ఊర్లో పెళ్లికి కుక్క‌ల హ‌డావుడి.. ఇది ప‌వ‌న్ క‌ళ్యాణ్ అన్న మాట. సంద‌ర్భం వేరు. విజ‌య్‌ను త‌న‌ను పోల్చి చూస్తూ చిరాకు పెడుతున్నార‌ని ఇలా తిట్టిపోశాడు త‌మ నేత‌ల‌ను, జ‌గ‌న్ గ్యాంగ్‌ను. కానీ ఇదే మాట‌లు ఇప్పుడు నాగేశ్వర్ ఎపిసోడ్ విష‌యానికి స‌రిగ్గా న‌ప్పుతున్నాయి. అమిత్ షాతో త‌న‌ను అన‌ని మాట‌ల‌ను అన్న‌ట్టుగా నాగేశ్వర్ విశ్లేష‌ణ చేయ‌డంపై ప‌వ‌న్ పెద్ద వివాద‌మే లేప‌డం… ఆ తరువాత ఇది కూట‌మి స‌ర్కార్‌కే ఇబ్బందిక‌రంగా మార‌డంతో ఇద్ద‌రూ వెనక్కి త‌గ్గారు. నాగేశ్వర్ క్ష‌మాప‌ణ చెప్పాడు. ప‌వ‌న్ సైలెంట్ అయ్యాడు.
ఇది అక్క‌డితో ఒడిసింద‌నుకున్నారు. కానీ ఇక ఇక్క‌డే మొద‌లైంది అస‌లు క‌థ. నాగేశ్వ‌ర్‌కు తెలంగాణ వాదాన్ని అంట గ‌ట్టారు. మా తెలంగాణ జ‌ర్న‌లిస్టు అని ఓన్ చేసుకోవ‌డం మొద‌లు పెట్టారు. ఏకంగా ప్రెస్‌మీట్ పెట్టి.. బూతుల మాట‌లు.. రోత‌ల కామెంట్ల‌తో రెచ్చిపోయారు. జ‌ర్న‌లిస్టుల్లా మాట్లాడ‌లేదు. సంయ‌మ‌నం పాటించ‌లేదు. మ‌హిళ‌ల‌ను కూడా చూడ‌లేదు. ఇష్ట‌మొచ్చిన‌ట్టు తిట్టిపోశారు. ఇది మ‌రింత అగ్నికి ఆజ్యం పోసినట్ట‌య్యింది. జ‌న‌సేన అక్క‌డే మీటింగు పెట్టి.. వీళ్లూ తుక్కు తుక్కు తిట్టారు. నాగేశ్వర్ ఎక్క‌డో చ‌ల్ల‌గా ఏసీలో ప‌డుకుని విశ్రాంతి తీసుకుంటున్నాడు. ప‌వ‌న్ త‌న రాజ‌కీయాల్లో త‌ను బిజీ బిజీగా ఉన్నాడు. బాబు మ‌హానాడులో తీర్మానాలు రాసే ప‌నిలో త‌ల‌మున‌క‌లై.. కొడుకును సీఎం చేసే తీర్మానం ఎలా ప్ర‌వేశ‌పెట్టాలో అని తెగ ఆలోచిస్తూ ధిమాక్ ఖ‌రాబ్ చేసుక‌కుంటున్నాడు.
ఎవ‌రి ప‌నుల్లో వారు బిజీగా ఉన్నారు. ఇక్క‌డే తెలంగాణలో కొంద‌రు ఖాళీగా ఉన్నారు.. ఎంత ఖాళీగా ఉంటే.. దారిన పోయే కంప‌ను ముడ్డికి త‌గిలించుకున్న‌ట్టు.. ఒడిసిన ముచ్చ‌ట‌ను ప‌ట్టుకుని త‌మ ప‌బ్బం గడుపుకున్న‌ట్టే చేస్తున్నారు. ఓ ద‌శ‌లో ఆ నాగేశ్వ‌ర్‌కే చిర్రొత్తుకొచ్చింది. అరేయ్‌.. ఆపండ్రా.. ఆపండ్రా…రేయ్..! అని గొంతు చించుకోవాల‌ని అనిపించి ఉంటుంది.అంత‌లా రోత, విసుగు పుట్టించేలా కామెంట్లు, ప్రెస్‌మీట్లు, స్పంద‌న‌లు.. ఒడ‌వ‌ని ముచ్చ‌ట‌గా మారింది నాగేశ్వర్ ఎపిసోడ్. దీనికి ఎక్క‌డ బ్రేక్ ప‌డుతుందో తెలియ‌దు.
అన‌వ‌స‌రంగా దీన్ని కెలికి పెద్ద చేసుకున్న‌ది ప‌వ‌నే. ఏవో నాలుగు మాట‌లు చెప్పుకుని త‌న ప‌ని తాను చేసుకుపోయే నాగేశ్వ‌ర్‌ను రోడ్డు మీద‌కు లాగి.. తాను రోడ్డెక్కి నానా యాగీ చేసి ర‌చ్చ ర‌చ్చ చేసుకుని .. నాగేశ్వర్ చేత క్ష‌మాప‌ణ చెప్పించుకునే దాకా వ‌ద‌ల్లేదు. అప్పుడు గాని ప‌వ‌న్‌కు మ‌న‌సు కుద‌ట‌ప‌డ్లేదు. ఆలోగా జ‌ర‌గాల్సిందంతా జ‌రిగింది. ఆ తరువాత కూడా మ‌రో టీమ్ బ‌య‌ట‌కు వచ్చింది. ప‌వ‌న్‌ను వ్య‌క్తిగ‌తంగా తిట్టేందుకు.. వ్య‌క్తిత్వ హ‌ననం చేసేందుకు. దీనికి నాగేశ్వ‌రే ఓ వీడియో చేసి మీకు దండంరా దూత.. ఇక ఆపండి.. మీ కాల్మొక్తా బాంచ‌న్… ! అంటే త‌ప్ప ఆగ‌డం లేదు.
Share
టెక్ ప్రియులకు గోల్డెన్ ఛాన్స్.. Galaxy Z Fold 4పై ఏకంగా రూ.65వేలు తగ్గింది, స్టాక్ లిమిటెడ్ మావా!
AMT vs CVT vs DCT vs DSG.. వామ్మో.. ఆటోమేటిక్ గేర్‌ బాక్స్ లో ఇన్ని రకాలున్నాయా?
