E-Paper
Advertisement

ఇన్‌స్టాగ్రామ్‌లో అసభ్యకర పోస్టులపై మెటా కొరడా.. అల్గారిథమ్‌లో భారీ మార్పులు!

ఇన్‌స్టాగ్రామ్‌లో అసభ్యకర పోస్టులపై మెటా కొరడా.. అల్గారిథమ్‌లో భారీ మార్పులు!
Advertisement

Instagram Algorithm Update: ఇన్‌స్టాగ్రామ్ ఓపెన్ చేయగానే రీల్స్, ఎక్స్‌ప్లోర్‌లో మనకు తెలియని అకౌంట్ల నుంచి ఎన్నో పోస్టులు కనిపిస్తుంటాయి. వాటిలో మనకు నచ్చేవి కొన్ని ఉంటే.. ఇబ్బందిగా అనిపించేవి మరికొన్ని ఉంటాయి. ముఖ్యంగా అసభ్యకరమైన వీడియోలు, అభ్యంతరకరమైన పోస్టులు కనిపించడంపై చాలామంది అసంతృప్తి వ్యక్తం చేస్తుంటారు. ఇలాంటి కంటెంట్‌ను తగ్గించేందుకు ఇన్‌స్టాగ్రామ్‌ను నిర్వహిస్తున్న మెటా తమ రికమండేషన్ సిస్టమ్‌లో మార్పులు చేస్తోంది.

ఏమేం మారనుందంటే?

ఇకపై యూజర్లకు ఏ పోస్టులు చూపించాలనే విషయంలో మెటా మరింత జాగ్రత్త తీసుకోనుంది. లైంగికంగా రెచ్చగొట్టేలా ఉన్న వీడియోలు, సున్నితమైన అంశాలతో కూడిన పోస్టులు, నాణ్యత లేని కంటెంట్‌ను ఎక్కువ మందికి సూచించకుండా చర్యలు తీసుకుంటోంది. అయితే అలాంటి పోస్టులన్నీ పూర్తిగా తొలగిపోతాయని దీని అర్థం కాదు. ప్రధానంగా మనం ఫాలో కాని అకౌంట్ల నుంచి వచ్చే సూచనలపైనే ఈ మార్పుల ప్రభావం ఉంటుంది.

రీల్స్‌పైనా ప్రభావం..

Advertisement

మనం ఏయే వీడియోలు చూస్తున్నాం, దేనికి లైక్ చేస్తున్నాం, ఏ పోస్టులపై ఎక్కువ సమయం గడుపుతున్నాం అనే విషయాలను బట్టి ఇన్‌స్టాగ్రామ్ కొత్త కంటెంట్ చూపిస్తుంది. ఉదాహరణకు వంటల వీడియోలు ఎక్కువగా చూస్తే అలాంటివే మరిన్ని వస్తాయి. ఇప్పుడు ఈ సూచనల్లో కూడా కంటెంట్ నిబంధనలకు సరిపోతుందా లేదా అనేది మెటా పరిశీలించనుంది. ముఖ్యంగా రీల్స్, ఎక్స్‌ప్లోర్, ఫీడ్‌లో ఈ మార్పులు కనిపించవచ్చు.

Also Read: సైబర్ నేరగాళ్ల కొత్త అస్త్రం SIM Swap.. ఓటీపీ చెప్పకపోయినా మీ అకౌంట్ జీరో అవుతుంది! జాగ్రత్త పడండిలా..

ప్రభుత్వం ఏమంటోంది?

Advertisement

అక్టోబర్ 10న కేంద్ర ఐటీ మంత్రిత్వ శాఖ మెటాకు ఒక సూచన జారీ చేసింది. తప్పుడు సమాచారం, అభ్యంతరకరమైన పోస్టులు అల్గారిథమ్ కారణంగా ఎక్కువ మందికి చేరే అవకాశం ఉందని ఆందోళన వ్యక్తం చేసింది. కంటెంట్‌ను సూచించే విధానాన్ని మరోసారి పరిశీలించాలని కోరింది. ఈ నేపథ్యంలో భారత్‌లో ఆర్టిఫిషియల్ ఇంటెలిజెన్స్ సాయంతో కంటెంట్‌ను గుర్తించే వ్యవస్థను మెటా మరింత మెరుగుపరుస్తోంది.

