Nothing Phone 3: నథింగ్ ఫోన్ 3 ఇండియా లాంచ్ త్వరలోనే.. అద్భుత ఫీచర్లతో వన్ ప్లస్ 13కు పోటీనా?

Nothing Phone 3| నథింగ్ ఫోన్ 3 లాంచ్ తేదీ గురించి అధికారికంగా ప్రకటించింది. కానీ ఈ ఫ్లాగ్‌షిప్ స్మార్ట్‌ఫోన్ జూలై మొదటి వారంలో విడుదల కానుందని సమాచారం. సోషల్ మీడియా ద్వారా ఎన్నో రోజులుగా ఫ్యాన్స్‌ను ఆకర్షిస్తున్న నథింగ్ కంపెనీ, 2023లో వచ్చిన నథింగ్ ఫోన్ 2 కంటే మెరుగైన డిజైన్, పనితీరు, కెమెరా నాణ్యతతో ఈ కొత్త ఫోన్‌ను తీసుకొస్తోంది. నథింగ్ సీఈఓ పీట్ లౌ ఈ ఫోన్ ధరను కూడా ఇటీవల వెల్లడించారు.

నథింగ్ ఫోన్ 3 లాంచ్ తేదీ

నథింగ్ కంపెనీ అధికారిక ఎక్స్ హ్యాండిల్ లో చేసిన పోస్ట్ ప్రకారం.. నథింగ్ ఫోన్ 3 జూలై 1వ తేదీ సాయంత్రం 6 గంటలకు లాంచ్ కానుంది. ఈ ఫోన్ భారతదేశంతో సహా ప్రపంచవ్యాప్తంగా అందుబాటులో ఉంటుంది. నథింగ్ ఫోన్ 2 విడుదలై రెండేళ్ల తర్వాత ఈ కొత్త మోడల్ రానుంది. ఈ ఫోన్ ధర సుమారు £800 (సుమారు రూ. 90,000) ఉండవచ్చని, కానీ భారతదేశంలో రూ. 65,000 నుంచి రూ. 70,000 మధ్య ఉండే అవకాశం ఉంది.

నథింగ్ ఫోన్ 2తో పోలిస్తే ఈ ఫోన్ డిజైన్‌లో కంపెనీ పెద్ద మార్పు చేసింది. వెనుకవైపు ఉండే గ్లిఫ్ ఇంటర్‌ఫేస్‌ను మొదటిసారిగా తొలగించేసింది. ఈ విషయాన్ని ఇటీవల అధికారికంగా ధృవీకరించారు. చూడడంలో ఫోన్ 3 కెమెరా డిజైన్ వన్‌ప్లస్ 13 లాగే ఉంటుంది. నథింగ్ ఫోన్ 3ఎ సిరీస్‌లో ఉన్నట్లుగా మూడు కెమెరాల సెటప్‌ను కలిగి ఉంటుంది.

నథింగ్ ఫోన్ 3 స్పెసిఫికేషన్లు

ఈ ఫోన్‌లో 6.77-అంగుళాల AMOLED LTPO డిస్‌ప్లే ఉంటుంది. ఇది 120Hz రిఫ్రెష్ రేట్, 3,000 నిట్స్ గరిష్ట బ్రైట్‌నెస్‌ను అందిస్తుంది. క్వాల్‌కామ్ స్నాప్‌డ్రాగన్ 8 జెన్ 3 ప్రాసెసర్‌తో పనిచేసే ఈ ఫోన్, 12GB RAM, 512GB స్టోరేజ్‌ను సపోర్ట్ చేస్తుంది.

బ్యాటరీ విషయానికొస్తే, 5,500mAh బ్యాటరీతో 50W వైర్డ్, 20W వైర్‌లెస్ ఛార్జింగ్ సౌకర్యం ఉంటుంది. అదనంగా, ఈ ఫోన్‌లో గూగుల్ జెమినీ AI ఫీచర్లతో పాటు.. ఇందులో సర్కిల్-టు-సెర్చ్, స్మార్ట్ డ్రాయర్, వాయిస్ ట్రాన్స్‌క్రిప్షన్, బిల్ట్-ఇన్ AI అసిస్టెంట్ వంటి ఫీచర్లు ఉన్నాయి. వెనుకవైపు మూడు 50MP కెమెరాలు, ముందువైపు 32MP సెల్ఫీ కెమెరా ఉంటాయి.

Also Read: ఇండియాలో ఇన్ఫినిక్స్ గేమింగ్ స్మార్ట్‌ఫోన్ లాంచ్.. తక్కువ ధరలోనే సూపర్ ఫీచర్లు

నథింగ్ ఫోన్ 3 అధునాతన ఫీచర్లు, ఆకర్షణీయ డిజైన్‌తో స్మార్ట్‌ఫోన్ ప్రియులను ఆకట్టుకోనుంది. ఈ ఫోన్ లాంచ్ కోసం అభిమానులు ఆసక్తిగా ఎదురుచూస్తున్నారు!

Join WhatsApp Channel

Share

• 
• 
• 
• 
• 
•