మైండ్ బ్లాక్ చేస్తున్న క్రేజీ థ్రిల్లర్.. హీరో లేడు, బడ్జెట్ తక్కువ.. కానీ రేటింగ్ మాత్రం మామూలుగా లేదుగా!

సినిమా కథ విషయానికి వస్తే మధ్యప్రదేశ్‌లోని శివపురి జైలు బ్యాక్‌డ్రాప్‌లో ఈ కథ జరుగుతుంది. ఇందులో సంజయ్ మిశ్రా శంభునాథ్ మిశ్రా అనే ఒక రిటైర్మెంట్ దగ్గరలో ఉన్న సాధారణ పోలీస్ ఆఫీసర్‌గా నటించారు. తన కొడుకు విదేశీ చదువుల కోసం చేసిన అప్పులు తీర్చడానికి జైలులోనే కూరగాయలు పండిస్తూ వాటిని బయట అమ్ముకునే ఒక సామాన్యుడి పాత్రలో ఆయన నటించి మెప్పించారు.ఇక అదే జైలులో తాను చేయని రెండు హత్యల కేసులో 28 ఏళ్లుగా శిక్ష అనుభవిస్తున్న ముంజు సింగ్ (నీనా గుప్తా)తో ఆయనకు ఏర్పడిన పరిచయం, ఆ తర్వాత జైలులోకి ఎంట్రీ ఇచ్చిన పొలిటికల్ బ్యాక్‌గ్రౌండ్ ఉన్న రౌడీ కేశవ్ (అక్షయ్ డోగ్రా) వల్ల కథ ఊహించని మలుపు తిరుగుతుంది.

కథాకథనాలనే నమ్ముకున్న జస్పల్ సింగ్

ఇక కేశవ్ అనే రౌడీ జైలు అధికారులపైనే పెత్తనం చేస్తూ, ఒకరోజు అకస్మాత్తుగా సెల్ లోంచి మాయమైపోవడంతో సినిమా ఒకసారిగా సీరియస్ టర్న్ తీసుకుంటుంది.  అసలు ఆ రౌడీ ఏమయ్యాడు? ఈ చిన్న పోలీస్ ఆఫీసర్‌కి అతనికి ఉన్న సంబంధం ఏంటి? అనేది తెరపై చూస్తే మైండ్ బ్లాక్ అవ్వాల్సిందే. కేవలం ఎంటర్‌టైన్‌మెంట్ మాత్రమే కాకుండా, ఒక సామాన్య వ్యక్తి ఎప్పుడు, ఎందుకు హంతకుడిగా మారుతాడు అనే అంశాన్ని ఈ సినిమా చాలా డెప్త్ గా ఇందులో చర్చించాడు దర్శకుడు జస్పల్ సింగ్ సంధు. గ్లామరస్ హీరోలు, భారీ యాక్షన్ సీక్వెన్స్లు కాకుండా  కేవలం కథాకథనాలనే నమ్ముకున్న జస్పల్ సింగ్ ని మెచ్చుకోవాల్సిందే.

ఒక మాంచి థ్రిల్లర్ కి గా తెరకెక్కిన ఈ సినిమాకి IMDbలో 7.4 రేటింగ్ ఉండటం విశేషం. మరి ఇంకెందుకు ఆలస్యం నెట్‌ఫ్లిక్స్‌లో వైరల్ అవుతున్న ఈ ఎంగేజింగ్ థ్రిల్లర్‌ను మీరు చూసేయండి. సాలిడ్ థ్రిల్ సొంతం చేసుకోండి !

also read:వంగా ‘వైల్డ్’ వెంచర్స్.. అటు ప్రభాస్.. ఇటు సుమంత్ ప్రభాస్.. మధ్యలో సెన్సేషన్ ట్వీట్!