E-Paper
Advertisement

ఓటీటీ లవర్స్ కు పండగే పండగ… ఏ జానర్ కావాలో ఛాయిస్ మీదే

ఓటీటీ లవర్స్ కు పండగే పండగ… ఏ జానర్ కావాలో ఛాయిస్ మీదే
Advertisement

This Week Telugu OTT Releases: ఈ వీకెండ్ ఓటీటీ ప్రియులకు అసలైన విందు భోజనం సిద్ధమైంది. స్లాషర్ థ్రిల్లర్స్, హారర్ మూవీస్ నుండి ఫ్యామిలీ కామెడీ డ్రామాలు, హృదయాన్ని హత్తుకునే ఆంథాలజీ కథల వరకు అన్ని రకాల జానర్లలో తెలుగు సినిమాలు, సిరీస్‌లు వివిధ ఓటీటీ వేదికలపై సందడి చేస్తున్నాయి. వీటిలో కొన్ని చిత్రాలు థియేటర్లలో విడుదలైన తక్కువ రోజుల్లోనే సడెన్ సర్‌ప్రైజ్‌గా స్ట్రీమింగ్‌కు రావడం విశేషం. ముఖ్యంగా ఈ వారం థియేటర్లలో పెద్దగా పోటీ లేకపోవడంతో ప్రేక్షకుల దృష్టి మొత్తం డిజిటల్ స్క్రీన్స్ వైపే మళ్లింది. ఇంట్లోనే కూర్చుని కుటుంబ సభ్యులతో కలిసి చూడదగ్గ వినోదంతో పాటు, ఒంటరిగా చూస్తే వణుకు పుట్టించే కంటెంట్ కూడా సిద్ధంగా ఉంది. ఇంకెందుకు ఆలస్యం, ఈ వారం ఓటీటీ ప్లాట్‌ఫామ్స్‌లో స్ట్రీమింగ్ అవుతున్న ఆ సినిమాల జాబితా ఏంటో ఇక్కడ తెలుసుకుందాం.

1. కల్ట్ (CULT)

మాస్ కా దాస్ విశ్వక్ సేన్ స్వయంగా డైరెక్ట్ చేసి నటించిన స్లాషర్ థ్రిల్లర్ మూవీ ‘కల్ట్’ ఇప్పుడు ఓటీటీలోకి వచ్చేసింది. గోవాలోని ఒక సీక్రెట్ ఐలాండ్‌లో జరిగే పార్టీలో వరుస హత్యలు, బాంబు బెదిరింపుల మధ్య చిక్కుకున్న వాళ్లను డీఎస్పీ సంకల్ప్ నాయక్ ఎలా కాపాడాడు అనేదే ఈ సినిమా కథ. థియేటర్లలో రిలీజైన 20 రోజులకే ఎలాంటి ముందస్తు అప్‌డేట్ లేకుండా 2026 నవంబర్ 19 నుండి Amazon Prime Video లో స్ట్రీమింగ్ అవుతోంది. తెలుగుతో పాటు తమిళం, హిందీ, కన్నడ, మలయాళ భాషల్లో ఈ సినిమా అందుబాటులో ఉంది.

2. క్రేజీ కళ్యాణం (Crazy Kalyanam)

Advertisement

అనుపమ పరమేశ్వరన్, తరుణ్ భాస్కర్, నరేష్ ప్రధాన పాత్రల్లో నటించిన ఫ్యామిలీ ఎంటర్‌టైనర్ ‘క్రేజీ కళ్యాణం’. కూతురికి ఘనంగా పెళ్లి చేయాలనుకునే తండ్రి ఆశలకు, తన కెరీర్, ప్రేమ విషయంలో సొంత నిర్ణయాలు తీసుకోవాలనుకునే కూతురి ఆలోచనలకు మధ్య జరిగే సరదా సంఘర్షణే ఈ సినిమా. ఈ మూవీ 2026 నవంబర్ 20 నుండి aha వేదికగా తెలుగు, తమిళ భాషల్లో స్ట్రీమింగ్ అవుతోంది.

3. 418 (Four One Eight)

ప్రశాంత్ నీల్ సమర్పణలో, మైత్రీ మూవీ మేకర్స్ బ్యానర్‌పై కీర్తన్ నాదగౌడ దర్శకత్వంలో తెరకెక్కిన హారర్ థ్రిల్లర్ మూవీ ‘418’ (Four One Eight) ఇప్పుడు Netflix ఓటీటీలో స్ట్రీమింగ్‌కు వచ్చేసింది. చైత్ర జె. ఆచార్, సూర్య రాజ్, చరణ్ లక్కరాజు ప్రధాన పాత్రల్లో నటించిన ఈ సినిమా కథంతా సిటీకి దూరంగా ఉండే ఓ మెడికల్ కాలేజీ హాస్టల్‌లోని రహస్య గది ‘418’ చుట్టూ తిరుగుతుంది; మూసివేసిన గది చుట్టూ అల్లుకున్న భయానక సంఘటనలు, వివేక్ అనే విద్యార్థికి ఎదురయ్యే షాకింగ్ పరిణామాలే ఈ చిత్రానికి హైలైట్. అక్టోబర్ 23న థియేటర్లలో రిలీజైన ఈ మూవీ నవంబర్ 20 నుండి నెట్‌ఫ్లిక్స్‌లో తెలుగుతో పాటు తమిళం, హిందీ, కన్నడ, మలయాళ భాషల్లో అందుబాటులోకి వచ్చింది.