యూజర్లకు ఉపయోగమేంటి?

ఈ మార్పులతో ఇన్‌స్టాగ్రామ్‌లో స్క్రోల్ చేస్తున్నప్పుడు ఇబ్బందికరమైన పోస్టులు తక్కువగా కనిపించే అవకాశం ఉంది. అయితే మార్పులు అందరికీ ఒకేసారి కనిపించకపోవచ్చు. ప్రభుత్వ సూచన వల్లే ఈ నిర్ణయం తీసుకున్నట్లు మెటా స్పష్టంగా చెప్పలేదు. మొత్తానికి యూజర్లు ఫాలో అయ్యే అకౌంట్ల పోస్టుల కంటే, ఇన్‌స్టాగ్రామ్ కొత్తగా సూచించే కంటెంట్‌లోనే ఎక్కువ తేడా కనిపించనుంది.

అంటే మీరు ఎవరినైనా ఫాలో అవుతున్నారంటే వారి పోస్టులు కనిపించే విధానం పూర్తిగా మారిపోతుందని అనుకోవాల్సిన అవసరం లేదు. కొత్తగా ఏ వీడియోను మీ ముందుకు తీసుకురావాలనే నిర్ణయంలో మాత్రం అదనపు తనిఖీలు ఉంటాయి. ఇన్‌స్టాగ్రామ్‌లో రోజూ గంటల తరబడి రీల్స్ చూసేవారికి ఈ విషయం ముఖ్యమైన మార్పుగా చెప్పొచ్చు. పిల్లలు, కుటుంబ సభ్యులతో కలిసి యాప్ ఉపయోగించే సమయంలో అనవసరమైన వీడియోలు ఎదురవకుండా ఉండేందుకు కూడా ఇది ఉపయోగపడవచ్చు. అయితే ఏ పోస్టును సున్నితమైన కంటెంట్‌గా గుర్తిస్తారనే విషయంలో మెటా నిబంధనలే కీలకం. కాబట్టి.. రాబోయే రోజుల్లో ఫలితాలు ఎలా ఉంటాయో చూడాలి.

Also Read: రూ.15 వేలలోపే ఇంటిని మినీ థియేటర్‌గా మార్చేసే 4 బెస్ట్ సౌండ్‌బార్స్ ఇవే!

Tags

Related News

సైబర్ నేరగాళ్ల కొత్త అస్త్రం SIM Swap.. ఓటీపీ చెప్పకపోయినా మీ అకౌంట్ జీరో అవుతుంది! జాగ్రత్త పడండిలా..

రూ.15 వేలలోపే ఇంటిని మినీ థియేటర్‌గా మార్చేసే 4 బెస్ట్ సౌండ్‌బార్స్ ఇవే!

బర్త్ డే విషెస్ కోసం రాత్రి 12 గంటలకు నిద్రలేవాల్సిన పనే లేదు..వాట్సాప్ మెసేజ్‌ షెడ్యూల్ చేయండిలా!

రూ.8,299కే సెమీ ఆటోమేటిక్ వాషింగ్ మెషీన్..ఫీచర్లు తెలిస్తే వెంటనే కొనేస్తారు

సామాన్యుల రీఛార్జ్ భారం తగ్గిస్తున్న BSNL.. రూ.172కే అన్‌లిమిటెడ్ కాల్స్, రోజుకు 100 SMSలు!

వాట్సప్ చాటింగ్ ఇక మరింత ఫన్.. మెసేజ్‌లకు స్టిక్కర్లతోనే రియాక్ట్ అయ్యే కొత్త ఫీచర్!

ఇన్‌స్టాగ్రామ్ యూజర్లకు మెటా బిగ్ సర్‌ప్రైజ్.. అకౌంట్ లేకపోయినా చాటింగ్ చేసేలా కొత్త యాప్!

Big Stories

Advertisement
×