరోరా అనే వ్యక్తి గ్రోసరీ డెలిరీ సంస్థ బ్లిన్‌కిట్‌లో బ్రెడ్ ప్యాకెట్ ఆర్డర్ చేశాడు. పది నిమిషాల్లోనే డెలివరీ బాయ్ వచ్చి అతడికి బ్రెడ్ ప్యాకెట్ ఇచ్చాడు. తర్వాత ప్యాకెట్ ఓపెన్ చేసి చూసిన నితిన్ ఒక్కసారిగా షాక్ అయ్యాడు. ప్యాకెట్‌లో ఓ ఎలుక కదులుతూ కనిపించింది.
దీంతో నితిన్ దానిని వీడియో, ఫొటోలు తీసి సోషల్ మీడియాలో బ్లిన్‌కిట్‌ను ట్యాగ్ చేస్తూ పోస్ట్ చేశాడు. దీనిపై స్పందించిన కంపెనీ నితిన్‌కు క్షమాపణలు తెలిపింది. మరోసారి ఇటువంటి ఘటన జరగకుండా చర్యలు తీసుకుంటామని వెల్లడించింది. అలాగే బ్రెడ్ ప్యాకెట్ పంపించిన పార్ట్‌నర్ స్టోర్‌ను కూడా తమ జాబితా నుంచి తొలగించింది. ప్రస్తుతం ఈ పోస్ట్ సోషల్ మీడియాలో వైరలవుతోంది.
Share
Adani : వాచ్‌టెల్‌ ద్వారా అదానీ వార్
Bhola Shankar : ‘భోళా శంకర్’ సెట్‌ని సందర్శించిన దర్శకేంద్రుడు
