Laptop Cooling Tips: మండు వేసవిలో మీ లాప్‌టాప్‌తో జాగ్రత్త..ఈ చిట్కాలు పాటించకుంటే డేంజర్

Laptop Cooling Tips: ఎండాకాలం వస్తే మనుషులకే కాదు, లాప్‌టాప్‌ వంటి పరికరాలకు కూడా హీట్ తప్పదని నిపుణులు హెచ్చరిస్తున్నారు. అధిక ఉష్ణోగ్రతలు పరికరాలను వేడెక్కించి పనితీరును ప్రభావితం చేస్తుందని అంటున్నారు. అంతేకాదు కొన్నిసార్లు లాప్‌టాప్ ఎక్కువ హీటయ్యి సడన్‌గా ఆఫ్ కావడం, బ్యాటరీ లైఫ్ తగ్గిపోవడం, హార్డ్‌వేర్ డ్యామేజ్, పేలే ప్రమాదం కూడా ఉందని హెచ్చరిస్తున్నారు. ఆ క్రమంలో హై పర్ఫార్మెన్స్ పనులు చేస్తుంటే ఈ సమస్యలు మరింత పెరగవచ్చని అంటున్నారు. ఇలాంటి క్రమంలో మీ లాప్‌టాప్‌ను కూల్‌గా ఉంచుకోవడం కోసం కొన్నిజాగ్రత్తలు పాటించాలని చెబుతున్నారు. ఆ విశేషాలేంటో ఇక్కడ చూద్దాం.

1. గాలి ప్రసరణ మెరుగుపరచడం

లాప్‌టాప్ ఉపయోగించే సమయంలో దాని వెంటిలేషన్ పద్ధతిని అడ్డుకోవద్దు. బెడ్, సోఫాపై ఉంచకుండా, గాలి ప్రసరణ సులభంగా జరిగేలా టేబుల్ లేదా హార్డ్ సర్ఫేస్‌పై ఉంచుకోవడం మంచిది.

2. లాప్‌టాప్‌ను శుభ్రంగా ఉంచండి

లాప్‌టాప్‌లో మట్టికణాలు, ధూళి చేరితే ఫ్యాన్ పనితీరు తగ్గిపోతుంది. ఫలితంగా, లాప్‌టాప్ వేడెక్కుతుంది. క్రమం తప్పకుండా కీబోర్డ్, ఫ్యాన్ ఏరియా సహా ఇతర భాగాలను క్లీన్ చేయాలి.

3. ఎయిర్ కూలింగ్ ప్యాడ్

లాప్‌టాప్ వేడి సమస్యను తగ్గించడానికి కూలింగ్ ప్యాడ్ చాలా ఉపయోగపడుతుంది. ఇవి ప్రత్యేకంగా లాప్‌టాప్‌లను చల్లగా ఉంచేందుకు సహాయపడుతుంది.

4. ఏసీ గదిలో ఉంటే
వాతావరణం చల్లగా ఉంటే, లాప్‌టాప్ వేడెక్కే అవకాశం తగ్గుతుంది. మీరు ఏసీ గదిలో ఉంటే, లాప్‌టాప్ వేడిని తగ్గించుకోవచ్చు.

5. బ్యాక్‌గ్రౌండ్ అప్లికేషన్లను తగ్గించండి
అనవసరమైన ప్రోగ్రామ్‌లు రన్ అవ్వడం వల్ల ప్రాసెసర్ పై భారం పడుతుంది. దీని వల్ల వేడి స్థాయిలు పెరుగుతాయి. బ్యాక్‌గ్రౌండ్‌లో అవసరం లేని అప్లికేషన్లను తొలగించడం మంచిది.

Read Also: Ugadi Offer: రూ.16500కే ప్రీమియం ఫీచర్లతో డెల్ ల్యాప్‌టాప్. …

6. వేడి తగ్గించే సాఫ్ట్‌వేర్

కొన్ని ప్రత్యేకమైన సాఫ్ట్‌వేర్‌లు లాప్‌టాప్ వేడి స్థాయిని మానిటర్ చేసి, అవసరమైన చర్యలు తీసుకుంటాయి. వీటిని ఉపయోగిస్తే బెటర్. HWMonitor, SpeedFan, Core Temp వంటివి..

7. స్క్రీన్ బ్రైట్‌నెస్ తగ్గించండి

పెద్ద స్క్రీన్ బ్రైట్‌నెస్ ఎక్కువ పవర్ వినియోగానికి కారణమవుతుంది. దీని వల్ల లాప్‌టాప్ వేడి పెరుగుతుంది. కాబట్టి, స్క్రీన్ బ్రైట్‌నెస్ తగ్గించడం వల్ల వేడి నియంత్రణలో ఉంటుంది.

8. సరైన ఛార్జర్
అసలు లాప్‌టాప్ ఛార్జర్ కాకుండా, తక్కువ లేదా ఎక్కువ పవర్ ఉత్పత్తి చేసే ఛార్జర్ ఉపయోగించడం వల్ల వేడి పెరుగుతుంది. కాబట్టి, మాన్యుఫ్యాక్చరర్ సూచించిన ఛార్జర్‌ను మాత్రమే ఉపయోగించండి.

9. ఒత్తిడికి గురిచేయకుండా
ఒకేసారి అధికంగా మల్టీ టాస్కింగ్ చేయడం వల్ల CPU, GPU ఎక్కువ పని చేస్తాయి. దీని వల్ల వేడి పెరుగుతుంది. అవసరాన్ని బట్టి మాత్రమే అప్లికేషన్లు ఓపెన్ చేసుకోండి.

10. అన్‌డర్‌వోల్టింగ్ చేయండి

అన్‌డర్‌వోల్టింగ్ అనేది ప్రాసెసర్ వినియోగించే పవర్‌ను తగ్గించే ప్రక్రియ. దీని వల్ల వేడి సమస్యను తగ్గించుకోవచ్చు. అయితే, ఇది సాంకేతిక పరిజ్ఞానం అవసరమైన ప్రక్రియ కాబట్టి, ఎక్స్‌పర్ట్ గైడెన్స్ తీసుకోవడం మంచిది.

11. బ్యాటరీ ఆరోగ్యం

ఎప్పుడూ లాప్‌టాప్‌ను 100% ఛార్జింగ్ చేయకూడదు. బ్యాటరీ ఎక్కువ ఛార్జ్ కలిగి ఉంటే, వేడెక్కే అవకాశాలు ఎక్కువగా ఉంటాయి. 80% ఛార్జింగ్ వద్ద ఛార్జర్ తొలగించడం మంచిది.

12. వాతావరణాన్ని గమనించండి

అధిక ఉష్ణోగ్రతలు ఉంటే, లాప్‌టాప్‌ను దూరంగా ఉంచడం లేదా తక్కువ సమయం పాటు మాత్రమే ఉపయోగించడం మంచిది. అలాంటి గదిలో లాప్‌టాప్ ఉంచితే వేడి మరింత పెరుగుతుంది.