‘ఓం శాంతి శాంతి శాంతిః’ రివ్యూ : Om Shanti Shanti Shantihi

Om Shanti Shanti Shanthihi Movie Review

మూవీ రివ్యూ : ఓం శాంతి శాంతి శాంతి:

నటీనటులు తరుణ్ భాస్కర్, ఈషా రెబ్బా, బ్రహ్మాజీ, బ్రహ్మానందం తదితరులు
దర్శకత్వం వి. జయశంకర్
సంగీతం వివేక్ సాగర్

కథ ఏందంటే :

మన ప్రశాంతి( ఈషా రెబ్బా) కథ ఇది. చిన్నప్పటి సంది ఇంట్ల వాళ్లు ఏది చెబితే అదే పని. ఆటలు, చదువులు అన్నీ గాలికొదిలేసి వాళ్లు చెప్పినట్టే వింటది. కనీసం పెళ్లయినంకనన్న తన మొగుడు తనను అర్థం చేసుకుంటాడని ఆశపడ్తది. కానీ, ఆమెకు తగిలిన మొగుడు ఓంకార్ నాయుడు( తరుణ్ భాస్కర్) పక్కా మెయిల్ షావనిస్ట్ గాడు. ముక్కు మీదే కోపం. పెళ్లాం అంటే కాలి కింద చెప్పు లెక్క చూస్తడు. చిన్న విషయానికే చేయి చేసుకోవడం అతగానికి అలవాటు. ఇక ఇట్లా కాదని మన ప్రశాంతి ఫిక్స్ అయి. తన మొగుడికి అతని స్టైల్ లోనే ఎట్లా బుద్ధి చెప్పింది? ఆ గొడవలో వాళ్ల సంసారం ఏమైంది? అనేది ఈ సినిమా ముచ్చట.

విశ్లేషణ

మలయాళంలో వచ్చిన’ జయ జయ జయ జయహే’కి ఇది రీమేక్. కథ పాతదే అయినా. మన గోదావరి యాస, వెటకారం కలిపి గట్టిగానే ట్రై చేశారు. ఇంటర్వెల్ సీన్ మాత్రం అదిరిపోయింది. అక్కడి నుంచే అసలు ఆట మొదలైతది. సినిమా అక్కడక్కడ కొంచెం స్లో అనిపించినా. కామెడీ మాత్రం బాగానే వర్కౌట్ అయింది.ఎవరెలా చేశారంటే తరుణ్ భాస్కర్ డైరెక్టర్ గా మనకు తెలుసు కానీ, ఈ సినిమాలో నటనతో ఇరగదీశాడు. బాసిల్ జోసెఫ్ లాంటి యాక్టర్ చేసిన రోల్ ని తను కూడా తన మార్క్ కామెడీతో రక్తి కట్టించాడు. ఈషా రెబ్బా ఈమె గురించి ఎంత చెప్పినా తక్కువే. ఇన్నాళ్లకు ఒక మంచి రోల్ పడింది. యాక్షన్ సీన్లలో ఈషా వేసిన కిక్కులు చూస్తే థియేటర్ లో ఈలలు పడాల్సిందే. బ్రహ్మాజీ కామెడీతో బాగా నవ్వించాడు. ఇక క్లైమాక్స్ లో బ్రహ్మానందం గారు వచ్చి సినిమాకు మంచి ఫినిషింగ్ ఇచ్చారు. మ్యూజిక్ వివేక్ సాగర్ మ్యూజిక్ సినిమాకు తగ్గట్టుగా సెట్ అయింది.

ప్లస్ పాయింట్స్ :

తరుణ్ భాస్కర్ కామెడీ టైమింగ్.
ఈషా రెబ్బా యాక్షన్ సీక్వెన్స్ లు.
నేటివిటీకి తగ్గట్టు రాసిన డైలాగులు.
ప్రొడక్షన్ వాల్యూస్

మైనస్ పాయింట్స్ :

మలయాళంలో ముందే చూసేసిన వాళ్లకు కథ తెలిసిపోయి కొంచెం బోర్ కొడుతది.
కొత్తగా ఏమీ లేదనే ఫీలింగ్ కలగడం.
సినిమా అందరికీ నచ్చుతుందా అంటే కొంచెం డౌటే( లిమిటెడ్ అప్పీల్).