Google Pixel 8 price : ఫ్లిప్కార్ట్ సేల్లో కళ్లు చెదిరే ఆఫర్ – గూగుల్ పిక్సల్ 8 మరీ ఇంత తక్కువ ధరకా?

Google Pixel 8 price : గూగుల్ పిక్సెల్ 9 లాంఛ్ అయినప్పటికీ కూడా గూగుల్ పిక్సెల్ 8 డిమాండ్ తగ్గలేదు. చాలా మంది వినియోగదారులు ఈ స్మార్ట్ ఫోన్ కొనుగోలు చేసేందుకు తెగ ఆసక్తి చూపుతున్నారు. చాలా మంది ఈ స్మార్ట్ఫోన్ కొనాలని చూస్తున్నారు. మరి మీరూ కూడా ఈ గూగుల్ పిక్సెల్ 8ను కొనాలని అనుకుంటున్నారు? అయితే మీ కోసమే అదిరిపోయే డిస్కౌంట్ ఆఫర్ను ఫ్లిప్కార్ట్ మీ ముందుకు తీసుకొచ్చింది.

బిగ్ బిలియన్ డేస్ సేల్లో భాగంగా గూగుల్ పిక్సెల్ 8 గ్యాడ్జెట్పై భారీ డిస్కౌంట్ను అందించింది. ఇంకా చెప్పాలంటే ఈ పిక్సెల్ 8 లాంఛ్ అయిన తర్వాత ఇంత మొత్తంలో ధర తగ్గిపోవడం ఇదే తొలిసారి. మరి గూగుల్ జెమినీ ఆధారిత ఏఐ ఫీచర్లు, టెన్సర్ జీ2 చిప్సెట్, బెస్ట్ కెమెరా కలిగిన ఈ స్మార్ట్ ఫోన్ ధర ఎంత? దాని స్పెసిఫికేషన్స్ ఏంటి తెలుసుకుందాం.

Google Pixel 8 price Rs. 36,999 – ఫ్లిప్కార్ట్ బిగ్ బిలియన్ డేస్ సేల్లో భాగంగా ఈ గూగుల్ పిక్సెల్ 8 ధర. రూ.36,999గా ఉంది. 8 జీబీ ర్యామ్, 128 జీబీ స్టోరేజ్ వేరియంట్కు ఈ ధర నిర్ణయించారు. హెచ్డీఎఫ్సీ బ్యాంక్ నో కాస్ట్ ఈఎంఐ ఆప్షన్తో పేమెంట్ చేస్తే రూ.2,000 వరకు డిస్కౌంట్ దొరుకుంది. అంటే ఈ ఫోన్ను రూ.35,000 కన్నా తక్కువకే సొంతం చేసుకోవచ్చు. వాస్తవానికి ఈ గూగుల్ 8 పిక్సల్ ధర లాంఛ్ అయినప్పుడు రూ.75,999గా ఉంది. కాబట్టి కొత్త డిస్కౌంట్తో కలిపి రూ.40,000 లోపు కొనడానికి ఈ ఫోన్ బెస్ట్ ఛాయిస్. ముఖ్యంగా మంచి కెమెరా కావాలనుకునేవారికి ఈ డీల్ వెరీ బెస్ట్.

ALSO READ : ఇదేం సేల్ అయ్యా బాబు.. మరీ ఇంత చీపా.. రూ.500లోపే ఎన్ని గాడ్జెట్స్ కొనొచ్చో!

Google Pixex 8 Specifications – గూగుల్ పిక్సెల్ 8లో 6.2 ఇంచ్ డిస్ ప్లేను కలిగి ఉంది. 120Hz రిఫ్రెష్ రేట్, 428 పీపీఐ పిక్సెల్ డెన్సిటీతో వచ్చింది. ఈ స్మార్ట్ ఫోన్ స్క్రీన్ ఆకట్టుకునే 2000 నిట్స్ పీక్ బ్రైట్నెస్ను సపోర్ట్ చేస్తుంది. అలాగే ఫ్రెంట్ అండ్ బ్యాక్ రెండింటిలోనూ కార్నింగ్ గొరిల్లా గ్లాస్ విక్టస్ ప్రొటెక్షన్ ఉంది.

గూగుల్ పిక్సెల్ 8లో హైక్వాలిటీ కెమెరా కూడా ఉంది. 50 మెగా పిక్సెల్ పీడీ వైడ్ ప్రైమరీ సెన్సార్, 12 మెగా పిక్సెల్ అల్ట్రా వైడ్ కెమెరా, 10.5 మెగా పిక్సెల్ సెల్ఫీ కెమెరా కూడా ఉన్నాయి. ఫాస్ట్ ఛార్జింగ్కు సపోర్ట్ చేసేలా 4,575 ఎంఏహెచ్ బ్యాటరీ సామర్థ్యాన్ని కలిగి ఉంది. ఇంకా ఈ పిక్సెల్ 8లో సరి కొత్త ఫీచర్లు కూడా ఉన్నాయి. క్యూఐ వైర్లెస్ ఛార్జింగ్ సపోర్ట్, డస్ట్ అండ్ వాటర్ రెసిస్టెన్స్ కోసం IP68 రేటింగ్ను కలిగి ఉంది.

ఇకపోతే ఈ పిక్సెల్ 8 స్మార్ట్ఫోన్ టెన్సర్ జీ3 ప్రాసెసర్పై నడుస్తుంది. పాత టెన్సర్ జీ2తో పోలిస్తే మరింత వేగంగా, మెరుగైన సామర్థ్యంతో పని చేస్తుంది. 8 జీబీ ర్యామ్, 256 జీబీ వరకు స్టోరేజ్ కెపాసిటీని కలిగి ఉంది.