OnePlus Ace 3 Pro launched with 24GB RAM and 6100mAh Battery: ప్రముఖ టెక్ బ్రాండ్ OnePlus ఎట్టకేలకు ‘OnePlus Ace 3 Pro’ని చైనీస్ మార్కెట్లో లాంచ్ చేసింది. OnePlus Ace 3 Pro స్మార్ట్ఫోన్ 6.78 అంగుళాల 8T LTPO AMOLED డిస్‌ప్లేను కలిగి ఉంది. ఈ ఫోన్ వెనుక భాగంలో 50 మెగాపిక్సెల్ ప్రైమరీ కెమెరా, ముందు భాగంలో 16 మెగాపిక్సెల్ సెల్ఫీ కెమెరాను అందించారు. ఇక ఈ ఫోన్‌కి సంబంధించి పూర్తి ఫీచర్లు, ధర, స్పెసిఫికేషన్ల గురించి పూర్తిగా తెలుసుకుందాం.
OnePlus Ace 3 Pro Price
OnePlus Ace 3 Pro.. 12GB ర్యామ్ + 256GB స్టోరేజ్ వేరియంట్ 3,199 యువాన్లుగా నిర్ణయించబడింది. అంటే భారతీయ కరెన్సీ ప్రకారం సుమారు రూ. 36,730గా ఉంది. అలాగే 16GB ర్యామ్ + 256GB స్టోరేజ్ వేరియంట్ ధర 3499 యువాన్లు.. భారతీయ కరెన్సీ ప్రకారం సుమారు రూ. 40,170గా ఉంది. ఇక 16GB ర్యామ్ + 512GB స్టోరేజ్ వేరియంట్ ధర 3799 యువాన్.. భారతీయ కరెన్సీ ప్రకారం సుమారు రూ.43,610గా కంపెనీ నిర్ణయించింది.
అలాగే 24GB ర్యామ్ + 1TB స్టోరేజ్ వేరియంట్ ధర 4399 యువాన్ అంటే భారతీయ కరెన్సీ ప్రకారం సుమారు రూ.50,500గా ఉంది. ఇంకా 16GB ర్యామ్ + 512GB సిరామిక్ స్టోరేజ్ వేరియంట్ ధర 3999 యువాన్లు అంటే సుమారు రూ.45,905.. చివరిగా 24GB ర్యామ్ + 1TB సిరామిక్ స్టోరేజ్ వేరియంట్ ధర 4699 యువాన్లు అంటే సుమారు రూ.53,950గా కంపెనీ నిర్ణయించింది. ఈ స్మార్ట్ఫోన్ సేల్ జూలై 3 నుంచి స్టార్ట్ అవుతుంది. ఈ స్మార్ట్ఫోన్ టైటానియం మిర్రర్ సిల్వర్, గ్రీన్ ఫీల్డ్ బ్లూ, సూపర్‌కార్ పింగాణీ కలెక్షన్ అనే మూడు కలర్ వేరియంట్లలో వస్తుంది.
Also Read: ఫొటో అట్రాక్షన్ ఫోన్.. వివో నుంచి రూ.9,999లకే కొత్త 5జీ మొబైల్.. ఫస్ట్ సేల్ ఎప్పుడంటే..?
OnePlus Ace 3 Pro Specifications
OnePlus Ace 3 Pro.. 2780×1264 పిక్సెల్‌ల రిజల్యూషన్‌తో 6.78-అంగుళాల 8T LTPO AMOLED డిస్‌ప్లేతో వస్తుంది. ఇది 120Hz రిఫ్రెష్ రేట్, గరిష్ట బ్రైట్‌నెస్ 4500 నిట్‌ల వరకు అందిస్తుంది. డాల్బీ విజన్‌తో కూడిన ఈ డిస్‌ప్లే మూలన గొరిల్లా గ్లాస్ విక్టస్ 2తో వస్తుంది. అలాగే ఈ ఫోన్ 6100mAh బ్యాటరీని కలిగి ఉంది. ఇది 100W SuperVOOC ఛార్జింగ్‌కు మద్దతు ఇస్తుంది. ఫోన్‌ను దుమ్ము, ధూళి నుంచి రక్షించేందుకు IP65 రేటింగ్‌తో వస్తుంది. ఈ స్మార్ట్‌ఫోన్‌లో ఇన్ డిస్‌ప్లే ఫింగర్‌ప్రింట్ సెన్సార్‌ను అందించారు. అలాగే ఈ స్మార్ట్ఫోన్ స్టీరియో స్పీకర్‌తో వస్తుంది. ఆండ్రాయిడ్ 14 ఆధారంగా కలర్‌ఓఎస్ 14.1పై పనిచేస్తుంది.
ఇక కెమెరా విషయానికొస్తే.. OnePlus Ace 3 Pro వెనుక భాగంలో OIS మద్దతుతో 50-మెగాపిక్సెల్ Sony IMX890 ప్రైమరీ కెమెరా, 8-మెగాపిక్సెల్ Sony IMX355 అల్ట్రా-వైడ్ కెమెరా ఉంది. ఇది 2 మెగాపిక్సెల్ హోవే OV02B మాక్రో కెమెరాతో అందించబడింది. ఇక సెల్ఫీల కోసం ఫోన్ ముందు భాగంలో 16-మెగాపిక్సెల్ Samsung S5K3P9 సెల్ఫీ కెమెరా అందించబడింది. OnePlus Ace 3 Proలో Adreno 750 GPUతో స్నాప్‌డ్రాగన్ 8 Gen 3 ప్రాసెసర్ ఉంది. కనెక్టివిటీ ఎంపికలలో డ్యూయల్ సిమ్, 5G, డ్యూయల్ 4G VoLTE, Wi-Fi 7, బ్లూటూత్ 5.4, Beidou, GPS, టైప్ C పోర్ట్ వంటివి ఉన్నాయి.
Share
YSRCP Double Game : పార్లమెంట్ సాక్షిగా.. వైసీపీ, బీజేపీ డబుల్ గేమ్
Realme Narzo 70 Pro 5G: రియల్‌మీ నార్జో 70 ప్రో ఫోన్‌పై రూ. 4 వేల డిస్కౌంట్.. ఇప్పుడు కాకపోతే ఇంకెప్పుడు బ్రో..!