4. కికు చిరంజీవి (Kiku Chiranjeevi)

Advertisement

కికు యనమల, కశిష్ ఖాన్ జంటగా నటించిన మెడికల్ సర్వైవల్ క్రైమ్ థ్రిల్లర్ ‘కికు చిరంజీవి’. ఇప్పటికే ఆహాలో స్ట్రీమింగ్ అవుతున్న ఈ చిత్రం, ఈ వారం JioHotstar వేదికగా కూడా అందుబాటులోకి వచ్చింది. తెలుగుతో పాటు తమిళం, మలయాళం, హిందీ భాషల్లో దీనిని చూడవచ్చు.

5. మయూఖ (Mayookha)

పాయల్ చెంగప్ప, దేవ్ ప్రధాన పాత్రల్లో నటించిన సైకలాజికల్ క్రైమ్ సస్పెన్స్ థ్రిల్లర్ మూవీ ‘మయూఖ’ (Mayookha) ఇప్పుడు ఓటీటీలోకి వచ్చేసింది. అంతర్జాతీయ ఫిల్మ్ ఫెస్టివల్స్‌లో ప్రశంసలు అందుకోవడంతో పాటు సస్పెన్స్ థ్రిల్లర్ లవర్స్‌ను ఎంతగానో ఆకట్టుకున్న ఈ చిత్రం 2026 నవంబర్ 20 నుండి Amazon Prime Video వేదికగా తెలుగు భాషలో స్ట్రీమింగ్ అవుతోంది.

6. అనుమాన పక్షి (Anumana Pakshi)

‘డీజే టిల్లు’ ఫేమ్ విమల్ కృష్ణ దర్శకత్వంలో రాగ్ మయూర్ హీరోగా నటించిన కామెడీ థ్రిల్లర్ ‘అనుమాన పక్షి’. అతిగా ఆలోచించే స్వభావం ఉన్న ఒక యువకుడు చిన్న విషయాన్ని పెద్ద సమస్యగా ఎలా మార్చుకున్నాడనేది ఆసక్తికరంగా చూపించారు. ఈ చిత్రం 2026 నవంబర్ 20 నుండి Sun NXT లో తెలుగులో స్ట్రీమింగ్ అవుతోంది.

7. ఈటీవీ విన్ స్పెషల్స్ (ETV Win Releases)

తెలుగు కంటెంట్‌కు కేరాఫ్ అడ్రస్‌గా నిలుస్తున్న ETV Win వేదికగా ఈ వారం మూడు ఆసక్తికరమైన ప్రాజెక్టులు అందుబాటులోకి వస్తున్నాయి
రెచ్చిపోదాం బ్రదర్ (Rechipodam Brother): యూత్‌ఫుల్ ఎంటర్‌టైనర్‌గా రూపొందిన ఈ తెలుగు చిత్రం ఈ వారం నుంచి స్ట్రీమింగ్ అవుతోంది.
ఆల్మోస్ట్ అర్జున్ (Almost Arjun): ఆకట్టుకునే కథనంతో తెరకెక్కిన మరో తెలుగు చిత్రం కూడా ఈ వారం అందుబాటులోకి వచ్చింది.
రంగస్థలం – కథాసుధ (Rangasthalam: KathaSudha Stories): 1980ల నాటి గ్రామీణ నేపథ్యంలో, సినిమా ప్రభావం పెరుగుతున్న సమయంలో నాటక కళను కాపాడుకోవడానికి తపించే సుందరం అనే కళాకారుడి కథ ఇది. ‘కథాసుధ’ ఆంథాలజీలో భాగంగా నవంబర్ 22 (ఆదివారం) నుండి ఇది స్ట్రీమింగ్ కానుంది.

Read Also: ఈ వారం ఓటీటీలో సందడి చేయబోతున్న తమిళ సినిమాలు, సిరీస్ లు ఇవే

Tags

Related News

ఈ వారం ఓటీటీలో సందడి చేయబోతున్న తమిళ సినిమాలు, సిరీస్ లు ఇవే

ఇద్దరు భార్యలూ మృతి… శాపం ఉన్న వ్యక్తిని మూడో పెళ్లి చేసుకున్న యువతి… అదిరిపోయే మిస్టరీ థ్రిల్లర్ తెలుగులోనే

అవయవాలు విరిచేసి దారుణ హత్యలు.. రక్తంతో రాసిన రహస్య సందేశాలు… వెన్నులో వణుకు పుట్టించే క్రైమ్ థ్రిల్లర్ నేటి నుంచే ఓటీటీలో

వందల మంది అమ్మాయిల మధ్య ఒక్కడే అబ్బాయి… ఓటీటీలోకి వచ్చేసిన బ్యూటిఫుల్ లవ్ స్టోరీ

అమ్మాయిలే ఈ దెయ్యం టార్గెట్… 15 ఏళ్లుగా హాస్టల్ ను పీడిస్తున్న శాపం… ఓటీటీలో దుమ్మురేపుతున్న హారర్ మూవీ

పెళ్లికి ముందే ప్రెగ్నెన్సీ… నేటి యువతకు కనువిప్పు కలిగించే ఎమోషనల్ డ్రామా… స్ట్రీమింగ్ ఎక్కడంటే?

రూ.11 కోట్ల లాటరీ అనుకుంటే ఫ్రిజ్ మాత్రమే వచ్చింది.. అత్తారింట్లో పరువు కోసం అల్లుడి తిప్పలు చూస్తే నవ్వులే

Big Stories

Advertisement
×