Amazon Great Summer sale will start soon: ప్రముఖ ఈ కామర్స్ సంస్థ అమెజాన్ ఎప్పటికప్పుడు సేల్‌లను ప్రకటిస్తూ.. కస్టమర్లను ఆకట్టుకుంటుంది. రకరకాల ప్రొడక్టులపై అదిరిపోయే డిస్కౌంట్ ఆఫర్లను ప్రకటిస్తూ అట్రాక్ట్ చేస్తుంది. అయితే అమెజాన్ ఇప్పుడు మరొక కొత్త సేల్‌తో వినియోగదారుల ముందుకు రావడానికి సిద్ధమైనట్లు తెలుస్తోంది. ఇందులో బాగంగానే ‘అమెజాన్ గ్రేట్ సమ్మర్ సేల్’ను త్వరలో ప్రారంభించబోతుంది.
అయితే అందుకు సంబంధించి సేల్ తేదీని, ఏ ఏ ప్రొడక్టులపై ఎంతెంత డిస్కౌంట్లు అందిస్తుందో వెళ్లడించలేదు. అయితే తాజా సమాచారం ప్రకారం.. ప్రసిద్ధ స్మార్ట్‌ఫోన్లపై అదిరిపోయే తగ్గింపులను అందిస్తుందని పలువురు అభిప్రాయపడుతున్నారు. అమెజాన్ గ్రేట్ సమ్మర్ సేల్ టీజర్ పేజీ ఈ సేల్ వినియోగదారులకు బెస్ట్ స్మార్ట్‌ఫోన్ ఒప్పందాలను అందిస్తుందని పేర్కొంది.
సేల్ ఈవెంట్‌కు ముందు అమెజాన్ డిస్కౌంట్లను అందుకోవడానికి సెట్ చేయబడిన ప్రొడక్టుల లిస్ట్‌ను వెల్లడించింది. అందులో 8 OnePlus స్మార్ట్‌ఫోన్లపై డిస్కౌంట్లను అందిస్తుంది. అధికారిక అమెజాన్ సేల్ లిస్టింగ్ ప్రకారం.. OnePlus 12, OnePlus Nord CE 4, OnePlus 12R, OnePlus Nord 3తో పాటు మరిన్ని ఉన్నాయి.
Also Read: అమెజాన్ గ్రేట్ సమ్మర్ సేల్.. ఈ ప్రొడక్ట్స్‌పై 75 శాతం డిస్కౌంట్!
అంతేకాకుండా అమెజాన్ గ్రేట్ సమ్మర్ సేల్ సమయంలో.. Redmi 13C, Redmi Note 13 Pro, Samsung Galaxy M34, Xiaomi 14, Samsung Galaxy S23, iQOO Z9, Galaxy S24, Tecno Pova 6 Pro వంటి మరిన్ని డివైజ్‌లు డిస్కౌంట్లను పొందుతాయి. ఇక ఈవెంట్ సమయంలో అందుబాటులో ఉండే ఈ ఫోన్‌లు, ఇతర మోడల్‌ల ఖచ్చితమైన ధరలు రాబోయే రోజుల్లో వెల్లడి అయ్యే అవకాశం ఉంది.
ప్రస్తుతానికి డిస్కౌంట్లను పొందే ఐఫోన్‌ల పేర్లను ఇది వెల్లడించలేదు. అయితే సేల్ ఈవెంట్‌లో ఆపిల్ మొబైల్స్ కూడా ఉంటాయని టీజర్ ధృవీకరించింది. ఇక అమెజాన్‌తో పాటు ఫ్లిప్‌కార్ట్‌ కూడా అద్భతమైన సేల్‌ను ప్రకటించింది. ‘బిగ్ సేవింగ్ డేస్ సేల్’ పేరుతో మరో సేల్‌ను తీసుకొచ్చింది. ఈ సేల్ మే 3 నుంచి మే 9 వరకు కొనసాగుతుంది. ఇందులో కూడా స్మార్ట్‌ఫోన్లపై కళ్లు చెదిరే డిస్కౌంట్ ఆఫర్లను పొందవచ్చు.