Divya s iyer: చిన్నప్పుడే లైంగిక వేధింపులకు గురయ్యాను అంటూ సినీనటి ఖుష్బూ సంచలన కామెంట్స్ చేసిన విషయం తెలిసిందే. ఆ తర్వాత కొద్దిరోజులకే ఢిల్లీ మహిళా కమిషన్ చైర్పర్సన్ స్వాతి మలీవాల్.. తాను కూడా చిన్నప్పుడు లైంగిక వేధింపులకు గురయ్యానంటూ చెప్పుకొచ్చింది. ఇలా ఒక్కరు కాదు.. ఇద్దరు కాదు.. ఎంతో మంది ప్రముఖులు చిన్నప్పుడే తమకు ఎదురైన ఛేదు ఘటనను బాహ్య ప్రపంచానికి తెలియజెప్పారు. తాజాగా ఈ జాబితాలో ఓ ఐఏఎస్ అధికారిణి కూడా చేరారు.
ఆరేళ్ల వయస్సులో తాను కూడా లైంగిక వేధింపులకు గురయ్యానంటూ కేరళలోని పథనంథిట్ట జిల్లా కలెక్టర్ దివ్య ఎస్. అయ్యర్ వెల్లడించారు. ఇటీవల జరిగిన ఓ కార్యక్రమంలో ఆమె ఈ విషయాన్ని చెప్పారు. ‘‘ఆరేళ్ల వయస్సులో నేను ఒకరోజు రోడ్డుపై వెళ్తుంటే ఇద్దరు వ్యక్తులు పిలిచారు. ఆప్యాయంగా మాట్లాడుతూ నా శరీరంపై చేతులు వేశారు. ఆ సమయంలో నాకు ఏం అర్థం కాలేదు. నా బట్టలు విప్పారు.
తెలివిగా వారి నుంచి తప్పించుకొని పారిపోయాను. ఆ తర్వాత వారు కనిపిస్తారేమో అని చూశాను కానీ.. ఎక్కడా కనిపించలేదు. వాళ్ల ఫేస్ ఇంకా గుర్తుంది నాకు. అప్పట్లో తీవ్ర మానసిక క్షోభను అనభవించాను. మా తల్లిదండ్రుల సాయంతో ఆ బాధ నుంచి బయటపడ్డా’’ అంటూ దివ్య ఎస్.అయ్యర్ చెప్పుకొచ్చింది.
Share
Sri Ram Navami: శ్రీ రామనవమి రోజున ఏం చేయాలి?
Ballari: 23 ఏళ్లకే మేయర్.. రికార్డ్ సృష్టించిన యువతి
