Vivo Y18i Launched: వివో నుంచి బడ్జెట్ ఫోన్.. కేవలం రూ.7999లకే లాంచ్..

Vivo Y18i Launched In India: టెక్ బ్రాండ్ వివో కొత్త కొత్త ఫోన్లతో అందరినీ ఆకట్టుకుంటోంది. ముఖ్యంగా వివో ఫోన్లంటే కెమెరాలో కింగ్ అని అందరికీ అర్థమైపోయింది. అందువల్లనే మంచి క్వాలిటీ గల ఫొటోలను కోరుకునే వారు వివో ఫోన్‌ల పైనే ఎక్కువగా ఆసక్తి చూపిస్తుంటారు. అయితే ఈ మధ్య కంపెనీ బడ్జెట్ ధరలో కూడా కొత్త కొత్త మోడళ్లను తీసుకొస్తూ ఫోన్ ప్రియులను అట్రాక్ట్ చేస్తుంది. ఇందులో భాగంగానే తాజాగా కంపెనీ Vivo Y18i స్మార్ట్‌ఫోన్‌ను భారతదేశంలో తీసుకొచ్చింది.

ఈ కొత్త ఫోన్ Unisoc చిప్‌సెట్‌తో వస్తుంది. ఈ స్మార్ట్‌ఫోన్‌ను కంపెనీ ఎంట్రీ-లెవల్ సెగ్మెంట్‌లో రిలీజ్ చేసింది. ఇందులో 4GB RAM, 64GB స్టోరేజ్, HD+ డిస్‌ప్లే ఉంది. ఇది 13-మెగాపిక్సెల్ ప్రధాన వెనుక కెమెరాను కలిగి ఉంది. 5,000mAh బ్యాటరీ ఫోన్‌కు శక్తినిస్తుంది. Vivo ఇండియా వెబ్‌సైట్‌లో ఫోన్ లిస్ట్ చేయబడింది. భారతదేశంలో Vivo Y18i ధర మరియు దాని స్పెసిఫికేషన్ల గురించి వివరంగా తెలుసుకుందాం.

Vivo Y18i Specifications

Vivo Y18i స్మార్ట్‌ఫోన్ Android 14-ఆధారిత Funtouch OS 14పై నడుస్తుంది. ఇది 90Hz రిఫ్రెష్ రేట్‌తో 6.56-అంగుళాల HD+ (1,612 × 720 పిక్సెల్‌లు) LCD డిస్‌ప్లేను కలిగి ఉంది. ఫోన్ Unisoc T612 చిప్‌సెట్‌తో రన్ అవుతుంది. 4GB RAMతో జత చేయబడింది. ఫోన్‌లో 64GB ఆన్‌బోర్డ్ స్టోరేజ్ ఉంది. ఆన్‌బోర్డ్ స్టోరేజీని ఉపయోగించి ర్యామ్‌ను 8GB వరకు పెంచుకోవచ్చు. అలాగే మైక్రో SD కార్డ్ ద్వారా స్టోరేజ్‌ను విస్తరించవచ్చు. Vivo Y18iలో డ్యూయల్ రియర్ కెమెరా సెటప్‌ ఉన్నాయి.

Also Read: బడ్జెట్ కింగ్.. పోకో నుంచి చీపెస్ట్ 5G ఫోన్.. ధర ఎంతంటే?

అందులో 13-మెగాపిక్సెల్ ప్రైమరీ సెన్సార్, 0.08-మెగాపిక్సెల్ సెకండరీ సెన్సార్ ఉన్నాయి. ఇది ముందు భాగంలో 5 మెగాపిక్సెల్ సెన్సార్‌ను కలిగి ఉంది. ఫోన్‌లో బ్లూటూత్ 5.1, బీడౌ, గ్లోనాస్, గెలీలియో, OTG, FM రేడియో, USB 2.0 పోర్ట్ వంటివి ఉన్నాయి. అలాగే ఇది వాటర్ అండ్ డస్ట్ రెసిస్టెన్స్ కోసం IP54-రేటెడ్ బిల్డ్‌ను కలిగి ఉంది. Vivo Y18i 5,000mAh బ్యాటరీని కలిగి ఉంది. కాగా కంపెనీ దీనిని 4G వెర్షన్‌లో తీసుకొచ్చింది.

Vivo Y18i Price

Vivo Y18i స్మార్ట్‌ఫోన్ వివో అధికారిక వెబ్‌సైట్‌లో కేవలం రూ. 7,999 ధరకు లిస్ట్ అయింది. ఈ ధర వద్ద 4GB RAM + 64GB స్టోరేజ్ వేరియంట్ మాత్రమే అందించబడింది. ఇది జెమ్ గ్రీన్, స్పేస్ బ్లాక్ కలర్ ఆప్షన్‌లలో అందుబాటులో ఉంది. ఇది ఆఫ్‌లైన్ ఛానెల్‌ల ద్వారా కూడా అందుబాటులో ఉంటుందని భావిస్తున్నారు.

Share

• 
• 
• 
• 
• 
•