Epic- first semister Movie OTT: ‘బేబీ’ సినిమాతో ఓవర్ నైట్ లోనే స్టార్ సెలబ్రిటీస్ గా గుర్తింపు తెచ్చుకున్న ఆనంద్ దేవరకొండ (Anand Deverakonda) , వైష్ణవి చైతన్య (Vaishnavi Chaitanya) జంట గురించి ప్రత్యేకంగా చెప్పాల్సిన పనిలేదు. ఆన్ స్క్రీన్ కెమిస్ట్రీకి ప్రత్యేకమైన ఫ్యాన్ బేస్ కూడా ఉంది. అలాంటి ఈ ఇద్దరి కాంబినేషన్లో సెప్టెంబర్ 11న థియేటర్లలో విడుదలైన చిత్రం ఎపిక్ – ఫస్ట్ సెమిస్టర్. రొమాంటిక్ డ్రామాగా తెరకెక్కిన ఈ సినిమాకి ఆదిత్య హాసన్ దర్శకత్వం వహించారు. ఫీచర్ ఫిలిం డైరెక్టర్ గా ఆదిత్య హాసన్ కి ఇదే తొలి సినిమా కావడం గమనార్హం. ప్రముఖ నిర్మాత నాగవంశీ నిర్మాణం లో తెరకెక్కిన ఈ చిత్రం థియేటర్లలో ప్రేక్షకులు ముందుకు వచ్చినప్పటికీ, బాక్సాఫీస్ వద్ద ప్రభావం చూపించలేకపోయింది. దీంతో ఈ సినిమా ఇప్పుడు డిజిటల్ స్ట్రీమింగ్ కి సిద్ధమైంది.
ఈ సినిమా డిజిటల్ ఓటీటీ స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. ఇప్పుడు ఈ సినిమా ఓటీటీ విడుదల తేదీని అధికారికంగా ప్రకటించింది. 2026 అక్టోబర్ 9న నెట్ ఫ్లిక్స్ లో ఎపిక్ – ఫస్ట్ సెమిస్టర్ స్ట్రీమింగ్ కానున్నట్లు అధికారికంగా ప్రకటించింది . ముఖ్యంగా తెలుగు, తమిళ్, కన్నడ, హిందీ, మలయాళం భాషల్లో ఈ సినిమా స్ట్రీమింగ్ చేయబోతున్నట్లు నెట్ ఫ్లిక్స్ వెల్లడించింది. దీంతో థియేటర్లలో సినిమాను చూడలేకపోయిన ఆడియన్స్ ఇప్పుడు తమకు నచ్చిన భాషలో ఇంటి నుంచే సినిమా చూసే అవకాశం లభించనుంది. మరి థియేటర్లలో అనుకున్నంత స్థాయిలో ఆదరణ సొంతం చేసుకోలేకపోయిన ఈ సినిమా ఏ విధంగా ఆకట్టుకుంటుందో చూడాలి.
90స్ కథలో చిన్నవాడైన ఆదిత్య (ఆనంద్ దేవరకొండ) పెరిగి పెద్దయ్యాక ఏ పని చేయకుండా దర్శకుడు అవ్వాలనే ఉద్దేశంతో షార్ట్ ఫిలిమ్స్ చేస్తూ.. సమయాన్ని వృధా చేస్తూ ఉంటాడు. ఎవరో ఇచ్చిన సలహా మేరకు మాస్టర్ శివాజీ ఆదిత్యని అప్పు చేసి మరీ లండన్ కు పై చదువుల కోసం పంపిస్తాడు. తండ్రి బలవంతంతో లండన్ వచ్చిన ఆదిత్య.. తిట్టుకుంటూనే అక్కడ పార్ట్ టైం జాబ్ చేసుకుంటూ, చదువుతూ ఇంటికి డబ్బు పంపే ప్రయత్నం కూడా చేస్తూ ఉంటాడు. ఈ క్రమంలో అతడికి అక్కడ కడలి (వైష్ణవి చైతన్య) పరిచయమవుతుంది. వీరిద్దరూ మొదట కులాలు వేరు కావడంతో ఎలాంటి రిలేషన్ లోకి వెళ్ళకూడదు అనుకుంటూనే.. ఒకరినొకరు విడిచి ఉండలేనంత దగ్గరవుతారు. ఆ తర్వాత ఏం జరిగింది? ఆదిత్య, కడలి ఒకటయ్యారా? లేదా? వీరిద్దరూ కలిసి లండన్ లో ఏం చేశారు? చివరికి ఏం జరిగింది? అనేది ఈ సినిమా కథ..
ALSO READ: బిగ్ బాస్ 10 5వ వారం నామినేషన్ లిస్ట్.. డేంజర్ జోన్ లో ఆ ఇద్దరే!
సెకండ్ హాఫ్ లో దర్శకుడు ఏం చెప్పాలనుకున్నాడు? ఏం చెప్పాడు ? అనే విషయం మీద కాస్త అవగాహన లోపించిన ఫీలింగ్ కలుగుతుంది. వాస్తవానికి ఫస్ట్ ఆఫ్ ప్రేక్షకులకు కనెక్ట్ అయ్యేలా అనిపించినా.. రెండవ భాగం మాత్రం సాగదీసిన ఫీలింగ్ కలుగుతుంద. క్లైమాక్స్ ఎందుకో అర్ధాంతరంగా ఏదో ముగించేయాలి కాబట్టి ముగించేసినట్లు అనిపిస్తుంది. ఇంకేదో ఉంటుంది అని ఆశలు పెట్టుకొని వెళ్లిన ప్రేక్షకులకు క్లైమాక్స్ లో నిరాశ చెందారు. అందుకే ప్రేక్షకులను థియేటర్లో ఆకట్టుకోలేకపోయింది. మరి ఓటిటిలోనైనా మెప్పిస్తుందేమో చూడాలి.
Share
మా ప్రాంత చెరువులనూ కాపాడండి సార్! హైడ్రా ప్రజావాణికి వెల్లువెత్తిన అర్జీలు
గర్ల్‌ఫ్రెండ్ బర్త్‌డే కోసం ఏ గిఫ్ట్ కొనాలా అని టెన్షన్ పడుతున్నారా? 5 బెస్ట్ ఐడియాస్ మీ కోసం
