Healthy Heart:బలం కోసం, పెరుగుదల కోసం చాలామంది తల్లిదండ్రులు వారి పిల్లలకు చిన్నప్పుడు విటమిన్స్‌ టాబ్లెట్స్‌ను అందిస్తూ ఉంటారు. అవి వారిని అనారోగ్యానికి గురికాకుండా చేస్తాయని వారు నమ్ముతారు. అలాగే శాస్త్రవేత్తలు చేసిన తాజా పరిశోధనల్లో.. ఒక ఆహార పదార్థం వల్ల పగిలిన గుండెను మామూలుగా మార్చవచ్చని తెలిసింది.
గుండెకు సంబంధించిన ఎన్నో రకాల వ్యాధులు చాలామందిని ఇబ్బంది పెడుతున్నాయి. హార్ట్ ఎటాక్ అనేది ఇప్పుడు చాలామందిలో కామన్‌గా కనిపిస్తోంది. వయసుతో సంబంధం లేకుండా చాలామంది హార్ట్ ఎటాక్‌తో మరణిస్తున్నారు. దీనిపై జపాన్‌లో ఒసాకా యూనివర్సిటీ పరిశోధకులు చేసిన పరిశోధనల్లో ఒక డైట్‌ను ఫాలో అవ్వడం వల్ల కొందరిలో గుండెకు సంబంధించిన వ్యాధులకు దూరంగా ఉంవచ్చని తెలిసింది.
ప్రపంచవ్యాప్తంగా ఎంతోమంది హార్ట్ ఎటాక్ వల్ల చనిపోవడానికి ముఖ్య కారణం ఏంటంటే కోరోనరీ ఆర్టరీ డిసీస్ (కాడ్). దీని వల్ల గుండెకు రక్తాన్ని అందించే ఆర్టరీలు చిన్నగా అవ్వడం లేదా ముసుకుపోవడం జరుగుతుంది. దాని వల్లే హార్ట్ ఎటాక్ వస్తుంది. ఇలా జరగకుండా ఉండడానికి ప్రస్తుతానికి మార్కెట్లో కొన్ని మందులు అందుబాటులో ఉన్నాయి. కానీ ఈ మందులను తట్టుకునే సామర్థ్యం అందరిలో ఉండదని వైద్యులు చెప్తున్నారు.
15 ఏళ్ల క్రితం వైద్యులు.. ఒక కొత్త రకమైన కాడ్ (టీజీసీవీ)ను పేషెంట్లలో కనుగొన్నారు. అయితే కాడ్ కోసం అందించే మందులు టీజీసీవీకి పనిచేయడం లేదని వారు గమనించారు. డయాబెటిస్ ఉండి హెమియోడయాలసిస్ చేసుకున్న పేషెంట్లను టీజీసీవీ ఎక్కువగా అటాక్ చేస్తుందని వారు గుర్తించారు. ఇది ఎలా వస్తుందో కనిపెట్టగలిగిన పరిశోధకులు.. దీనికి వైద్యాన్ని మాత్రం కనిపెట్టలేకపోయారు. తాజాగా ఒక ఆహార పదార్థం ద్వారా దీనికి పరిష్కారం లభిస్తుందని వారు భావిస్తున్నారు.
ట్రిక్యాప్రిన్ అనే కెమికల్ ఉన్న ఆహార పదార్థాల వల్ల గుండెపై సెల్స్‌‌లో కొవ్వును మెల్లగా తగ్గించవచ్చని పరిశోధకులు గుర్తించారు. ప్రస్తుతం కాడ్‌కు సంబంధించి పేషెంట్లు ఒకేలా స్పందించడం లేదని.. అందుకే ఇప్పుడు ఈ డైట్ సప్లిమెంట్ అందరికీ ఉపయోగకరంగా మారుతుందని వారు చెప్తున్నారు. కాడ్ ట్రీట్మెంట్ కోసం దీనిని ఉపయోగించడం వల్ల మందుల తయారీలో ఉపయోగకరంగా మారుతుందని వారు భావిస్తున్నారు.
Share
Gold Subscription Charges:మస్క్ బాదుడు.. అంతకుమించి!
Supremecourt : ఎమ్మెల్యేలకు ఎర కేసు.. హైకోర్టు తీర్పుపై స్టేటస్ కో సుప్రీం నో..
